استغرب انكم اقتنعتوا بالكلام عن المراة وما اقتنعتوا عن الرجل ؟!
المراة حينما تكذب فكذبها صادر ايضا من عاطفة ..
من غيره او حسد او شعور بالنقص او خوف ..
اما الرجل هذا طبعه ...

اخت شووجي
والي يرضى عليكي اعتبريني اخ لك مو شخص داخل معركه او شخص يبي يغلطك او غيره
وانا اخوك اصابع يدك مو سوا ,, وكلنا نعرف لماذا خلق الله حواء وكيف ادم بالرغم ماعنده استوحش وخلق الله له حواء ,, وانا كرجل اقولها بالفم المليان على لسان كل الرجال والله ثم والله ثم والله وحشه الحياه بدون حواء الانثى الرقيقه الناعمه الوفيه المخلصه
وقوله تعالى: وَمِنْ آيَاتِهِ أَنْ خَلَقَ لَكُمْ مِنْ أَنْفُسِكُمْ أَزْوَاجًا لِتَسْكُنُوا إِلَيْهَا وَجَعَلَ بَيْنَكُمْ مَوَدَّةً وَرَحْمَةً إِنَّ فِي ذَلِكَ لَآيَاتٍ لِقَوْمٍ يَتَفَكَّرُونَ

والموضوع ماهو تعصب وتحيز بسبب مواقف شخصيه حصلت لك او لاحد غيرك
ومثل مالنا عيوب احنا الرجال وكذالك النساء لهم عيوب والسعيد الي تقل عيوبه
مو الرجل كذاب والمراه خاينه وا وا وا وا بنقعد نرمي كلام على بعض وبالاخير ايش استفدتي والقارئ ايش استفاد..؟
ممكن ترتاحي بها الشي تطلعي الي بقلبك بس لاتعممي وانا اخوك كلنا هنا نواجه مشاكل اشكال وانواع بس مانحرض فئه على فئه احنا اكبر من هالشي احنا كلنا اخوان نساعد بعض بامور بوجهة نظرنا وممكن تساعد صاحب المشكله ونكسب اجر من غير لانعلم

اما يوصل موضوعك لها التعصب كلن بتصيبه حساسيه وبياخذ فكره سيئة من اولها عن الجنسين

وارتقي ياختي من هالاسلوب ولاتكتمين الجانب الايجابي فيك وتظهرين الجانب السلبي
خلنا نستفيد من افكارك ووجهة نظرك لاخواتنا واخواننا ولو عندك افكار سلبيه محنا ناقصين نسمم عقولنا

ومن هالمنبر احب اقول الله يحفظ لنا نسائنا ويبعد عنهم كل مصيبه لان ورا كل رجل عظيم امرأه

وسلمت ايديكم

يا خوي ومن قال لك اننا بمعركة ؟!
هذا انتم حكمتم على الموضوع من هذا الجانب ..

و ببداية موضوعي قلت لكم اني وضعته عشان اخت قالت لي اجيب لها اسم
الكتاب اللي جبت منه معلوماتي ..بسسسسس
لا اقصد التعرض لأحد او لجنس دون جنس ولو تلاحظ حتى المراة قلت تحليل الكتاب لها ..

هذا ماهو كلامي كلام الكتاب ..
وانا اقتنعت فيه و استفدت منه .؟!
هل غلطت هنا ...
هذى وجهة نظري و ما يحق لأحد ان يتهمني بتهم باطله
يخرجها من عقله لسبب اني عبرت عن رايي و لسبب اني
اثنيت على احد الكتب العلمية المتخصصة ...

متى نرقى بحوراتنا و افكارنا و نحترم عقول الآخرين
و نكف عن مهاجمة المخالف لنا ..؟!!
الى متى نتلفظ على بعض بالفاظ سوقية و اتهامات باطلة
بدون اسس علمية او معرفية او اجتماعية ..!
يكفينااااااااااا جهل ..

وجهة نظرك بعد احترمها و لك حرية الفكر
و هذا حق للجمييييع ...