السلام عليكم ورحمة الله وبركاته

بدخل بصلب الموضوع على طول

ساكن جنب بيتنا شاب الله يهديه يارب علاقاته كثيره مع البنات وكل يومين يجيب بنت مره من بنات المدارس ومره متزوجه ومره مطلقه وعلى هالحال ويجلسو عنده بالشقه
والشاب هذا خويي او بمعنى اصح جاري بيتنا لاصق ببيته من اكثر من 20 سنه وبقد عمري ونعرف بعض عز المعرفه بس مالي احتكاك معاه يعني نطلع سوا او نتعشى سوا ولايشرفني اطلع مع هالاشكال

المهم كل فتره وفتره اجلس تحت البيت وتوقف سيارة ليموزين وتخرج البنت وتطلع العماره الي جنبنا واعرف ان هالبنت طالعه عند فلان واطلع السطح واراقب الوضع واشوفه بعيني يستقبلها عند باب سطوح بيتهم ويدخلها الغرفه.. للمعلوميه هو عازب وعنده غرفه مثلنا فوق بالملحق وهي هذي الغرفه الي يجب فيها البنات ويعزم اصحابه
واكثر من مره قلي تعال جايني كم بنت وتعال انبسط معانا ومن هالكلام
وانا بيني وبينكم والله الشيطان يلعب براسي يوم تصيبني الغصه واقول ليش ماروح وانبسط واعيش جوي على قولهم,, بس والله مايرضيني اسوي بنفسي كذا مخافة من الله وانه وراي اهل ووراي زواج وكما تدين تدان, واتعوذ من ابليس وانصح الشاب وبطل هالحركات ومارواها الا الفضايح وهالكلام ويستهزء بنصايحي ومو راضي يتوب
وله على هالطريق الحين يمكن سنتين وهذي السنه الي بدء يجيب فيه البنات لغرفته بالملحق

المهم اليوم ((الاثنين)) شفت هالمنظر الصباح الساعه 7 ونص وانا تحت البيت بنتين يخرجو من سيارة ليموزين وطلعو العماره وكلعاده طلعت فوق السطح وشفت المنظر المألوف مستقبلهم وماسك يدهم ودخلهم الغرفه وعنده واحد من خويانه
جلست متردد ايش اسوي ايش اسوي واتصلت عالهيئة وقلتلهم الموضوع كامل وقالو لو انت صادق تعالنا المركز
ورحت لهم المركز واعطيتهم كل المعلومات وحلفتلهم بالله بعيني شايفهم وان هالشي بذمتي

واخذو بيناتي الشخصيه ووصفتلهم البيت وقالو خلاص انت خلك عند البيت واحنا شوي وبنجيك وفعلا جلست اراقب الوضع واذا خرجو ابلغهم لانهم جاين بالطريق
وجو الهيئة بسيارة مظله كامل بسيارة غير المالوفه يعني مو باين ووقفو عند بيتي وجلسنا نراقب
وطلع معايا واحد منهم السطح ووريته الغرفه وجلس يراقب يبي يشوف بنت يشوف اي حاجه عشان يداهمو
بس للاسف مافي شي باين
ومرت ساعه ساعتين ساعتين ونص وصلت الساعه 1ونص وقالولي متأكد بنات مدارس قلتلهم هذا الي شفته وجو 7 ونص يعني واضحه شاردين من مدرسه وقالو طيب لو على كذا بيخرجو الحين يوصلوهم مدارسهم ,, بس للاسف ماخرجو ولاشي
وقلتلهم وانا بالسياره معهم نراقب ادخلو داهمو الملحق الغرفه واذا ماشفتوهم متلبسين والله بذمتي وكمان خذوني للشاب وقولوله هذا الي بلغ عليك اذا ماشفتو بنات
وانا متأكد وربي بس هم يبغونهم ينزلو ويكفشوهم,,,؟

والحين بيني وبينهم اتصالات وهم كل ساعتين يجو ياخذو فره عالبيت وزي كذا يعني يراقبون بين فتره وفتره

وكيف الحل ياخوان..؟

والمسلم تصيبه الغيره على اخواته واخوانه مثل هالمواقف والله ماتحمل اتضايق واهاليهم بغفله والله الي يصير مايرضي اي مسلم

ايش اسوي لو حصل بيوم ثاني هالموقف ومتأكد انهم بغرفته,,,.
وسئلتهم ماعندكم تصريح تداهمون قالو لا الا اذا شفنا احنا رجل وبنت داخلين شقه لوحدهم او علاقه مشبوهه وشفناهم احنا اما من البلاغات مانقدر نداهم

وانا والله نمت وانا متضايق وانسترو هالمره بعد
وبكرة وبعده كل وحده بتجر صاحباتها عند خويها وفلانه تجر فلانه لين يطلع الجيل كله علاقات اعوذ بالله

انا قلت اصورهم فيديو وهم بالسطح داخلين بالغرفه واوريها للهيئه..؟

ايش برأيك انت وهو افعله او اسويه حتى هالحثاله ينقرضو او عالاقل ماشوف هالمواقف قدامي ,,

والله يهدي الجميع

كثر الله من امثالك و بيض الله وجهك
صور فيديو وسوي اللي تقدر عليه
و وافينا بالاخبار و ما عندنا إلا الدعاء لك بأن يجعلك الله شوكه في نحر الفساد

أنتم محضوضون لوجود مثل هذه الهيئات أما نحن فالحكومة هي التي تدفع الناس إلى الفساد

__________________

	رأيي يحتمل الخطأ

والله تجيني غصة من هالمواضيع
و انقهر من هالبنات اللي ما عندهم رادع
لاحول و لا قوة إلا بالله
بصراحة ما عندي فكرة أو خطة ببالي لكن ربي سيكشفه عاجلا أم آجلا
و أحيي فيك غيرتك على الدين و رد المنكر
و داوم عن التمنع و الأنزلاق فشهوة ساعة بعدها ندم و انت فيك الف خير ماشاء الله
بس الأنسان أحيان يضعف
فاستمر بالدعوة للحفظ من الله عز و جل

__________________

الله يقويك يارب .. ايوة خليك معاهم وخليه يصير محترم الساكت عن الحق شيطان اخرس
ولو سكت بيكون انت ساكت على مصيبه مو بس حق .. وخاف على اهلك واحد زي كده وكمان جنبكم
لا تستبعد يخونك في اهلك الله يحفظهم لك ...
بس عندي سؤال بعيد عن الموضوع .. كلمة كمين اخذتها من الارض الطيبه ههههههه >>><<< دعابه

__________________
لاتـــغــركــ <> الـضـحـكــــ..هــ تـــرىــ كــــلــيــ أحــــزانـ

الحمدالله يارب قد ماقدر ممتنع عن هالاشياء وربي يثبتني

والي قاهرني وخلني اتحمل كل هالوقت ومعاهم اول باول ومراقب لهم ومساند ان كثر ماسمع هالقصص شعر يديني تتقشعر وتسئل الشخص كيف واهلها فين ومادري ايش الخ...
ومابالك قدام عيني هالمواقف تتكرر والله مابسكت عنهم لين تكفشهم الهيئة يارب

منجد وجنب بيتنا وراهم وراهم والزمن طويل

ههههههههههه يب يب ,, ومايمنع شوية لغة عربية فصحى بعنوان الموضوع (( كمين)) بدل خطه

ههههههههه ايوة احسن من كلمة خطه بس شفت الكلمه تذكرت الارض الطيبه لانه لها موقف صار لخالتي
مسكت على هذي الكلمه صارت على لسانها هههه
الله يقويك بصراحه عجبتني لما قلت للهيئه اهم شي تكون صادق وراقبهم لين ربي يكشفهم
وش دراك لو سكتت بكره ربي يقولك شفت بنات الناس وماسترت عليهم ..
واللي قاهرني جاركم يعني يجي يوم ويخون بيت اهلك لانه مافكر فيك وكمان قالك تعال ..
الله يهديه ويحفظلك اخواتك اهم شي اهلك علمهم عشان بكره النهار يعرفون انه وسخ لو حاول يسوي شي

__________________
لاتـــغــركــ <> الـضـحـكــــ..هــ تـــرىــ كــــلــيــ أحــــزانـ

لآ حول ولا قوة الا بالله .,~

بس غريبه كيف البنات ماخرجو بعد الساعه 1 ونص وهما لسع ماخرجو من الغرفه .,~
والله يا اخي الكريم انت نادر يللي مثلك ماشاءلله الله يثبتك ويكثر من امثالك .,~

واستمر على ما انت عليه والله يعينك ويووفقك يارب .,~
: )

__________________
الناس يمحون ماضيك الجميل مقابل آخر موقف سيء منك ، و الله سبحانه يمحو ماضيك السيء مقابل توبة منك ، فأيهم أحق بطلب الرضى ؟

طيب الهيئه ليش مايجون بدري قبل سبع الصبح عشان يميدهم يشوفون البنات يدخلون ..
و الله شي محزن بنات مدارس صغار وعندهم هالعلاقات الله يستر على جميع بنات المسلمين

__________________

أغيب و ذو اللطائف لا يغيب - نشيد لأصحاب الهُموم -
http://www.youtube.com/watch?v=piXtKN5nS3Y