حيبتي موهبة
في رد لي قديم على واحد من مواضيعك قلت لك لا ترجين من معدد راحة و لمتيني و قلت لا تعممين تجربتك كل واحد و ظروفه
إنت كنت متوقعة إن الحمل بيرده لك بالكامل و كنت حاسة إن له ميل نحو زوجته و ظنيت الحمل يعدل الكفة و من تجربتي القاسية أقول لك
اقعدي مع نفسك يا زوج تعدينه مثل المطر إن جاء فرحت فيه و إن راح ما سألت عنه و إلا آخرتك الانفصال و أكيد بتندمين بعدها لأنك ناشبتيه و لا مشيت
الزواج من معدد يتوقف نجاحه على ثلاثة أطراف مو طرفين مثل الزواج العادي يعني لو هو ملاك و إنت مريحته و عايش فوق السحاب و فيه طرف ثالث له قوة و هو الأولاد فعيشتك بتتأثر
نادر من الرجال من يعدل أو يتزوج زاهد بالأولى
إن كنت تبينه لك وحدك و ينسى الأولى فأقولها لك مستحيل
و إن بغيت تعيشين مثل الناس مشي قد ما تقدرين و بقولك الجملة إلي عذبتني و عجزت أفهمها : اشغلي نفسك عنه
الله يعينك و يصبرك احتملي قسوتي و تأمليها تجدين فيها خلاصة تجربة توفر عليك كثير ...

__________________
## مهم ##
هل تتعرضين للابتزاز في الانترنت؟


هنا من ينقذك