ياخوي سعادة المعصية وقتيه ( لمدة قصيرة ).. بعدها ضيقة في الصدر ، وسعادة الطاعة حقيقية ( لمدة طويلة ) بعدها إنشراح في الصدر ، ياخوي أنا مريت بتجربة حب أيام المراهقه بسبب رفقاء السوء لما تترك بنت بتتعب في البداية بس كل ماراح يمر الوقت راح يسهل عليك الفراق يعني مثلا ً بعد ست شهور راح يقل شوقك بعد سنه ونص راح تنسى تماما ً ، بعدين أنت عندك زوجه أستمتع بها ، لقمها بيدك قال الرسول صلى الله عليه وسلم بمعنى الحديث ( حَتَّى اللُّقْمَةَ تَضَعُهَا فِي فِي امْرَأَتِكَ) ألعب معها لعبه معينه ، خليها مره تسوي لك مساج وأنت سوي لها مساج ، وديها البر وعلمها السواقه عشان إذا لا سمح الله صار ضروره ولا شي ، وديها المطعم اللي تبغاها < راح تستمتع وتكسب أجر ، وصدقني ياخوي في هذي الحياة كل ماتطبق الدين أكثر وتلتزم بالوسطيه كل ماتكون أسعد ، أسال الله لي ولك الهداية والتوفيق .
والسعادة عشان تكمل لازم يكون معها سعادة روحية
أكثر من الإستغفار فهو علاج لكل مشكله :
من ثمار الإستغفار :
1- إنشراح الصدر والراحة النفسيه .
فيه الطمائنيه والراحة النفسيه لأنه من ذكر الله قال تعالى (الا بِذِكْرِ اللَّهِ تَطْمَئِنُّ الْقُلُوبُ ).
2- أنه حل لك مشكلة ولكل هم .
قال رسول الله صلى الله عليه وسلم ( من لزم الإستغفار جعل الله له من كل هم فرجا ً ومن كل ضيق مخرجا ً ورزقه من حيث لا يحتسب ) .
3- الرزق ( المال والولد ) .
قال تعالى :
(فَقُلْتُ اسْتَغْفِرُوا رَبَّكُمْ إِنَّهُ كَانَغَفَّارًا يُرْسِلِ السَّمَاء عَلَيْكُم مِّدْرَارًا
وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا) .
في الأخير أنت في نعمة يتمناها الكثير ، أنا والله أتمنى أني أكون متزوج لو وحدة عادية ، أدعي لنا بإن ربي يرزقنا الزوجة المناسبه اللي تعيني على الطاعة .
التعديل الأخير تم بواسطة بآرد ; 16-03-2012 الساعة 10:28 AM
16-03-2012, 10:02 AM
ضوابط المشاركة
العرض الشجري