المشاركة الأصلية كتبت بواسطة بنت الحكمي

هلا بالغالية توفي والله يا اختي هو من ناحية يرتاح يرتاح الا ويدور له حجة علشان يبوسها
بس انا ما ابغاه يتعود على هاذي الحركة الحين عمره 14 سنه خلاص صار كبير واحس مالها داعي حركته انا اعرف انه يحبني ويسعى دائما لإرضائي بس والله انا راضية عليه وفهمته اكثر من مرة تصوري ايام الإختبارت كنت اودعه الصباح وهو نازل من على الدرج يجلس عند باب البيت يا امي بطلب منك طلب ياامي تكفين لاترديني يا امي ابغى ابوس رجولك يا امي تكفين علشاني يمكن الحين وانا رايح للمدرسة تصدمني أي سيارة مسرعة واموت وانتي ما اعطيتيني طلبي اقول له بوس راسي بوس يدي مافيه
مشكله لاكن رجلي والله ان تقربها انه مو في صالحك

يرجع يوافق على مضص ويروح لدوام واستودعه الله وادعي له

ويروح وانا قلبي يتقطع من كلامه لاكن لما يجي من المدرسة والله انه يدخل وانا اطبخ في المطبخ
وما احس فيه الا وهو يبوس في رجولي يقول الصباح حرمتيني منها بس الحين بستها واحس ان قلبي ارتاح

يدور الحجة ويتعذر بأي شئ علشان يسوي هالحركة حتى ابوه مايبوس رجوله يبوس راسه يبوس يده بس رجوله ما قد سواها

رغم اني بعض الأوقات شديدة عليهم اكثر من ابوهم

بس الحمدالله اني التمس فيهم البر والطاعة من اليوم وهذا من فضل الله عز وجل

الله يحفظهم ويصلحهم ويهديهم يارب
ويحفظ لك اطفالك ياتوفي ويقر عينك ببرهم وطاعتهم وتفرحي فيهم يارب .