صباح الخيرات و اللى جاى بأذن الله احلى بكتير من اللى فات

"جديد دا برضو اهه ، يا سلام عليا متجددة"



يا رب يكون الكل بخير


حلم حياتى الف سلامة عليكى انا مأخدتش بالى انك حتعملى المنظار معلش انا بقرا الردود فى السريع الجوانى و طبعا فى حاجات بتمر عليا
بس عرفت الموضوع من شوشو ربنا يطمنا عليكى و ان شاء الله يكون كل خطوة خطيتيها يكون فيها الخير ليكى بأذن الله



منى الله يسلمك و الحمد لله انك عرفتى السبب و ان شاء الله لما يتحلل دماغك تدوش من كتر العيال بأذن الله


هالة يا سكرة ربنا يرزقك باحلى عيلة تتمنيها ان شاء الله
كريم يا ست البنات الحمد لله الدنيا ماشية معانا بخير بس ساعات بتفلت فطاير بالليل بس خلال اليوم الحمد لله مكنتش احلم باننا نوصل للمرحلة دى الف حمد و شكر ليك يا رب
كرمة لسة بتحبى بس فى محاولات انها تقف لوحدها بس هى جبانة "بنتى" و طبعا طالعة شلق جدا جدا مش عارفة ليه احتمال برضو عشان "بنتى" بس مش عارفة دا انا الرقة كلها كل يوم بضربلى صينية رقاق على الصبح بس شكله مش محوق فيا الحمد لله

اما عن الوضع فى مصر فالحمد لله انا مبسوطة من اللى بيحصل فى الميدان مصر مش حتنضف الا كدة لانهم كانو غلطانيين انهم وثقو فى المجلس العسكرى و سابو الميدان اول ما المخلوع خلع بس ان شاء الله حتبقى خير و ذى الفل عاوزة شوية صبر و امل فى بكرة
و انا دايما مقتنعة ان اسؤ حاجة بنشوفها بتكون احلى حاجة بنشوفها (ان "مع" العسر يسر)
بوسيلى القطاقيط



نورا!!!!!! مين نورا؟!!!!!

اه اه افتكرت مش دى صاحبتى بتاعة زماااااااااااان قوى دى :P
من غير ضرب اصلك مش بتدخلى خالص على المسنجر
المهم يا سيتى
مصر هى مصر مش عاوزة تروحى ناحية الميدان خلاص مصر هى مصر و بعدين الميدان مافهوش للسياحة غير المتحف المصرى اذا فارق معاكى قوى المتحف استنى لحد ما يمشو مع انك برضو ممكن تروحى بس مش يوم جمعة و اهو بالمرة تشوفى الميدان و خصوصا بالليل بيكون لطيف و ممتع جدا و صدقينى حتتبسطى (طبعا اللى بقوله مخيف) بس الجو هناك "انى اتنفس حرية"
اما بقى عن موضوع لبانة الانفلات الامنى فالكلام هجايص انا قبل الثورة كنت بقول ان مافيش امن فى الشارع و اللى كان بيحمينى المارة الشرفاء
يعنى انا لما كنت فى مصر اول لما روحت كنت لازم اكون فى البيت 10 بالكتير و ذا اللى يعرف جو مصر كأنى راجعة المغرب بس قبل ما ارجع الكويت كان عادى جدا يكون فى انفلات و نرجع الساعة 1 صباحا و مافيش حاجة و ناس كتير راجعين معانا و الدنيا ونس "العادى بتاع مصر" بصى احنا نتكلم على النت و اعملك برنامج سياحى مخلكيش يبقى عندك دقيقة فاضية خالص فى مصر كله فسح و انبساط ان شاء الله و مصر تنور طبعا يا فندم




زجوووووووووووووول وحشانى موووووووت بجد ايه يا بنتى دا غبتى و قلتى عدولى؟ طب عدتلك و من كتر ما عديت بقيت مش عارفة اعد اصل خلصت الارقام اللى حافظاها اعمل ايه تانى؟


منوووور ازيك يا سكرة ايه اخر اخبارك طمنينا عليكى


نعومة
هع هع هع "دى ضحكة الشر" اصل حال البنى أدم دايما مش عاجبه شوفتى لما مكانش فى اعراض كنتى خايفة و لما بقى فى اعراض مبقاش عاجب عموما ان شاء الله تخلص فترة الوحم و تدخلى فى فترة الرفس ربنا يبلغة شوفة البيبى على خير بأذن الله

فكرتينى بوحمى فى عيالى "اللى هو نفسى ايه اكله" كريم اتوحمت عليه فى الخامس و كنت ادمان بطاطس محمرة جنب اى اكل لازم يكون فى بطاطس محمرة
و كرمة اتوحمت فى التامن لحد ما ولدت كنت حموووووت على النودلز و كانت حامية عليا فى الاخر كدة بس كنت مش قادرة لازم اكل نودلز لدرجة انى قبل ما اروح اولد اخر حاجة اكلتها قبل ما احضر نفسى للبنج كانت نودلز و يا سلام لو شميت ريحة ورنيش الجزم او الجاز الللللللللله هاهاها
نعومة انا بعد ما عملت مشاركتى لقيت كلام جولى ليكى اذا كان التحليل دا ذى ما هو باين كدة تحليل اهبل يبقى متعملهوش عشان متقعديش باقى الحمل على اعصابك و اعملى السونار رباعى الابعاد 4D دا بيحدد دماغ البيبى ذى ما جولى قالتلك و بيجيب من الاخر لانه بيبان و كمان حتشوفى البيبى احسن من السونار العادى
حبيبتى نصيحة بلااااااااااش اى حاجة ممكن تجيب قلق
شوفى دا ذى ما يكون ربنا باعتلك فى نفس ذات الصفحة 2 يقولولك ان التحليل دا اهبل و بنفس القصة بس فى تجربتين مختلفتين هالة و جولى
حبيبتى ابعدى عن القلق دا و سيبى تكالك على الله
و اقرة على النت المرض دا مش بيجى الا لما يكون عمر الام و الاب كبير و اذا كان فى وراثة فى العائلة
ربنا يحميكى و يحمى ابنك و يحمى ولاد المسلمين كلهم

جولى ربنا يكرمك و يفرحك باولادك يا رب

ربنا يفرحكم و يسعد قلبكم بأذن الله

باقى بناتى سكراتى بحبكم فى الله

__________________
ربنا يحفظلى اولادى من كل سؤ
فَأَنْبَتْنَا فِيهَا مِنْ كُلِّ زَوْجٍ كَرِيمٍ /اللهم ارزق اخواتى بالذرية الصالحة

هالة حبيبتي ربنا يهون عليكم المصاب ....
عظم الله أجركم ورحم الله ميتكم وأحسن الله عزاائكم ...
انا لله وإنا إليه راجعون ...

دودي حبيبتي لاتشيلي هم ...
بحول الله الامور إلى خر ..الموهم عزيمتك ماتضعف ..أستمري بالرجيم ...
والله قلبي معك ومهتمة كثير برجيمك ..
تدري لو تركتيه او ضعفتيه أخاف يجيني اكتئاب من كثر ما انا متحمسة معك ..
فلا تسويها رجاءاً

نورا حبيبتي
تسلميلي ع سؤالك ..
انا مختفيه لانو مافي خادمة واتوظفت وظيفة مؤقته ...فعينك ماتشوف النور ..بس كدا احسن من اني اتفرغ للوساوس ولا اعطي للشيطان مجال اني افكر بأي شيء سلبي ...
رغم هذا الحصار في سلبيات اشيل همها
يعني العيب فيا !!
لكن بحول الله اموووور الى خير

نعومة حبيبتي أنا كنت بآخر حمل ما بأستحم إلا مرة بالاسبوع غصباً عني ...
لاتقولي عني عفنه ...بس ما اعرف صار معي كدا والاغرب بالقوووووووة أمشط شعري ...
كنت أشك في نفسي ...ما أبغى آكل ولا أتحمم ولا أمشط شعري وأثقلهم ع نفسي تمشيط شعري ...
مرت عليا 3 شهور بس حاطة المنديل ع راسي (البندانه) ألوان واشكال بس الموهم ما امشط شعري خخخخ


كوكارة اسمحيلي أرد لانو فعلا انا كنت متغاظة من كل مصري خرج وكل همه انو يسقط الجيش ...
دا في واحد في التلفزيون يقول مبارك سقط بعد 3 خطابات المشير باقيلو خطابين ويسقط!!!
إية دا...ّ<<<اسمحيلي حرد بالمصري

هو إلي عندو جيش عظيم زي الجيش المصري مايثق فيه ....!!!

جيش عظيم ..وقف جنبكم ...وأعز كل مصري ..وأعزنا كأمة لا إله إلا الله ...
مين حيكون أسعد شخص بسقوط الجيش و ضياع مصر في مزبلة التاريخ ..
مين غير أعدائنا وأعدائكم وأعداء أمة محمد!!!

لازم تنتبهوا ....ثورتكم ثورة أمة محمد ...
ربنا أراد نجاحها .لازم كل مصري يفخر بيها ولا ياخدوا الغرور انو هو حيقدر ينزل الميدان ويجمع الملايين علشان رأي ممكن يضيع بلد الملايين ...

كل إلي كان في الميدان إستحالة يجمعوا المليونات دي إلا بفضل الله وحـــــــــــــــــده..هو إلي وحّدهم على قلب رجل واحد (لو أنفقت مافي الأرض جميعا ما ألفت بين قلوبهم ولكن الله ألف بينهم )سورة الانفال.... مسلم ومسيحي وقبطي ... يجوا المجموعه الي بداو الثورة ويتوقعوا أنهم الكل × الكل ويلغوا ملايين وراهم في مصر وفي أمة محمد كللها!!!

أنا بقول الكلام دا لانو انا عارفه انو في أخطاء بس الكمال لله وحده ..مصر الان وليدة وضعيفة محتاجة انو يستمر التوحد في الصفوف علشان تخرج من الآزمة دي

لعلمك أنا في السعودية بس صحباتي من المنصورة وكفر الشيخ والاسماعيليه وطنطا والقاهرة وجنوب مصر دول صحبة قوية مش أي كلام يعني.... ومنهم راجعين الجمعه الي فاتت من مصر ...وفي الي مسافرة الجمعه عندها حملة انتخابية ..
وأول بأول باسئلهم عن بلدي مصر ...صحيح سعودية بس من لم يهمه أمر المسلمين فليس منهم

اعذريني دا حتى المخلوع إلي انتو بتسمّوه مخلوع ...إلي ظلمكم هو وبطانتوا ..كان فيه خير كبير أنو ما ألغى الجيش العظيم دا ولا همّشوا ... ولا حتى عمل تصفيه عرقيه للجيش زي صديق الجرذان ...
المخلوع دا ..اتخلع بس ما فكّر يأذي بلدوا ... هو رغم انو حافظ على عرشو لكن لما اتخلع حط بلدوا في ايدي امينه ما سابها تولع وتتحرق زي غيروا ... المؤمن لما يغضب يحافظ على نفسوا ولا نكون زي المنافقين إلّي من صفاتهم إذا خاصم فجر( يعني في خصاموا ينسى كل حسنات الّي مخاصموا )....هو لآنو فيه خير ربنا بيحاكموا في الدنيا قبل ما يتحاسب ويتحاكم في الاخرة لان عذاب الدنيا لا يقارن بعذاب الاخرة ... والقصاص من المسلم في الدنيا كفارة ليه وتطهير ...يعني عمل كل الي ذلكم واهانكم و اتخلع زفرحتوا ويتحاكم ودا حكم الله طيب ننسى انو مسلم ... !!
غيره بيقتل بدم بارد ويغتصب ويعمل الهواااييل ...!!!

ارررجوكي ماتزعلي مني بس كلمتك حررركت كل الي بقلبي لاني من الجمعه الي فاتت وانا مغمومة خفت لا يسقط الجيش وتدخل مصر ف خبر كااان .. ..

ربي يوحّد صفوفكم ويهيء لكم أمر رشد ينفعكم به ويبعد عنكم كل أعداء الدين ويرد كيد من أراد بمصر وامة محمد سوءا في نحره ..

رجاء ما تزعلي مني
بحبكم كلللكم ف الله

__________________
قال صلى الله عليه وسلم: "ليس شيء أكرم على الله تعالى من الدعاء"
اللهم اني اطمع في مزيد رحمتك علي وعلى اخواتي في الله فرجا ورزقا يارحمان