السلام عليكم ورحمه الله وبركاته

هاذي اول مشاركة لي فالمنتدى واشتركت فيه لأني محتاجه تساعدوني وتنصحوني بكلامكم .

مشكلتي أني كنت مريضه وعندي اكياس ع المبايض من اربع سنين ونا اتعالج سويت مرتين منظار عشان اشلهن وردن مره ثانيه وآخر مره سويت جراحه يعني شق البطن لانه حجمهم كبير والطامه اللي صعقتني انهم استاصلواا المبيض اليسار لانه كان بدايه الخبيث الله يكافيكم شره واحمد ربي ع حالي ، ومحد يعرف من الأهل أني استاصلت المبيض الا أمي وأخويه وربيعتي المقربه لي،، وأحسن شي سوينه انه ماقلنا لانهم بياكلوني بالكلام وبتكون نظرتهم لي غير الناس ماترحم بالكلام ، والحمدلله ع كل حال .

بس هاذا مب موضوعي الرئيسي ، الا أبا استشيركم فيه هو انه ولد خالتي يباني للزواج بس مب حاليا يريد يكون نفسه يعني عقب سنتين تقريبا وانا ماعرف اقوله بمشكلتي انه مبيضي مستاصل وخايفة ع المبيض الثاني ومااييب عيال ماريد اخدعه اريده يكون راضي باللي فيني ولا ينصدم عقب وتصير مشاكل،، آآه ياربي ماعرف شسوي وايد متعبني التفكير فهالموضوع

اريد نصائحكم اريد ترفعون معنوياتي نفسيتي تعبااانه

*

عزيزتي // بداية الحمدلله لسلامتك والله يبعد عنك كل شــــــــــــــــر ..

,،

بالنسبة لموضوع الحمل والإنجاب فهذا ربك يقدره وإن شاء الله "الأمـــل باقي" بالإنجـــاب ..

لا تخافي حبيبتي .. خلي أملك بالله كبيــــــــــــــــر ..

أعرف وحدة استأصلوا مبيضها اليسار .. وما شاء الله عندها ألحين 3 عيال .. وهي بمبيض

واحد ..

بالنسبة لأي شخص يتقدم لك خبريه بالوضع معاك أفضل شي .. حتى تتجنبي مشاكل بالمستقبل لا سمح


الله .. وبإمكانكم شرح له إنه الحمل ممكن ولو بمبيض واحــــــــــــد ..!!

,،

ربي يرزقك الرزق الحلال الطيب .. ويفرج عنك الهم والضيق،

أوصيك وأوصي نفسي الدعاء والاستغفار ومناجاة الله بالليل والناس نيــــــــــــام ..

__________________

يعطيج العافيه أوراق ملونه ع الرد

وأملي كبير برب العالمين والله يكتب اللي فيه الخير

والحمدلله ع كل حال

اول شي الحمدلله على سلامتج ومااجوفين شر ان شالله
وبالفعل موضوع المبايض موضوع حساس .. بس الله فكج وسويتي العمليه ..
بالنسبه للدروة عزيزتي اكيد تخربطت توقيتها او مامقياس الدورة عندج
لاتنسين المبايض سبب رئيسي بعمليه الدوره الشهريه.. يعني اذا دورتج منتظمه والحمدلله فهالشي يطمن الواحد

وبالنسبه لولد خالتج والله مااقدر انصحج تخبين عنه وبنفس الوقت مااقدر انصحج تخبرينه عن ينتشر الخبر
لين مايكون نفسه ويتقدملج ان شالله تنخطبين من واحد بعيد عن اهلج ووتصارحينه في حال تقبل الموضوع كان بها وفي حال رفض الله يستر عليه وعليكم كل واحد بدرب بدون فضايح
مع اني مااجوفها فضيحه لو الناس درت بعلاجج لانه هالشي بايد ربج عزيزتي موب بايدج انتي

وحتى لو تزوجتي وماحملتي لاقدر الله تقدرين تسافرين المانيا تسوين تلقيح بحيث ياخذون الحيوانات المنويه من زوجج ويزروعونه فيج وعندي وايد من اهليا مشوا على هالطريقه ووحده يابت توام الحمدلله بس كل مرة ضروري تسافرين عشان التلقيح وبتتسهل وانتي لاتسبقين الاحداث الله بيرزقج ان شالله ...

انصحك بالرقية .. ومدام الله موجود الامل باقي