و الله انك محظوظ... عرفت الأسباب مب مثل غيرك يكون ضايع و ما يعرف شو يدور في راسها..

عزز الثقه فيها... لاتخلي رسايلك لها بس غزليه و رومانسيه... و لكن رساله وحده في الأسبوع تكون تحمل معنى عميق عن علاقة الزوج بالزوجه و حقوق الزوجه (و ليس الزوج) راح تتخزن في عقلها الباطن...

الخوف من الرجل شي عادي... لأن كل وحده تفكر كيف راح يصير معاها بعدين و هل راح يتغير او لا... خاصة إذا شافت نماذج لرجال تغيروا بعد الزواج... هذا بعد انت تقدر تعززه بعد الزواج... باستمرارك على نفس الموال أو أخف بشويه.. من حب و رومانسيه و مشاركه و حنان... و أيضاح لها بين فتره و الثانيه ان الله سبحانه و تعالى استجاب لدعواتك بأن رزقك زوجة صالحه مثلها تعفك عن الحرام و تصونك و تصون بيتك... تذكير الزوجه بهذه الأمور بين فتره و الثانيه يشحنها انها تعطيه أكثر و أكثر..

ليلة الدخله.. و ما أدراك ما ليلة الدخله.. و اللي يصير بعد ليلة الدخله... هاجس جميع البنات... انت حاول تخفف لها من الخوف بالحديث تدريجيا عن الموضوع قبل العرس بشهر على الأقل... و بين لها انك ما راح تسوي شي الا إذا هي كانت مستعده نفسيا له... و نصيحه يا اخوي في هذه الليله شوف مدى تجاوبها معاك... إذا حسيتها بعدها مرعوبه... فخلها مداعبات فقط و احضان علشان تحس بالأمان... و تذكر انها معاك العمر كله ان شاء الله و مب لازم يصير شي من اول ليلة... و لكن لا تأجلها أكثر من يومين او ثلاثه لأن الترقب و الخوف راح يكبر عندها... أهم شي خذها بالمسايسه...

الصراحه إذا كانت بأسلوب لطيف راح يتقبله الشخص الثاني... فكون صريح و لكن بأسلوب... لوالدنا الشيخ سلطان بن محمد القاسمي مقوله قالها في البث المباشر و هو يحث الناس على الإتصال علشان يعرف شو المشاكل اللي يواجهونها... قال "اتمنى من الناس انهم يشتكون بس بتلطف علشان الشخص الثاني يتقبل و يتجاوب معه"... كلامه كان بهذا المعنى...