سيدة الموقف

زوجي مثل ماقلتي ( وعايش على مبدأ عش ليومك ويده مخرومة )
و قبل امس قلتله ، ما بغى أتكلم عن شي فات و انتهى و لانه من الغباء اني اجلس اقول لك ..
مو نصحتك من قبل انك تشيل كل شهر شوي ؟ و ماكنت تورطت و انزنقت زي كذا ؟؟؟
بس خلاص اللي راح راح .. و ترى أنا ما أتكلم من فراغ و اني مثلا ما جربت ؟
أنا عشت ايام بالجامعة اصعب منك و كنت مرات ما اكل غير عيش ناشف و مرات مايكون معايا
ريال واحد و لا كنت اقول لاحد و لا اهلي يدروا و لا ماكانوا قصروا معاي .. و تعلمت بعدين كيف
ارتب أموري و انظم نفسي و زي كذا .. يعني مجرية و الحمد لله شوف دحين كيف ؟

قلتله لا تفكر بيومك و خلاص، مشكلتك ماتفكر لبكرة .. ماتستعد للي جاي .. المهم تعيش يومك
و نصحته بالأخير بدعاء يردده يومياً و انها مجرية ( اللهم اكفني بحلالك عن حرامك و اغنني بفضلك عمن سواك )

طبعا تفاعل معاي و عمل حاله مصدقني و شي .. و أنا متأكدة انه مادخل الكلام لاذنه ..
وقت ينقرص، يدخل كل شي باذنه و براااسه ..

و هو اقترح علي اننا نشتري عمارة مثلا دور واحد و هو ياخد قرض و أنا اكفله لأني موظفة حكومية ..
بس مادري ؟

.
.

( وفكرة الشقة التمليك أؤيدك عليها وبقوووة
عشان بعدين بالمستقبل توفري وتشتري بيت العمر )
^
^
صح هذا اللي ناويته ان شاء الله ..

و الله لو انه يرضى يتعاون معاي، ماكنت ترددت و ساعدته ..
بس هو ما يتساعد .. و أنا كل مرة اقول اتحمل ظروفه و حسيت لدرجة
انه بدأ يشوف و يحس انه مو مقصر بشي و لأني ساكتة ..

مايفسرر سكوتي ( صبر و مراعاة و باشوف ايش اخرته ) ؟؟؟
يفسره ( انه غباء مني و انه هذا الشي الواجب اني اعمله ) ؟
و مو داري انه الصبر له حدود ..

مشكلتي اصبرررررر و بالنهاية لو جربت كل الطرق و أعطيت كل الفرص
أتصرف و مايهمني وقتها ايش ماصار ..