كل سنة و انتو طيبين
اهلين بنت مكة .. يا شيخة انا فقدت الامل في القروب دا انتي لسة فاكرة
انا اشتركت في الشي دا اللي انتي اشتركتي فيه من زمان و لسة ما طبقت اسبوع و اشوف صرصار سغنطوط في علبة الاكل
نفسي لعبت منهم و بهدلتهم و في الاخير بس ادوني فلوسي الباقية و الباقي حسبوه
و خلاص عرفت كيف طريقة طبخهم و انا فلست اصلا من الفلوس اللي يلهفوها و بطلت منه
المهم
انا زي ماهو باين في التوقيع رجع وزني لركزة جديدة انا كانت ركزتي عند 112 او 111
دحين مدري ايش نفخني و مرة خايفة اني ازيد اكثر
صارت ركزتي غلى 115 او 116 !!!
نزلت ايام رمضان ل 113
خلاص اديت نفسي هواها و زيادة في العيد
لغاية ما رجع تاني لل 116 اللي حتجيب لي الاكتئاب
و فكرت انا و كم وحده في العيلة نفس حالتي بس على خفيف اننا نتشارك و نتعاون و ننتبه لبعض
و نشجع بعض
و عملنا قروب الرابح الاكبر بين بعضنا في البلاك بيري
و امس اول يوم
و ماسكة نفسي بالقوووووووووة و لو اني اول ما صحيت فتحته على اكل ملغم و لكن شفت همة البنات باقي اليوم استحيت
و خصوصا اني اتخن وحده فيهم و انهم من اهل زوجي و اتكسفت بصراحة لا ينقال انو ما مني فايدة و اني حالة ميئوس منها
و انا اصلا من زمان طفشششششت و خايفة من الامراض الله يكفينا شرها
و اهي فرصة انو انتهت العزايم و لغاية الحج فرصة للاختفاء من الجمهور
تحياتي
__________________
رب لا تذرني فردا و انت خير الوارثين
11-09-2011, 02:59 AM
ضوابط المشاركة
العرض الشجري