انا وجهة نضركم احترمها سواء انا غلطان او هي

لكن ماسألتو انفسكم ليه انا صورت !!

الموضوع بختصار ياسادة انا كل ما اشتكي من شي واقول فيه كذا وفيه كذا على طول اطلع انا كذاب ومافيه شي

لجئت للتصوير عشان يكون دليل للي يتهمني بعدين اني اكذب عليها وخاصة امي

شاكر لك مرورك العطر

لكن موضوع الصلاة هذا لما افتحه ينفتح علي باب وتوصل الى السب ومادري ايش لاني بصراحه تعبت فيه وش اسوي تكلمنا مانفع قلنا لامها مانفع قلنا لخوها مانفع ضربنا برضو مانفع وش اسوي اكثر!

قلنا لها يابنت الناس ترى انا ماأستئمنك على شي حتى ولدي ولا حياة لمن تنادي

جبت كتب اسلامية

جبناها بأسلوب فكاهي لها قلت شكلي بوديك مكتب الجاليات تعلنين اسلامك برضو مانفع

قلت لخواتي واخواتي عارفين انها ماتصلي وقالو لها برضو مانفع

بالعربي اكلم جدار

وديتها مكة واعتمرنا وبرضو ترجع حلمية على عادتها القديمة

اما اهلها بالعكس انا اشوف ابوها متشدد خاصة في الصلاة ولو يدري انها ماتصلي الظاهر بيذبحها لان ماعنده تفاهم ياتصلي يا اطلع من بيته هذا نظامه

انا مادري ليه تخاف عند اهلها ولما تجي عندي تصير مرتاحه على الاخر وودي صراحه اقول لأبوها تراها ماتصلي بس مستحي منه وماودي تقعد تدوخ راسي لانها صراحه تطير لك برج في راسك من كثر

بالنسبة لأسلوبي صحيح اغلب الاحيان فيه قسوه بس القسوه هاذي ردة فعل عكسية منها زرعتها فيني فصرت ماتحمل اني احن عليها بشي

حركة التصوير ذكرت السبب ويمكن اكون غلطان بس انا قلت لكم ابي دليل عيني عشان ماحد يكذبني لاني كل ماقلت شي قالو كذاب وهي اطلق بنت على وجه الارض
الحنة

افكر اسحب الجوال والاب توب بس اخاف تصير علي حرب ضروس ومشاكل

عندها مبداء مساواه مع الرجل يعني على سبيل المثال لو تشوفني اسوي غلط تسويه هي واذا سألتها تقول ولله انت تسوي ماهي مستوعبه انها راعية بيت حتى هي قالته قالت ماني مصدقة اني متزوجه

اي شي اسويه تسوي مثله تحاول تستفزني ولو اسألها تقول مالك شغل مثل ماتسوي اسوي قلت يعني لو اكل مخدرات بتسوين من وين جاية انتي ؟