ام رتودي و سيدة و فاكهة..

زوجي لما صارحني برغبته بكييييت و انهرت و تكلمت كلام كثير
و ناقشته بعدين لكن هو حاس انه مو غلطان وان هذا حقه و انه ما راح يظلمني
و أتي احبه و لا استغني عنه ..
و مقتنع أني مو ناقصني شي ..
لكن هو عنده رغبة بالزواج منها و على باله انها مثلي ..
و امه تمدح له فيها ..
و يقول كل الحريم يغارون عادي و طبيعي ..
هي رفضت خطاب لكن مادري ليش وافقت على زوجي
يمكن تقول ملتزم و بيعدل وانا هادية و ماعندي الا بنوته
عمرها سنتين و ما صار لنا متزوجين الا اربع سنوات تقريبا ..
و علاقتها مع امه قوية و هي كبيرة و فاهمة و تعرف تعرض نفسها
و تسوي علاقة ..

امه قلت لها حرام عليك أنا مو راضية ..
لكن قامت تتفلسف ان الرجال يحتاج حرمه ثانية و ما يعيبه شي
و ان ولدها قادر على بيتين وووو ..
أنا هي ما شفتها من عرفت بالموضوع و لا أتحمل أشوفها
و لو كلمتها ما راح تهتم لكلامي لو كانت مهتمه و مسوية لي خاطر
كان ما وافقت عليه ..
و هي تعرف علاقتنا مع بعض انها حلوة و هادية ..

أنا عمري ما تطاولت على زوجي و لا سبق و شاف فعل متمرد
عشان كذا عادي عنده ..
و عنده أن الغيرة طبيعية و مع الوقت تروح و حجج كثييييرة جدا

أنا اروح الحرم بين فترة و ثانية لكن عمره صعبه الحين ..

و بنت عم زوجي عادية مو ملتزمه كثير و علاقتي فيها جد سطحية

اسال الله ان يثبتك ويصبرك
واسال لله ان مايتم الززواج
بقولك على حل بس لازم تقوين مشاعرك فيها قولى له خذ بنتك عندك علشان يشوف انك جاده بالرفض مو فتره وتهدين وترجعين له
وام زوجك وقفيها عند حدها وقولى لها حانه على البنت زوجيها واحد من ازواج بناتك
واذا شفتى نفسك ضعفتى وتبين ترجعين له خليه يكتب لك ارض او بيت ملك لك ومصروف شهرى واى شي بنفسك

تدرين انا نفس تصرفاتك مع زوجى حب وتضحيات واهتمام اخرها يدور وحده شخصيتها قويه
اسال الله اذا تزوج غيرى ان يطيح في حرمه شرانيه توريه خيرى وطلع عيونه وتغثه

__________________
دعاء المعجزات:حسبي الله سيؤتينا الله من فضله انى الى الله راغبه.
لوعلم الانسان كيف يدبر الله الامور لذابت القلوب من محبته عزوجل

:*

ورد ساهر

مصيره يرد ومنكس قرونه
عطيه جوه بنت عمه أبصم بالعشرة
أنها شخصية نقيض لشخصيتك
وراح تعرف تربية عدل وترجعه
لكِ مؤدب خالص وبيشوف الفرق
هالصنف إلي يختار ويخطط على الرجل
ويقرر يجازف بزواج متعدد عنده زوجة صغيرة
ومامر على زواجهم إلا أربع سنوات هذا صنف
من النساء قوي شخصية ويحب ذآته
ويحب يمشي الأمور على مزاجه

وماراح تتكيف معه ولايتكيف معها



:*

__________________

عزيزتي ورد...

انتي ليش استسلمتي له..حبيبتي اول شي خيريه بينك وبينها اوازعلي وغيري اسلوبك معه انتي لازم تتغيرين...او حاولي بكل الطرق انك توقفينه من حقك تحافظين على بيتك ومن حقك تدافعين عن نفسك وعن شريك حياتك...والي تقلك عادي ليش تزعلين ترى من ورى قلبها ولوانها مكانك والله انها ماراح ترضى بهذا الشي...مافيه انثى ترضى زوجها يتزوج عليها..

عارفه ليش دايما لما تكون الزوجه مهتمه في زوجها وتحبه وتبين له انها تموت فيه وتسوليه حفلات واعياد وهو ينبسط...هذي هي الي زوجها يفكرفي الحريم ويبي يتزوج غيرها..عارفه ليش؟؟

لانه يفكر كل الحريم زيها وبنفس اهتمامها وطيبتها وحبها...انتي عطيتيه فكره وشاف فيك نموذج وصورة يحسب كل النساء نفس هذي الصوره...

صدقيني بس يجرب الثانيه ويرجع لك متنكس على قرونه وخذيها مني والله ليرجع لك...ويعرف قيمتك..ويعرف انه محد مثلك...ومحد يحبه مثلك..صدقيني مستحيل بنت عمه تجي نسخه منك لافي حبك ولافي اهتمامتك ولا في معاملتك مع زوجك اكيد اكيد فيه فرق بينكم..

شوفي الحريم الي اهم شي عندها نفسها ومن ثم زوجها صحيح مو مقصره معه لكن عند اقل غلط يغلطها في حقها تقوم عليه وتهب فيه ولاترضى لين يعتذر هذي هي الي الرجال يبيها يحب الحرمه اي تحب نفسها وتحبه في نفس الوقت ومايحب الي ملزقه فيه وتتحدى العالم فيه...

الرجال مخاليق غريبه عجيبه مدري وش يبون لكن الي تاكدت منه انهم مايحبون الحرمه الي تموت عليهم وتحطهم محور حياتها...

عزيزتي خليه يروح الله يسهله دامها حطها في راسه صدقيني اذا دموعك وحبك مارده عن قراره مافي شي يرده...

بس تاكدي مرده لك...مرده لك.وراح يرجع ودموعه على خده..وقتها غيري اسلوبك معه جذريا..لاتصيرين نكديه ..لا.خليك بنفس اخلاقك وبنفس طيبتك ومعاملتك..بس اثقلي شوي.بلاش احتفالات وهدايا وبلاش اهتمام زايد عن حده لمحي له انك ممكن تستغنين عنه وان حياتك مو متوقفه عليه وبس ولاتسمحين له يغلط ويهينك سوي الشي الي يرضي رب العالمين غير كذا لاتسوين..

وبالنسبه لاهلك خبريهم واجلسي عندهم لين يخلص موضوع زوجك عشان لاتتعب نفسيتك ..

__________________
أكبر مشكله.........

لاصرت عارف بالحقيقه وساكت..ماتبي<< تحرج >>بعض الوجيه بسود افعالها

100%

__________________
أكبر مشكله.........

لاصرت عارف بالحقيقه وساكت..ماتبي<< تحرج >>بعض الوجيه بسود افعالها

افهموني ...
أنا مستحيل انتظره الى ما يرجع ،..
اذا تزوج والله ما يشوفني بعدها ...
سوا رجع او لا ...
خليه للي اختارها هي و عيالها ..
و اللي تقول اعطيه بنتك ...
مستحيل أتخلي عن بنتي ما اقدر أبدا ما اقدر أبعد عنها
يوم كيف عاد اعطيه إياها و مع حرمه غريبة ..
هذي بنتي بنتتتتتي ...

حبيبتي

حتى لو قآلك كذآ قوليله يعني فضلتها علي خلآص روح لها
وريه إنج تقدرين تتخلين عنه

قوليله وش فيها زود عني عشآن أمك طيرتها فوق

وآنآ آوافق ليه الغرور وسيدة الموقف

مصيرهم مآبيتفقون وبيرجعلك ذليل يترجآك ويبوس إدينك

مدري شقول أخآف أفلت خل آدرس مو قآدره دوم في باللي
فرج الله همج يآرب بآقرب وقت ممكن

__________________

أي فديتج إجتمعي فيه بيوم
وقوليله هذآ أخر يوم بتشوفني فيه
وإنت بتحدد مصــــيرنا

يآ أنآ ويآ هي وإمسكي المصحف كأنج بتحلفين كتخويف

وشوفي ردة الفعل
قوليله مآبي أسمع غيره وغيرها.. أبي أسمع إجآبه هي ولا أنآ فقط
لآ تزيد ولآ تنقص

يآرب يهدي قلبه ويحنن عليج يآرب يآرب يآرب

(فقلت إستغفروا ربكم إنه كآن غفارا .. يرسل السماء عليكم مدرارا .. ويمددكم بأموال وبنين ويجعلكم جنات ويجعل لكم أنهارا .. مآلكم لآترجون لله وقآرآ )

ترى الإستغفار له دور فعال قرأتي قصت أحدهم هنا مع الإستغفار
بديت أطبقها وجآبت مفعول قوي والحمد لله

قوي إيمانك بربك ..

والدنيا غداره ولآ تسوى يآقلبي

وبنتج فلذت كبدج آتوقع مكآنه الأفضل في أحضانج

__________________

ياأختي اذا ماتملك الى الآن وانتي ماعندكي استعداد تعيشين مع ضره فلا تسكتين كلميه بكل جديه انك
مستحيل تعيشين معه حتى لوتوصل للفراق
احدى قريباتي خطب زوجها واتفقوا على كل شي من مهر وغيره قبل الملكه
وهي ماتدرى وكانت مسالمه وماتوقع منها ردة وكان يبي يضعها امام الامر الواقع
تقول لي قلت له والله ثم والله ماجتمع انا وياها ياأنا ياأهي واختار الآن
تقول حتى الدمعه مانزلت من عيني لاني جاده في كلامي وسبحان الله تفركشت زواجته
وبعد فتره يقولها الحمد لله اني ماتورطت بغت توهقني فلانه وهي من قريباته كل شوي تمدحها عنده
وبعض الرجال مخفه ماينظر لعواقب الامور...

__________________
اللهم اجعل خير عمري آخره و خير عملي خواتمه و خير أيامي يوم ألقاك فيه

إي حبيبتي يبيلج شوية حزم وعين حمرا
ترى أمه معبيه رآسه ولآ هو وش دراهـ

يعني خلج أقوى منها إذا هي لها عين إنتي لج عينين
وحآولي بالقوه

لآ تسكتين وتآخذه وحده .. وبكره تتحسفين إنج مآوقفتي ع رجلج
يالله شدي الحيل ننتظر مستجادات مفرحه بكل فآرغ الصبر

__________________