هيييييييييييييييييه انا جيت تانى اهه

انا كنت قلت اقرا الردود عشان اعرف اللى فاتنى و ارد مرة واحدة بس وقفت عند نعومة و مشاركتها اللى فى صفحة 41 فقلت مش قادرة حرد على كلامها عشان منساش حاجة بس قبل ما ارد لازم اعمل حاجة الاول


ابارك و اهنى و ازغرط و "اكسر صوابع عقل عقل" سلومة حبيبتى

يا بنت انا افتكرت الكمبيوتر هنج و انا عمالة انزل لتحت و مش لاقيه كتابه حرام عليكى طلعتينى من جنابى
الف مليون و دشليون و ترليون "دول اللى اتسرقو من الشعب المصرى" مبروووووووووووووووووووووووووووك
انا قبل ما اقرا لقيتك حاطة صورة واحدة حامل و ساندة بطنها قلت يالا بشرة خير و لما قريت قلت يا الف نهار ابيض
ربنا يباركلك فيه و يكون ذرية صالحة بأذن الله

اجى لنعومة

حعضك و اجى اقعد عليكى افطسك

انا حملت فى كريم بعد 6 سنين جوااااااز "كنت بعمل اللى عليا فيهم" و بس التوفيق بقى بايد ربنا
احرق دمى و اقعد على اعصابى مش حستفيد اى حاجة خالص غير حرق دمى لان كله بمشيئة ربنا و اذا كان حرق الدم ممكن يغير فى مشيئة ربنا مش كنا حرقنا دمنا بس ل كنا ولعنا فى نفسنا
و الناس اللى بتحضر للمدارس يعنى حاجة عدلة قوى!!!! دول ناس طالع بظابيظهم " و متسالنيش يعنى ايه بظابيظ عشان معرفش" فى تحضير حاجة المدرسة و حيصحو من الفجر يودو مدارس و يجيبو من المدارس و يقعدو يذاكرو و و و و انتى قاعدة مروقة دماغك مش ممكن ربنا مديكى الفرصة دى عشان تستمتعى بحياتك انتى و جوزك مع بعض قبل ما يجيلك اللى ميخلكيش تعرفى تهرشى؟
استمتعى يا حبيبتى بحياتك و اللى من نصيبك حيصيبك كل اللى عليكى انك تعملى اللى عليكى و التوفيق من عند ربنا


زهورة حبيبتى "و اخيرا زيست" دا كان اعلان بيجبوه عن صابون بالليمون اسمها زيست كانو بيجيبو واحد طالع عينه فى يومه فى شغله و اول ما يدخل البيت يجرى على الحمام يستحمى و بعدين يجبوه و هو خلاص مرتاح و بيقول "و اخيرا زيست"
فبقى اكسبرشن ان اللى بيكون تعبان و يرتاح يقول " و اخيرا زيست"

فانا لما جيت مصر حسيت باحساس "و اخيرا زيست"

تعاليلى بقى انا كتبت الكلام اللى فوق عند سؤالك و خير اللهم اجعله خير الف فى الصفحات الاقيكى كاتبه مشاركه مفهمتش معناه
طب انتى قاصدى تعصبينى مثلا؟
مافيش رد عليكى غير رد عبد الفتاح القصرى فى فيلم سكر هانم
"انتى مش ست انتى ست اشهر"
و بالنسبة للكتاكيت اللى حواليكى تعتبرى نفسك ايه؟ لعبة كاوتش مثلا؟!!!!!!!!!!!!!!!
حتموتينى ناقصة عمر

يعنى ربنا راضى عليكى و الحمد لله كارمك و "حملتى" و كل اللى منكد عليكى طريقة الحمل!!!!!!!!!!!!!!!!
اقول ايييييييييييييييييييييه؟

معلش يا بنات محدش يكلمها متعصبوش نفسكم انا كفاية اللى يطقلى عرق لوحدى

حرام عليكى حيقولو عليا الشابة اتجننت
يا بنتى انا بو منك اقعد اشكر ربنا طول اليوم ذى الهبلة كدة مبطلش و لو حد كلمنى اقوله بس استنى شوية مش فاضيالك اصلى بشكر
يا بنتى اتهدى و افرحى و استمتعى بنعمة ربنا عليكى يعنى انتى كل اللى زنقك انه من غير حقن!!!!!! حتموتينى حتموتينى حيييااااااااام عليكى


نورا سكرتى احنا بخير و شوية بعد ما ارد على العسولات حقول كل اخبارى بوسيلى الكتاكيت العسولات


غموضة حبيبتى الف ملون مبروك لاختك و ان شاء الله تكون جوازة العمر و ربنا يبارك لها فيها


ابتسامة القمر الف ملوين مبروك و ان شاء الله يكون ذرية صالحة بس 2100 جرام دا سفروته خالص ربنا يبارك فيه يا رب



فلونا اذا نفختى فاعتقد انه ولد انتى نفسك فى ايييه؟


هالة العيد فى مصر متعععععععععععة مش عشان انها مصر يعنى مع انه ممكن يكون عشان انها مصر بس العيد ذى ما اعودتى عليه و ذى ما بتحبيه و سط اللى بتحبيه و اللمة و العيدية عاوزة تعرفى العيد و احساسى بيه اتفرجى على فيلم عسل اسود بتاع احمد حلمى الجزء اللى كان فيه فى مصر جميل جميل جميل بجد

كريستى وحشانى جدا جدا جدا

هههههه اول ما قريت انك كاتبك انك حامل فبمنتهى الطلقائية لقيتنى بقول "حامل فى عينك" خدى نفسك و بعدين انزلى خدى غطس مش كله ضرب ضرب ضرب لازم يكون فيه شتيمه الاول

ربنا يكرمك باللى تتمنيه يا رب


مرموسة حبيبتى
وحشانى قوى قوى و ربنا يكرمك و يحسن الاوضاع يأما تهدديه حجيله و مش حيهمنى


سعود حبيبتى ربنا يكرمك و يفرح قلبك يا رب


حلم حياتى انا مش عارفة ايه اللى كان عندك وحش مش عارفة اوصل للصفحة بس ربنا يكرمك و يحسن الاحوال و يفرحك بأذن الله و ان شاء الله تتبسطى فى سفريتك و تجبلنا البشاير و انتى جاية



حلومتى حلومتى و حشانى جدا جدا جدا
و مش عارفة كل ما ابعتلك رسالة متوصلش مش عارفة غيرتى ارقام تليفوناتك ولا ايه عموما انا رقمى ذى ما هو طمنينى عليكى "خلى عندك دم"


رونا الف حمد لله على سلامتك و بجد رافعين راسنا لفوق يا ابطال عقبال سوريا و احنا لما نطهر مصر خالص




نيجى لاخبارى اهم اهم حاجة روحت اسكندرية حبيبة قلبى
جميلة جميلة جميلة حتى الطراز المعمارى فيها جميل قضيت فيها يوم و انا راجعة من الساحل و قعدت على البحر و نزلت البحر و نزلت السباحة الماهرة كرمة هانم و كريم الجبان الاركبر
بس الحمد لله
و بالنسبة للاوضاع الامنية فى مصر لحد دلوقتى الدنيا عادية جدا جدا ذى ما سبناها بالظبط مش حاسة بفرق ولا حتى فى السواقة ذى ما قاله كله عادى مش عارفة هم بيخوفونا على الفاضى ولا ايه
كل اللى بسمعه ناس سمعته بس ناس عاشت اى حاجة يقولو لأ

انا الحمد لله بخير و العيال بخير

و ان شاء الله ادخل تانى قريب و الاقى كام حد بيبشرنا بالحمل بقى


بحبكم فى الله

__________________
ربنا يحفظلى اولادى من كل سؤ
فَأَنْبَتْنَا فِيهَا مِنْ كُلِّ زَوْجٍ كَرِيمٍ /اللهم ارزق اخواتى بالذرية الصالحة

هالا حبيبتى انتى تستحقى كل خير ...ربنا يكرمك يا قمر

تروحى وترجعلنا بالف سلامة يا حلم حياتى ..ربنا يفرج همك ويريح قلبك يا رب

ترجعى بالف سلامة يا قمر رحلة سعيدة ان شاء الله

انتى وحشتينا اكتر يارب يفرج همك ويشرح صدرك يارب

الله يبارك فيكى يا كاكورتى اومال يا بنتى عاوزة تعرفى الخبر كدا بالسهل معلش بقى تعبتك ..بس فعلا مع انى مش سفرت بره مصر يعنى معرفش طعم العيد بره عامل ازاى بس اكيد عمره ما هيكون زى هنا..يارب تكونى مبسوطة واجازة سعيده ان شاء الله ..كويس انكم بلبطو شويا ..وبعدين مش تسمعى لكلام حد انا برضو عندى قربتى عيشه بره وقبل ما تنزل السنه دى كان الرعب كله مسكها واقنع فيها ان مفيش حاجة وان احنا عيشين طبيعى مفيش برضو زى ما هى لحد ما نزلت وشافة بعينها الاعلام هو السبب وهو اللى عامل حالة الزوعر دى ...
حضن كبيراوووووووى للاستاذ كريم والامورة كرمه وبوستين حلوين كدا....
اما عن اخبارى لا جديد عندى الحمد لله بخير تعبانة شويا من الاشهور الاولة ربنا يهون علينا جميعا ...
بنات كنت عاوزة اسئلكم اخد ايه طبيعى للحموضة عندى دلوقتى حموضة فظييييييييييعة بجد
سلامى للجميع ... احبكن فى الله ... استودعكم الله

__________________

السلام عليكم يابنات
كيف حالكم ؟؟
ماهانت علي الصفحة وهي كدا بدون اي رد جديد...
بصراحة مشغولة جدا ..وجاني شغل تطوعي بسيط اشغلني شوية ...
لكن ابدا مايشغلني عنكم احد بإذن الله
هالة الحلوة ... ربنا يسعدك ويجزيك خير على وقفتك هنا عند البناات...

حلمي الحمدلله الا طمنتينا عليكي ...ومبروك دخزلك الشهر السادس بسلام ..وعقبال سلامتك يارب..

رونا ...ألف ألف مبروك النصر المؤز ..والله أنا سعيدة جدا لكم ...وربنا يكرمكم بالامن والامان يارب ...ولا تحرمينا من وجودك بيننا ...
نعومة تعالي وطمنيني عليكي من بعد اخر مرة كتبتي ردك ومابينتي لا تكوني لساتك نفسيتك مش ولا بد..
والله كوكا صدقت هم فوق هم واسأليني ..أنا كان نقصني شيء قبل الاولاد ..والحمدلله ربنا كرمني والان مسؤلية ..مش سهلة ابدا ...لكن ربنا يعطيكي ويعطي كل مشتهي ومتمني يااارب..

عشوقة ..أشتقت لك أكثر مما تتصوري..

لا تتجنني ولا حاجة أنا فعلا كنت شوية تبطرت على نعمة ربنا ...بس هادا طبع الانسان يتمنى الحاجة الناقصة عندو ...
انا حسمع كلامك مزبوط .. ولا يطقلك عرق ولا حاجة ...
بس اسمحيلي لم اكون طفشانة وحاسة بملل اعصبك شوية برد زي ردي الي قبل علشان تخرجيني من حالة الاكتئاب لحالة الضحك ...اان حاسة وانا بقرا ردك دا وكأني في مقطع كوميدي من مسرحية مصرية رووووعه ههههههههههههه
الله يديم عليكي الانبساط والسعادة ولمة الاهل الحلوة وربنا بهنيكي باجازتك يارب
ياليت تكوني دايما بين اهلك وناسك علشان تكوني بالروح الحلوة دي والطلة الجميلة
احبكم كلكم في الله
رب اني لما انزلت من خير فقير

__________________
قال صلى الله عليه وسلم: "ليس شيء أكرم على الله تعالى من الدعاء"
اللهم اني اطمع في مزيد رحمتك علي وعلى اخواتي في الله فرجا ورزقا يارحمان