أنا برضو أحب كبار السن كلهههههم ..

و زميلات أمي الكبار في السن وقت كانوا يزوروها ، كنت أبوس يدهم من غير ما أحد يطلب مني ..
و كانت أمي الله يرحمها تنبسط مني ..

نحن إذا مثلا رجعنا من المدرسة ، كنا أول شي نعمله ( نبوس يد أمي ) ..
و كانوا دايم خالاتي و عماتي و صحبات أمي
( يقولولها ماشاء الله مرة حلو ، نحن أولادنا ما يسلموا علينا )

أفتكر أبوي الله يرحمه وقت كنت طفلة ، جمعنا كلنا مرة و أعطانا محاضرة عن احترام الأم و الأب ..
و قالنا من بعد اليوم، تعملوا كذا و كذا ..
و من ضمن النقاط اللي قالها ..

نسلم على يد أمي كل مرة نرجع فيه من برة ..
و ناكل كلنا في سفرة وحدة ..
و لما نصحى الصبح ، نبوس يد أبوي ..
و إذا شبعنا نقول الحمد لله ، مو نقوم و نجري نلعب ..
و قبل لا نقوم من السفرة ، كل واحد يقوم و يشيل صحنه الفاضي معاه و يغسله ..
و غيرها من تعليمات ..

كان عمري أقل من 9 سنوات ، بس افتكرهم كلهم و الحمد لله ^_^