أختي قلوب...

انتي طرحتي مشكلتج وااايد اماكن و الكل اجمع على نفس الجواب... أما آن الأوان انج تتغيرين؟؟؟

انتي الحين نظرج موجه فقط لهذا الزوج... ما في اي هدف ثاني في حياتج...

خلينا نمشي على خطوات بسيطه...

- تعرفتي على جيران؟
- كونتي صداقات؟
-هل يمانع زوجج في خروجج مع صديقاتج للخارج؟
-هل يمانع انج تشتركين في دورات تدريبيه او تاخذين حلقات تحفيظ قرآن.
-ليش ما تروحين الدكتوره تسوين فحص هرمونات كامل علشان تقييم وضعج الطبي؟ أعرف انج ما قضيتي فتره مع زوجج غير سنه و شي بس هذا ما يمنع انج تروحين.. روحي بروحج و بدونه علشان انتي ترتاحين نفسيا شوي..
-جلسات الإسترخاء و ما أدراك ما جلسات الإسترخاء.. طبعا في دوله اجنبيه فما بقول لج روحي السبا.. و لكن تقدرين اتيبين السبا لعندج... سكري الليتات كلها في الحمام و انتي بكرامه و اعتمدي على اضاءة الشموع فقط.. شغلي الفواحه لرائحه اللافندر (تعطي استرخاء رهييييييييييييب).. املئي البانيو بالماي الدافي و حطي فيه 3 قطرات زيت اللافندر.. اغطسي في البانيو في وقت لا يقل عن ساعه... و غمضي عينج بس... و روحي عاااااااااااااااااااااااالم الأحلام.... روحي بعقلج لجزيره ما فيها غيرج انتي و بس... و طبعا زوجج يكون مطرود من البيت... تقدرين تسوين هالحركه في وقت يكون هو مع ربعه او في الدوام... و في هاليوم بعد ما تسترخين.. اجلسي بالروب و دلعي نفسج بكريمات و نيل بوليش (بس طبعا شلي النيل بوليش بعدين للصلاه)...