لا والله انا قلت اللي اشوفه من ردودك وتفاعلك
وماادري بس انت ركزتي على السلبي وتركتي الايجابي واخذتي موقف دفاعي يبين مدى تقبلك للنقد
ويمكن وضح مقدار النقد اللي يجيك
وعادي قولي ارجوك ابي اشوف عيوبي كلها يله حللي شخصيتي
بروح اصلي وارجع ماابي اجي الا انت فاشه خلقك فيني

فعلاً انا مااتقبل النقد بتاتاً البتة*
بس نادراً يجيني
ولااحب انتقد احد  والاودي افش خلقي فيك

يله بليز والله جالس انتضر ردك ولاراح ازعل اوعدك

طيب انا ابقول اللي حسيتة من ردودك ابقى مااعرفك ولامايعرفك مايثمنك

متشائم
ماعندك صبر
احسك شايف نفسك وتحس نفسك الصح والباقي غلط
عفوي
صريح
كريم
على طاري الكرم متئ ترسل الجالكسي هههههههه

هههههههههههه ودي اني اروح اخطب وبالصدفه اخطبك احسك غير
اول شي متشأم يمكن وفشلتي توضحين ليه
ماعندي صبر حرام عليك خطبت وقالوا 7 شهور على الزواج ووافقت اصبر وزعلتها وجلست 3 شهور اراضي فيها بعدها قالوا طلقها رفضت وجلست شهر وانا اسحب فيهم وطلقتها والان لي حول 5 شهور مطلق او اكثر وماشققت اثيابي ولا انهبلت لسا يعني ممكن ماهو ذاك الصبر لاكن مازلت قاضب ارضي

شايف نفسي تقولينها وانت ماعرفتيني وماودي امدح نفسي واقول انا واعوذ بالله من كلمة انا
احس اني الصح ممكن ولاكن لو كنت مخطئ مااكابر وارجع اقول انا غلطت
عفوي هذي ممكن ولاكن اشوفك تردين لي كلامي بهالشي
صريح مافيه شي احلى من الصراحه الصراحه راحه
كريم ممكن ولاكن مو غبي يعني انسي االجالكسي
صراحه مااشوف شي يجرح بكلامك انا توقعت مابنام منه ولاكن انت ماكان عندك شي ضدي وهاجمتيني بدون سلاح
صراحه انا قلت لك الكلام لاني ارتحت لك ولطريقة ردودك وحسيت اني اعرفك ولاكن تفاجأت بشي جديد منك مااقول سيء ولاكن جانب اخر
منه حسيت وماودي اسوي فيها بس بيئتك قاسيه اشوي يمكن عايشه مع اولاد في البيت او عائلتك كبيره
مستقره وبنفس الوقت تبين الاحسن لنفسك ومااحد يلومك وقويه اشوي
صراحه مازلت شخصيه محبوبه بس مو كل ماقال لك احد شي فكرتي انه ضدك خذي الايجابي واتركي السلبي
ولاتهجمين انت انثى والانثى يزينها الرقه والنعومه والدلال ماهو الطقاق والمرادد كنك رجال في سوق الغنم

ليه تحس اني جادة ترا كل كلامي استهبال وضحك ويوم اقول مارح تنام اسبوع مجرد مزحة حتى بوقتها ماكان في بالي كلام .. واصلاً لو في بالي كلام مستحيل اقوله زي ماقلت مااحب اجرح احد وانتقد قلبي مايطيع..
وشخصيتي موزي ماتتوقع انا جداً هادية ورقيقة وحيوية والاارادد ولااهجم لاتحسب اني امدح نفسي لان هالشي مو عاجبني ابد .. واتمنى اني ارد على الناس زي مارديت وهجمت عليك ههههههه
احس لما اكتب بالمنتدى وتويتر غير عن شخصيتي الحقيقية

وفعلاً انا اعيش بين أولاد واناصايرة بالوسط واغلبهم اكبر مني وعندي اخت وحدة ... وهالشي مو مأثر علي لابمظهري ولا باسلوبي بالعكس احس اني مأثرة باخواني الشباب خاصة اللي اكبر مني على طول واصغر واحد طبعاً شهادت الناس اللي حولي
وعائلتي كبيرة نوعاً ما وابي لنفسي الشي الاحسن دايم يقولون لي اخواني انتي تشوفين فوق وعندي طموحات كبيرة
وياليتي زي ماتقول اهجم وادافع والله احتاج هالشيء بالعمل بس ماتعودت  بالعكس تراي دابة سليمة لااهش ولاانش ولالي دخل بأحد يعني حالي حال نفسي

ماادري من كذا رد بهذا الموضوع حسيت انك متشائم يمكن من تجربتك السابقة
ومتعب نفسك بالتفكير بأشياء انت مالك يد فيها مثل الحب وكيف يجي وووووكيف بتعيش بدون حب
عكسي مريحة راسي ومتفائلة بأن القادم أجمل
حتى اذا قريت ردودك احس اني متفائلة بزيادة
ماادري حسيت انك عجل ومندفع وماعندك صبر وانت عاد ابخص بنفسك
والكرم تراي سحبتها هههههه
ههههههه اجل رجال بسوق غنم من جد ماعندك سالفة بهذي

ياحبني لها ياناس

والله انك انسانه رائعه

ماادري انا اقول لك ماني من النوع اللي ينشب لاحد او يبي يدخل بحياة احد ولاكن انت احس اني اعرفك من زمان كل مااقرى رد من ردودك احس اني اعرف وش مكتوب بالسطر الثاني قبل مااقراه
ماادري شعوري حلال ولاحرام ولااعرفك ولااعرف من تكونين بس احس اني اعرفك من زمااان ,يمكن لان لهجتك نجداويه كذا حسيت بالقرب لك

ومااحكمت عليك ولاعلى شخصيتك ولاعمري حكمت على احد الحمدلله واحنا بمنتدى ولااحد يعرف الثاني معرفه شخصيه وكلنا ماسجلنا هنا الا عشان نفضفض عن اللي بخاطرنا ومانحصل احد يلومنا على مشاعرنا

وصراحه راـأيك فيني على عيني وراسي

بس الانسان زي موشر الاسهم يوم مبسوط يوم ضايق يوم حزين يوم فرحان وانا الحمدلله مااقدر اكتم شي بصدري فبعض الاحيان تحصلين ردودي متشأمه ومره متسرعه ومره متفـأله
يعني على حسب المود
وانا صراحه انسان عندي مشاعر وعاطفي واحب اعبر عن نفسي وعن اللي بداخلي وعشان كذا اهتميت بموضوع الحب ومااشوف انه ماله داعي مثل ماتفضلت الا مهم لو حسينا بقيمته

ويمكن اني متعجل اشوي بس الشكوى لله ابو طبيع مايخلي طبعه

تحياتي