رد : البنت اغلطت وامها تبي الحل
اخوي المتفائل بالله انت شحقه معصب ويالس تدعي ع الخلق ؟
ندري ان المسأله مب هينه والسالفه عوده .. يا أخي محححد معصصوووم عن الغلط !
أتمنى تحط الجمله السابقه نصب عينك ., وأدريبك فاهم وواعي وتفكيرك سليم بس حاول تتفهم !
نحن مب يالسين ندعو البنات انهم يكلمون الشباب ! أدري وانت تدري وكلنا ندري انه هالتصرف بايخ !
بس نحن الحين يالسين نتكلم عن هالنوعيه من البنات ونضرب امثله و نضيف آراءنا ..
كل واحد و له نظرته في حياته الخاصه .. " رجاءً كف عن رشقنا بالكلمات الجارحه ! "
أنت توصف البنت الي ما تقول حق خطيبها غشاشه ! انت تتوقع ان كل حد يقدر يكشف أوراقه لشريك حياته ؟
هو على حسب الشي اللي مسونه الشخص ! في ناس حابين انهم يتكتمون على " بعض " الأمور اللي اقترفوها في حياتهم !
و ماااااادري ليش الشباب يحبون ينبشوون ورا ماضي البنات بالتحديد .. خلاص مدام يتقدمون للبنت خل يعيشون الحاضر
والمستقبل وياها بس يكتفي بسؤال واحد يوجهه لها ( حابه تخبريني شي عن ماضيج و يكون بيني وبينج ؟ )
اذا حبت تقول ف أهلاً و سهلاً واذا حبت انها تدفن السر اللي فقلبها وياها ع القبر فهالشي راجع لها ..
هل هو فرض على كل بنت انها تكشف اوراقها لشريك حياتها ؟
" شريك حياتها " ادري انه هالكلمه فضفاضه تتضمن شراكة الماضي والحاضر والمستقبل ..
لكن في أشياء يحب الواحد انها تكون بينه وبين ربه ومحد يطّلع عليها !!!
اتمنى انك تفهم قصدي .. و غلط انه الواحد يقققحم نفسه ويحشر نفسه في خصوصيات وماضي الغير !
هذي مساحه بين الشخص ونفسسه .. ممكن مع الايام اذا كسبوا ثقة بعض تنكشف الأوراق ... : )
بس في امور ما تنفع ف البدايه انك تقولها ... انا فهمت نظرتك من هالناحيه واتمنى انك تتفهم نظرتي 
لازم تعرف انه كل حد تختلف عنده ردة الفعل .. ولا تعممها ع الكل . .
ومشكور 
التعديل الأخير تم بواسطة هنا القلب ; 09-07-2012 الساعة 01:08 PM
09-07-2012, 12:59 PM
ضوابط المشاركة
العرض الشجري