أختي الغالية ندمانة حيل يشهد الله إني متابعة موضوعك أول بأول وأدخل كزائرة علشان أشوف المستجدات وأدعي لك بظهر الغيب إن ربناإذا كان يعلم بأن في رجعتك لزوجك خير لك فربنا يسهلها ويعجل بها بإذن الله وإن كان فيها شر لك ربنا يصرفه عنك ويغنيك من واسع فضله وأنتي إجتهدي بما فيه الكفاية وسعيتي لصلح بكل الطرق ولاكن لحد الآن ربك ما كتب لك برجعة والحين ماعليك إلا الصبر والدعاء لرب العالمين
ربنا عز وجل مايخيب ظن عبدا رجاه وحنا الحين في العشر الأواخر من هالشهر المبارك فأبتهلي وأدعي ربك إن يسخر زوجك لك ويرجعكم حق بعض وأنا أنصحك إنك تتركي الرسايل لزوجك وتوجهي بالرسائل لرب زوجك فهو القادر على هدايته وصلاحه إذا قلبك تعلق بخالقك وتقربتي لربك بالعبادة والعمل الصالح
والدعوات صدقيني بإذن الله إن ربنا يقرب منك زوجك ويعلق قلبه فيك وراح يرجع لك وماعاد يفارقك أنتي الحين لاتنتظري الواسطات لامن أهله ولا من أهلك ولا من بعيد ولا قريب خلي واسطتك ربك عز وجل إستعيني بالله وادعيه وأنتي موقنة بالإجابة وتحري وقت إستجابة الدعوات وأنتظري الفر ج من عند رب العالمين
وأنا أشوف بأن هناك بوادر أمل بدأت تلو ح في الأفق وبإذن الله ماراح يصير إلا كل خير وإن شاء الله إنك راح ترجعي لزوجك وبيتك وإذا ربنا كتب لك برجعة لزوجك أنصحك إن لو زوجك سألك أي سؤال حساس لاتجاوبيه مباشرة إعملي ألف حساب لإجابتك قبل ماتنطقيها لأن الظاهر إن زوجك من النو ع الحساس جدا ويفسر الكلام بطرق مختلفه وعلى حسب رؤيته وتفكيره ومثل هالنوعية يحتاج إنك تتعرفين عليه أكثر وتتعمقين في مابداخله أكثر وأكثر حتى يسهل عليك التعامل معاه ومع الوقت والعشرة راح تفهمينه أ كثر وأسأل الله لك التوفيق والسعادة في حياتك
وربنا يكتب لك ما فيه الخير والصلا ح في أمرك يارب .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله