افطرو بانكيك مع سيرب
توست مقلي بالزبده بعدين حطي فوقه عسل اصلي
كلي ساندوتش نوتيلا
بيض اومليت بالجبنه
سندوتشات بينت باتر

في الغدا كلي بطاطس مقليه مع اكلك جيبي من هذي اللي تلقيها في الفريزر في السوبرماركتات افضل لانها ما تشرب زيت زي اللي تقطعيها في البيت ..

مرحبااااااا ... رجعت لكم واعذريني على التأخير ..

طبعا ردي كتبته بالورد وبنسخه لك لانه طويل خفت ولدي يطير لي اياه .. يلا بسم الله نبدأ .. وان شاءالله يفيدك ..


اول شيء لازم تعرفي انه اللي يبي يغير من وزنه سواء محتاج يزود او ينقص يبغا له تغيير في نمط حياته .. يعني يعود نفسه على بعض العادات ويستمر عليه ... ما في شيء اسمه رجيم شهر شهرين واوقف .. ما في شيء اسمه ازود او انقص 5 كيلو وبعدين اوقف ..

واصلا اذا اتبعتِ نظام معين انتي لحالك بتتعودي عليه وتستمري .. لكن يبالك تشدي على نفسك شوي في البدايه ..

السر في اي نظام .. هو نوع الاكل + الكميه ..

اهم شيء تختاري اكل صحي .. الاكل الصحي حطي تحته مية خط ..
مو تروحين تاكلين تشيبس وتشوكليت وفاست فود ومقليات وتقولين بمتن كذا .. لا ..
ما راح تمتنك .. بس بتسوي لك كرش وترفع لك الكوليسترول والسكر ومن ثم الضغط ..
انتبهوا من هالنقطه بلييييز .. لانه كثير ينصحون النحيفات بهالاكلات ..
لكنها ترفع نسبة الدهون الضارة في الجسم ... بدل ما تبني لك عضلات ..

لزيادة الوزن او حتى للنقصان .. محتاجه تزودي كتلة العضلات .. مو نسبه الدهون ..
والاكل لازم يكون متوازن .. يعني يحتوي على كربوهيدرات و بروتين ودهون وفيتامينات ومعادن والياف وماء ..
يعني كلي كل شيء بس باعتدال .. مو كل يوم تشيبس و تشوكليت ومقليات ..

في ناس متينه مثلا تتبع رجيم غذائي خاطئ .. وتخسر من وزنها الكثير ..
ومجرد ما توقف رجيم .. يرجع الوزن يزيد .. واكثر من قبل حتى .. ليش؟

لانه الرجيم الخاطئ والرياضة الخطأ او الزائده عن الحد تخليكي تخسري عضلاتك بدل الدهون ..

لازم تبني وتحافظي على عضلاتك ..

الحين اذا تكلمنا عن الكالوريز او السعرات .. نحن نحتاج عدد معين من الكالوريز كل يوم ويختلف من شخص لاخر ..

اذا اخذتي سعرات اكثر من اللي تحرقيهم .. وزنك بيزيد .. لانه الزياده تتحول لدهون وتتخزن..
اذا اخذتي سعرات اقل من اللي تحرقيهم .. وزنك بينقص .. لانه الجسم يحتاج طاقه ..فبيحرق الدهون المخزنه ..
اذا تقريبا في توازن بين السعرات اللي تاخذيهم واللي تحرقيهم .. وزنك بيضل ثابت ..

في مواقع تحسب لك كم كالوري انتي تحتاجي بالضبط ..
وفي مواقع تساعدك تحسبي الكالوريز اللي انتي قاعده تاخذيها كل يوم ..

انتي اول شيء حطي لك دفتر يوميات .. سجلي فيه اي شيء تاكلينه او تشربينه
بعدين بتاخذين فكره عن عدد السعرات ونوع الاكلات اللي تاكلينها ..

طبعا انا افضل انك تستشيري اخصائية تغذيه او على الاقل مدربه رياضة .. وثم تبدأي ..
لكن بكتب لك النصائح العامه .. وطبعا انا عندي اختين نحيفات .. وحده منهم احسها مثلك الضبط ..

اوكي الحين ..

1. اشربي ماء كثير .. اقل شيء 8 اكواب في اليوم ..
مثل ما قلت لك تحتاجين تبنين عضلات .. والماي هو العنصر الاساسي في تركيبة العضلات ( تقريبا 70 او 80 في المئة ) والباقي بروتين .. كمان الماء يخلي العضلات تبين اكبر .. ويساعد في اسراع عمليه نمو وتطور العضلات.. وطبعا لها فوائد كثيييره غير هذه .. كفايه انها تخلص الجسم من السموم وتعطي نضارة للوجه ..

وعلى فكره حتى اللي تبي تنقص وزنها لازم تشرب ماء كثير .. سبحان الله الماي شيء عجيب يساعد النحيف والمتين ..
الفرق مثلا انتي نحيفه لا تشرين ماء قبل الاكل او مع الاكل .. لانه معدتك بتمتلئ وما بتاكلي اقل .. لكن المتينه يفضل تشرب كوب او كوبين من الماء قبل الاكل بنصف ساعه .. وبتاكل اقل ..

2. لازم تاكلين اقل شيء 3 وجبات في اليوم .. الفطور وجبه اساسيه ما ينفع تتركيه .. انتي ابدأي شوي شوي لانه معدتك صغيره ما راح تقدري تاكلي فطور كامل مرو وحده .. وبعدين انتي احسن لك بعد ما تحسبي عدد الكالوريز اللي تحتاجينه .. تقسميهم على 4 , او 5 , او 6 وجبات في اليوم .. انا افضل في حالتك انك تاكلي 6 مرات احسن لك .. طبعا ما راح تكون وجبات كاملة.. عندك الفطور .. والغذاء والعشاء وجبات اساسيه .. و3 وجبات خفيفه .. snacks .. انتي شوفي كيف جدولك ومتى تقدري تاكلي .. اعملي جدول والتزمي فيه .. على فكره مو لازم كلها تكون اكلات .. تقدري تشربي عصاير ...بعدين بقول لك شو تشربي..


3. اعملي رياضه خفيفه .. مارسي المشي مثلا .. حتى لو 20 دقيقه يوم وراء يوم .. والايام اللي بينهم تعملي رياضات مقاومه .. هذه اللي تساعدك على بناء العضلات .. ممم تعرفي الرياضات اللي ترفعين شويه اوزان ؟؟؟ مثلا تبدأي بنصف كيلو في كل يد وبعدين شوي شوي تزودين .. لانك اذا استمريتي على نفس الوزن النمو بيتوقف .. اممم اختي كانت تعمل رياضه بس ناسيه شو كان جدولها الضبط .. بس هي كانت تروح الجيم والمدربه بعد ما سوت لها فحص شامل عطتها جدول تمشي عليه .. وطبعا الرياضه تتعب.. وتجوعي وتاكلي .. عاد الشاطره اللي تحاول تاكل اكلات فيها بروتين + كالوريز في هالوقت ..
وكمان بما انك حتبدأي تاكلي اكثر ان شاءالله .. الرياضه مهمه عشان جسمك يصير رشيق ..


4. حاولي تكونين مرتاحه دائما . .. وخلي موقفك يكون ايجابي تجاه الاكل .. وكلي وانتي مستمتعه .. حاولي تستفيدي من زميلاتك في الدوام مثلا .. فيه ناس ماشاءالله شهيتهم مفتوحه للاكل ويشجعون الوحده انها تاكل .. اذا عندك صاحبات كذا خليهم يشجعوكِ على الاكل .. اختي الحين في الدوام معاها زميلاتها احسهم يجبرونها تاكل خخخخ والا لو هي بروحها ترجع البيت ومو ماكله شيء ابدا .. عادي..

5. سالفه انك ترجعي من الدوام وتبدأي تطبخي وبعدين تاكلي هذه ما تنفع ابدا.. حاولي تجهزين اكلاتك من قبل وبس ترجعي البيت تسخنيه وتاكلي.. واذا زوجك يتاخر مو معناته ما تاكلين بالعكس هذه فرصه تاكلي وجبه او سناك وبعدين ترجعي تاكلي مع زوجك لما يرجع .. واذا مرة مو مشتهيه شيء كلي لك صحن سلطه .. اذكر زمان اختي راحت عند دكتوره قالت لها كلي صحن سلطه كبيير قبل وجبتك الرئيسيه .. مش معاها .. وبعد ساعه او ساعتين مثلا تتغذي.. بتاكلي اكثر .. عكس لما تاكلي السلطه مع الاكل نفسه ..

الحين بعطيكِ امثله على الاكلات ..

دايما اختاري الاكلات اللي فيها سعرات اكثر ... مثلا

السلطه اعمليها بالمايونيز بدل زيت الزيتون.. جربي اخلطي مايونيز +روب +شويه كتشب + شويه دقوس + ملح وفلفل وشوي خل او ليمون اذا حبيتي .. ممكن تجربيه مع اعشاب جافه مثلا نعناع مجفف او ريحان مجفف ..

ممكن مايونيز وروب وملح وفلفل وليمون بس ..

قلت لك حاولي تجهزي اكلات من قبل .. حتى الصوص ممكن تجهزيه قبل ..
اعملي منه كميه تكفي يومين ثلاث وتغطينها وتحطينها في الثلاجه .. عشان ما تتكاسلي اول ما ترجعي من الدوام قصي خضار وحطي الصوص وكلي ..

اعملي سلطه الروب بالخيار وخليها جاهزة في الثلاجه اذا رجعتي من الدوام كلي منها .. يمممم ..لذيذه وخاصه اذا كانت بارده .. ينفع تضيفي عليها جوز بعد ..

نوعي في السلطات وحاولي تزودين السعرات مثل ما قلت لك .. اضيفي جبن الفيتا .. زيتون .. جوز .. ذرة حلوه .. عيدان الشيبس او دوريتوس ... او خبز الكروتون ... اعملي كولسلو .. فيها مايونيز .. سلطه الافوكادو سهله وحلوه ومفيده ..
طبعا انا ما اعرف شو تحبين وشو انواع السلطات اللي تعمليه .. واذا تعرفي الطرق او لا .. انتي قولي لي وانا بكتب لك اللي اعرفه ان شاءالله ..
في اكلات سهله و مفيده مثلا الستيك ما ياخذ وقت .. صدور الدجاج او ستيك اللحم او الريش ممكن تتبليهم من بالليل ولما ترجعي البيت من الدوام تسوينهم ..
صينيه الدجاج بالفرن نفس الشي ..
طيب اسهل شيء عندك السندويتشات .. اعمليهم وخليهم لثاني يوم صدقيني اذا رجعتي البيت وشفتيهم جاهزة بتاكلينها ..

طيب تكتبي لي أنواع السلطات ؟؟؟

أنا أحب مثلا ببيتزا هت
( تونة ، مكرونة ، خضراوات ) و كلها مع الصوص
المشكلة في الصوص .. ما أعرف غير إني أكل

,
,

و كمان الستيك و صينية الدجاج تقدري تكتبي لي كيف ؟؟؟
و لو فيه ساندويتشات كمان ^_^

اذا جينا للعصائر .. اعملي ميلك شيك او سموذي .. بدل العصير العادي ..
عصير الجزر اذا تحبيه .. حلو مع ايس كريم الفانيليا .. تعصرين الجزر في المكينه الخاصه فيها وتصبينها في كؤوس .. وتحطين في كل كاس كميه من ايس كريم الفانيليا ..

عصير الموز .. موز مع حليب يفضل طازج .. + شوي سكر .. طبعا هذا العصير العادي لكن انتي حطي معاهم تمر + جوووز .. ولما تجي تصبيه في كاس اول شيء حطي شوي فيمتو وبعدين صبي العصير .. منه طعم حلو اذا تحبين الفيمتو ومنه ديزاين حلو خخخ ..
ممكن تعملي عصير موز مع الفراوله والايس كريم ..

عصير الافوكادووو ... حطي افوكادو + حليب فرش + شوي سكر ..انا مرات احط عسل بداله طبعا كميه قليله لانك بعد ما تصبيه في الكاس بعد بتحطين عسل .. + مكسرات .. يمي ..

المكسرات طبعا مفيده جدا جدا وخاصه اللوز والجوز والكاجو ..فيها زيوت مفيده وسعراتها عاليه .. خليهم عندك في البيت وفي الدوام وكلي منها .. اذا جيتي تسوين عصير حاولي تضيفين له مكسرات ..

اعملي سلطه فواكه .. قصيها وخليها جاهزه في الثلاجه ( لا تضيفين الموز الا وقت بتاكلينه لانه يسود ) لما تجي تاكلي منه خذي لك كميه وصبي عليها عصير مانجو واذا مو متوفر عصير برتقال او حطي عليه ايس كريم ...

تعرفي تعملي معجنات ؟ اذا عملتي فطائر او بيتزا او خلية النحل مثلا يقعدون معاكِ لأيام وتاكلين منها لانها اولريدي جاهزه .. وحتى تفيدك للفطور..
اذا لا ..في عجينه جاهزة للبيتزا .. جيبي منها وحطي صوص ( صلصه طماطم مخلوطه بالمايونيز ) ولحمه مفرومه محمرة في زيت وبصل + فلفل اخضر + زيتون اسود + جبنه ودخليها الفرن وعليكِ بالعافيه ..
وممكن تحطين عليه جبنه كاسات كرافت وتاكلينه مع العسل ... مممم طبعا اذا بتسوين هذه تخبزين العجينه بروحها في الفرن وبعد ما تطلعينها تحطين عليها الجبنه والعسل ..
هذيلا ينفعون للفطور وللسناك.....
اذا عندك شواية ... اعملي ساندويتش جبنه كرافت في الصمون وحطيه في الشوايه لين تنشف شوي او تتسخن حسب انتي شو تحبي وكليه مع العسل ... لذيذ..

اعملي سندويتش صمون بالزعتر وزيت الزيتون .. وحطيه في الشوايه .. بعد لذيذ..

اعملي التوست الفرنسي .. ممكن في الويك اند مثلا .. تغمسين التوست في خلطة البيض والحليب وبعدين تقلينه في الزبده .. وتاكلينه بروحه او مع العسل او الشوكليت ..

ممكن تعملي سندويتش نيوتيلا بين فترة و فتره ..
ممكن بيتزا سريعه .. بيتزا بالخبز الفرنسي ..
ممكن بانكيك
طبعا البيض عندج انواااع الوصفات .. ممكن للفطور او العشاء ..
اذا مستعجله ممكن تاكلي روب.. ضيفي لها تفاحه مقطعه مكعبات .. وكمان مكسرات ..
اذا بتشربين شاي ضيفي له حليب ابو قوس .. هذا اذا شربتيه باستمرار بتسمني .. طيب عندي فكره اعملي ترمس شاي بالحليب واضيفي له سكر وخليه في الصاله وبتتشجعي تشربيه ... واذا حبيتي تشربي شاي بدون حليب اعملي ترمس وحطي جنبه بسكويت او تمر ..
الفواكه المجففه كمان فيها سعرات عاليه ..

يختي كلي وشجعي عيالك على الاكل حرام والله بعدهم صغار والتغذيه مهمه في اعمارهم .. حتى لو ما لك نفس خذي لك حبه جزر .. خيارة .. فاكهه .. اي شيء المهم تاكلي وخلي عيالك يشوفوكِ ويقلدوكِ ..

طبعا انا اعطيتك امثله ومو نظام غذائي.. هذه افكار عن شو ممكن تاكلي .. حطي في بالك اهم شيء تنوعي في الاكل كل يوم .. الفواكه والخضروات حاولي تكثرين منها وتاكلينها كل يوم .. الغذاء نوعي ما بين الدجاج واللحم والسمك والربيان الخ .. .. صح نسيت اسأل .. ليش ما تسوين رز كل يوم على الغذاء؟؟

وبس

اذا تذكرت شيء برجع لك ..

اوووه في شيء بعد جربي تسوينه اذا قدرتي .. حاولي تشربي كوب من حليب دبل كريم كل ليله قبل النوم ..

ديماس ..

كلامك يحمس ماشالله عليك , الله يعطيك العافية

على طاري العصاير ,, تذكرت عصير العرايسي

واااااووو إدماااان ذاك العصير , في البداية ما تقبلته

لكن لما عرفت فوايده أدمنته , مره طعم و دسم

كنت اسوي جكه .. وفي التلاجة , طول اليوم رايحه جاية اشرب

بس شربته اسبوع وجهي موررررد و بعد فترة حسيت بزياده في وزني لاحظتها

من الملابس .. فعلا رهيب .. شكلي برجع اشربه

شكرا مرررة ذكرتيني فيه

__________________

‏
الوعي هو الملاذ ..

أستغفر الله العظيم ؛
( الفردوس غايتي )

هلاااا والله حبيبتي فردوس... الله يعافيكِ ويسلمك ويسعدك يا رب..

انا ما عرفت شو هو عصير العرايسي .. ؟

بس والله في عصائر دسمه ومغذيه ..

اختي ما تحب الاكل وبسرعه تشبع .. ما تقدر تضغط على نفسها ..
فتفضل العصائر .. تسويلها كوكتيل في البيت وتضيف اي شيء تحصله جدامها ..
تقولين برياني مو عصير .. ههههه

يلا جهزي جك العصير وكل ما تجي تكتبي في الموضوع اشربي لك كأس ..

وحطي لك هدف .. تزيدين كيلو في اسبوع ..
وطبقي النصائح اللي فوق .. ان شاءالله تنفعك ..

يلا اعتبريه تحدي ... شو رايك .. ؟

وااااو وااااو وااااو
ماشاءالله تبارك الله

ايش دا يا ديماااااااس

و لا اخصائية تغذية ..
بجد.. روووووعة ماشا الله

اصحصح من النوم و اجي ارد ^^