اسمعني ياخوي
الخجل شيء طبيعي وطبيعي جدآ
خطيبتك بنت ..عارف شو معنى بنت يعني الخجل فطرة فيهـآ
خلني اوضح لك حالنا وهالكلام كتبته اكثر من مرة
نعيش عشرين سنة مانعرف إلا اخوانا وابونا واقاربنا وتواصلنا معاهم قليل
حتى مانعرف كيف نتعامل معاهم بس سمع وطاعة فقط
عشرين سنة كذا واكثر
ثم نرتبط برجل غريب
صععب جداااا إننا نكون طبيعين معه ونتعامل معاه عادي
فيكون الخجل هو المسيطر علينا مآآآنقدر ماتعودنا
والأصعب إننا نحبه بسرعة هاذا مستحيل
ليش؟ خـآيفين لازم نتطمن اول ونتأكد وننتبه لكل شيء
ممكن الرجال يحب من يوم النظرة ولا من صوتها ويتعلق فيها
إحنـآ العكس يبغالنآ دراسة هالشخص حتى نتطمن معه وهاذا يستمر لشهور
وإذا كـآن الشخص متفآهم ويحبنآ ويسمعنا كلام حلو ويكرمنـآ واخلاقة حلوة
نبدا شوي شوي معه ..حتى يروح الخجل ويكون أعز إنســآن على قلوبنـآ

اتمنى الفكرة وضحت لك وياليت تعذرها في خجلها وصمتهآ ومالك حق ابدا إنك تنكر عليها هالشيء
عفيفة شريفة مآعمرها تكلمت مع رجآل ولا شافها احد ..فطبيعي إنهآ تكون كذا

الشغل عليك إنتـ حتى تكسر الحواجز بهدوء
وأولهـآ إحترامك لها و لأهلهـآ واخوانها
افتح النت وتعلم كلام الغزل مآلك عذر ماتتعلم وانت عارف كويس إنهـآ من اهم احتياجات الأنثى
وراح يجي اليوم وتبدأ تقولك هي أحلى كلام.. وتنبسطو سوآ لاتحرم نفسك وتحرمها
لاآتظهر تضايقك من خجلها ..لأنك لو تضايقت منها ..حتخجل اكثر
كيف تظهر حبك؟
بالهدآيآ
الدعوات الطيبة والإبتسامة
و اهم شيء تمدح شكلها ولبسهـآ
واضمن لك إنهآ تطيح في حبك

ترى حالتك مو غريبة كلنـآ مرينا فيها في البدآية و مع الوقت يتغير
و أهنيك إنك أخذت وحدة متدينة وقريبة من الله .. والله يسعدك معاها يارب
و يوفقكم ويتمم لكم على خير

__________________
( وَالَّذِينَ يَقُولُونَ رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا )