شكراً .. اخي الفاضل المتفائل ..

وبعد اذنك ..سأفيد عزيزتي ريفان بعطورات ( باسم القاسم )
واتكلم عن تجربه شخصيه ..

بالمختصر ..
عطورات ( باسم القاسم ) طبق الاصل لعطورات ( زهور الريف ) اللي بثلاثين ريال ..
و يمكن التركيز يختلف شئ بسيط ..
لورحبيت تاخذين منه .. اطلبي منهم .. ( عطر يجي قطره من الف عطر) ..
مو دايم تحصلينه عندهم .. هو نمبر ون ..

وهو حلو كهدايا .. مع انه المفروض يكون ارخص من كذا .. لكن كتقديم هديه
مرتبه ورايقه ..

__________________

هلا حبيبتي مشكوره

اسمه كذا قطره

__________________
سبحان الله وبحمده

عطر اجنر حلو بعد وعطر جوسس براون

اخوي المتفائل

الله يرزقك بالذريه الصالحه وعسا مايدور الحول الا معك توئم
ماقصرت افدتني بالصوره اذا جيت للكويت باذن الله بناديك بالمحل لايغشوني بالعود الازرق😁
وبنسبه لعدم حمل زوجتك اذا السبب منها قل لها تجرب موية البصل ادري بتحوم كبدكم😔
بس انا الحمل عندي فيه مشكله ونفع معي بقوه والحمدالله حملت بس ماكتب ربي يتم هالحمل لعلها خيره لي

__________________
سبحان الله وبحمده

هلا بأختي في الله ريفان

أتشرفين الكويت وأهل الكويت ، وبتشرف انا وزوجتي وأمي بإستقبالج انتي وزوجج متى ماحبيتوا تشرفونا.
والعود الأزرق بنهدية لكم ضيافة كويتية ، مع دهن عودة ومبخرة ، وشوية حلويات كويتية قديمة من اهمها الدرابيل ، هذا غير ضيافتكم في بيت العايلة (:
أنا صادق في هالدعوة.

بالنسبة للحمل
والله ياريفان من زوجتي ، وهالموضوع طويل وسبق أني كتبت فيه موضوع ، لكن الحمدلله على كل حال ، ربي إذا راد يرزقني بيرزقني ، الحين قاعد اتطبب فيها من فترة لفترة ، وللحين ربي ما امر ، أنصحوني في طبيب موجود في بلجيكا معالج حالات عقم كثيرة عند النساء ، بوديها له بعد العيد وان شاء الله ربي يكتب شي على ايدة ، اما موضوع البصل بقولها وان شاء الله تسمع كلامي لأن عندها حساسية من بعض الأكلات.

بيني وبينج اللي مريحني اني اتطبب فيها ومايأست من هالشي ، وهي بنت الحلال بعد ماعرفت ان منها قامت اتفاعل معاي ولو انها تعبت نفسياً ، لكن أخبالي مصبرها وضحكي معاها ، خصوصاً لافتحتلي مناحة الحمل.

مشكورة على دعواتج الطيبة ، وجزاج الله خير.

__________________
استغفر الله واتوب إليه

اخوي المتفائل
عاد ترا بلشت انا عادي عندي بتحصلني عند باب بيتكم وزوجي اجتماعي اكثر مني
ودام الدعوه فيها عود بلاش انتظرني بشهر 10 اذا ربي كتب لنا عمر
رجعت لموضوع حمل زوجتك وتذكرته
ع بال ماتروح فيها قل لها تجرب هذا
وقت الدوره من يوم تبدا لحد ماتخلص وقتها
تجيب لها قدر وتحط فيه جيك مويه وتحطه ع النار لحد مايغلي
بعدين تسكر النار وتكون مجهزه مجموعه من قشر البصل الاحمر مجموعه كبيره وغسلتها بحركه سريعه بس تشيل الغبار مب تجلس تنظفها يروح الطعم☺
وتضيفها القشر ع المويه وتخليه لحد مايبرد بعدين تحط المويه بجيكه وبثلاجه ووتشرب باليوم ثلاث اكواب
طبعا ماتشربه بارد بعد ماتحط لها بكوب تتركه لحد ماتروح برودته وتشربه طعمه 😔بس تتحمل وياذن الله بتحمل
بس تكفي تكفي تكفي خلها تجربه بس مره وقت الدوره وباذن الله بتحمل والله عندنا كم واحده بالعائله الاغلبه ع مرتين وحملو

__________________
سبحان الله وبحمده

حياكم الله وبياكم
والله تشرفونا والعين لكم اوسع من الحاجب

إن شاء الله بقولها ، بس ماتدرين عننا انتي ، حنا لا جربنا علاج ومافاد وجتنا الدورة ، ينقلب البيت حزن وبكي ودراما ، واكيد انت يأست مني انا ماعندي اعيال وماعاد تبيني ومن هالامور ، ولاقلت لها من قالك ابي عيال تقولي انت كذاب وخوذي من الخبال اللي ماله اول من تالي

مرتي صغيرة ومو من النوع اللي يتحمل ويصبر ، لكن بحول الله وقوتة بقولها ونشوف عنها.

شاكرلج والله العظيم.

__________________
استغفر الله واتوب إليه

باردا أسكادا ليبر قمر14 كلها عطور نسائيه حلووووه

استفدنا جدا من الموضوع من دهن العود والعود والعطورات الشرقية
خلاص اصبحنا خبراء والفضل بعد الله لمن ادلى بنصائحه الله يوفقه

__________________
يارب ابدل حزني فرحا وسرورا وابدل مرضي صحة وعافيه ياكريم