رد : خساره يازوجي ,, بيطلقني عشان ماضي؟
قرأت مشكلتك اول ما كتبتيها ومسكت نفسي عن الرد لكن الحين بكتب لك لأنه كل ما كتبتي رد كل ما بينتي انك مش فاهمة حجم مشكلتك . انتِ مش مستوعبة حجم الغلطة اللي غلطوها في حقك . احس لو زوجك اتصل وقال لك جاي اخذك على طول بتروحين له كأن شيئا لم يكن .. اكثر شيء قهرني منك انك كنتِ في موقف قوة انتِ اللي معك الحق وانتِ اللي مظلومة بس سبحان الله قلبتِ كل شيء ضدك .. اعذريني على اللي بقوله اعذريني اعذريني لكن ما فيه اي تصرف حكيم صدر منك او من كبار السن في العائلة .. لا الزوج ولا الاهل ولا العمات ولا الخالات ولا اي احد .. ولما جاء ابوكِ بيتصرف التصرف الصح شفتِ شو سويتِ .. اكبر مشكله عندكم انه ما فيه كتمان ابدا ابدا .. سبحان الله ما خليتوا لا عمه ولا خاله ولا صديقة ولا اي احد الا خبرتوه .. معقوله يعني المشكلة فيها شرف وتشويه سمعه وقمتوا نشرتوها ودخلتوا عدد كبير من الناس ولا واحد فيهم هدفه الصلح .. يا اختي الايام تغيرت والنفوس تغيرت .. يا اختي نحن نعيش في زمن نادر ما تلاقين حد يتمنى الخير لغيره .. والاقارب هالايام صاروا عقارب الا من رحم ربي .. وانتِ شفتي بعينك .. لما انتِ مظلومه ودعوة المظلوم ما بينها وبين الله حجاب كان اسهل طريقه وهي الطريقه الوحيده صدقيني لحل المشكله انك تلجأي لربك .. يا اختي قومي الليل وادعي ربك ياخذ لك حقك وينصرك عليهم .. وكرري حسبي الله ونعم الوكيل.. يا اختي والله اكلمك عن تجربه .. لما تصلين ركعتين في نص الليل وتدعين من قلب صدقيني انه الله بيستجيب للدعاء .. هذا الانسان العادي فما البال المظلوم .. خذيها نصيحة مني ودرس لك في المستقبل
لا تطلبين حقك من الناس اطلبيه من رب الناس.
لا تطلبين حقك من الناس اطلبيه من رب الناس.
لا تطلبين حقك من الناس اطلبيه من رب الناس.
ولا تتسرعي الموضوع يباله وقت ومشكلتك كبيره وانا في رأئي كل ما اخذ وقت اطول كل ما كان الموضوع لصالحك .. لأنهم بيملون صدقيني الناس اللي مثلهم دايما لهم مشاريع ثانيه .. وزوجك اذا مر وقت اطول يمكن يفتقدك ويحن .. على فكرة انا ما اريد لك الطلاق واذا لا سمح الله تطلقتي بتتعبين كثير .. وتأكدت من هالشيء بعد اخر رد قرأته لك .. يعني غلطته كبيره الصراحه ومع هذا مب شايله عليه في قلبك ..
واصلا وبكل صراحه وخلينا نكون واقعيين اقولها لك.. الطلاق مو في صالحك.. ومن الاسباب طبعا :
.. سبب طلاقك .. لأنه(وخلينا نكون واقعيين ) في ناس بتصدق اللي سمعته .. حطي في بالك هالشيء ..
.. عندك اطفال .. وبيتضررون .. لأنه زوجك شخصيته ضعيفة + اهله مش طيبين ..
.. مثل ما قلت قبل بتتعبين لانك متعلقة فيه بشكل مخيف..
.. وايضا ودك تنتصرين عليهم وتقهريهم لانهم ما قدروا يخربون بيتك ..
لهالسبب اقول لك الجأي لربك لتنحل مشكلتك ..
انتوا ناس مبين عليكم طيبين .. وبسرعة تسامحون .. انا مش ضد هالشيء على فكرة .. واتمنى مشكلتك تنحل لكن ضروري ضروري ضروري زوجك يتأدب .. لازم يحس بغلطته ..
يعني هو بصريح العباره قايل لعمك انه شاك .. يعني مش متأكد من براءتك .. تعرفين شو يعني؟ ومع هذا سبحان الله عذرتوه ..
انا على فكرة اعرف ناس مثل اقاربك وعندنا ناس طيبين يصدقون اي شيء ينقال .. ففاهمه عليكم وخاصه انك تقولين انه زوجك مثل ابوكِ في طيبته .. لكن يا اختي .. الموضوع وصل لاتهامك في شرفك .. كل شيء وله حدود يا اختي .. مهما الفوا له قصص مهما قالوا له عنك .. الا هالتمهة .. لازم لازم ادله .. ما يصير يصدقهم بدون ادله .. ما له عذر بصراحه ... اما طلبتي لابتوب .. هذا مش دليل .. هل شاف منك تصرفات مريبة؟ وين الايميلات اللي قال لك عنها؟ خليه يجيبهم طيب ..
وبكل صراحه جاوبيني يا اختي.. هل فعلا سمعك تقولين فيه شباب يعبون لك رصيد؟؟؟
يعني هو قال لك كنتِ حامل وكنتِ تكلمين .. هل عنده دليل؟
ليش ابوكِ ما اخذ موقف؟؟ ليش ما طلبتوا منه يجيب ادله .. ان كان صادق؟؟
اذا ما عنده ادله كيف صدق؟؟
اكرر نصيحتي لك باللجوء الى الله ..
وخلي الموضوع بيد الرجال ..
وفي المنتدى اطلبي من الاخ البليغ انه يساعدك ..
اتمنى ما اكون غلطت عليكِ واعذريني .. وصدقيني ما كتبت لك الا لاني اتمنى لك الخير ..
التعديل الأخير تم بواسطة داماس ; 24-04-2012 الساعة 01:01 PM
24-04-2012, 12:54 PM
ضوابط المشاركة
العرض الشجري