18-06-2011, 02:51 AM
|
المشاركة الأصلية كتبت بواسطة جراح الماضي1
اختي بسمه كان الله في عونك
البعض من الرجال كل مازدتي ضعفا ازداد قوووه وتسلط لاتدعي نقدة او سخريته تجد طريقا الى عقلك اختي كلما زادت ثقتك في نفسك زاد احترامك لها واستطعتي ان تاخذي حقوقها |
|
المشاركة الأصلية كتبت بواسطة روح المساء
[align=center]ماأقول غير الله يعينك على مابلاك عسى يكون أجر لتحملك وصبرك
ونصيحة انفذي بجلدك إذا ماتقدري تتحملي اكثر لإنه بجد إنسان غرييب ماأدري من أي كوكب جااي[/align] |
|
المشاركة الأصلية كتبت بواسطة ليه الغرور؟
ياحلوه..هو موفرلك كل شي...عارفه ليه
عشان لارحتي تشكين منه..ومن معاملته...اهلك يقولون زوجهك موفرلك كل شي وماحنا شايفين عليك قاصر..ومايصدقونك فيه..علافتي ليش؟؟ اقول بس انفذي بجلدك ...وش هاالعيشه هذي؟؟ استغعرالله العظيم هذا طبع والطبع مايتغير....ولو بيتغير يمكن بعد 60 سنه يعني لاشاب راسك وجاتك جميع الامراض النفسيه...وانتي منتي مجبره على شي.. |
|
المشاركة الأصلية كتبت بواسطة دنيتي بك جنه
ياختي وش جارك عليه مع اني مااحب اجيب طاري الطلاق بس روحي لاهلك يمكن يتعدل
لان انتي اساسا منتي عايشه معه مثل الناس وغير كذا عنده مشاكل بالانجاب الله يشافيه واحمدي ربك ماجبتي منع عيال مدري كيف بيعاملهم |
|
المشاركة الأصلية كتبت بواسطة × الرسمي ×
اسأل الله سبحانه وتعالى أن يوفقك فيما بينكم ويحببكم لبعض ويسعد قلوبكما
ياأختي لاتتسرعي بأخذ أي قرار غير مدروس وفي غير محله يبدو أنكما إلى الآن في حالة عدم توافق وهناك حلقة ضائعة إذا وُجدت ستنحل أمور كثيرة . لازلتي عروسة ماكملتي سنة صارحي زوجك بماتحبين وبما تكرهين وضعي له خطوط للإحترام المتبادل بينكم وتوجهي إلى الله سبحانه وتعالى أولاً وأخيراً أعانك الله |
|
المشاركة الأصلية كتبت بواسطة الجانب الآخر
للأسف هذا مايلقنه الآباء لأبنائهم وهم لايشعرون
وهذا ماتلقنه القبيلة لأفرادها وهذا مايلقنه المجتمع لشعبه ... بعيييداً عن الدين انا مع رأي اخونا الفاضل البليغ ... خصوصاً الرسالة ونقل ردة فعله لنا اسأل ان يصلح حالك وحال زوجك |
|
المشاركة الأصلية كتبت بواسطة ليه الغرور؟
هذي هي مشكلتنا
لاغلط واحد ولا وحده مهما كان الغلط حتى لو وصل لقتل نفس.......قلنا مريض نفسي...ولازمله علاج اي مرض نفسي الله يهداكم....الله سبحانه وتعالى خلق الناس والنفوس مو مثل بعض مختلفه فيه منعم الطيب وفيه منهم النذل وفيه منهم الحسود وغيرها كثير وانتي يااختي زوجك مو مريض زوجك هذي هي طبيعته..مع زوجته سواء انتي او غيرك..بيعانلها نفس المعامله انتي اذا تقدري تتحملي..اجلسي..واذا مو متحمله لاتضيعين وقتك معه...وتشاورين الناس...لان محد حاسس فيك اصلا.. |
|
المشاركة الأصلية كتبت بواسطة مجهولة هوية
الزواج : هو توافق بين شخصين في جميع الامور هو الرحمة والمودة والألفة هو مسؤوليات مشتركة وتعاون دائم بين الطرفين
هو التسامح والعفو والقيام بالحقوق والواجبات التي أوجبها الدين لم أرى فقط الا ايجابية واحدة بزوجك وهي اعطائك المصروف والسماح لك بزيارة بيت اهلك . لكن هل تعتقدين اخيتي ان هذا كافي لكي تكتمل اركان الزواج . اعيدي النظر في حيااتك الزوجية ولاتلقي بنفسك الا التهلكة . حتى الله لايرضى الذل والهوان لعبادة .[/align] |
|
المشاركة الأصلية كتبت بواسطة قطوة قطرية
بصراحه قريت موضوعج بس ماقدرت اطلع بدون مارد
زوجج لاهو بمريض نفسي ولا شي انا عرفت زوجج من اي نوع من النوع اللي يكابر ومايحب يبين لزوجته انه محتاج لها عشان ماتشوف نفسها يحب يشوف زوجته خاضعه له يتلذذ بهالشي بس يبي يقهرج فيه ريايل جذيه ترا عادي هههه عندي واحد منهم بس بقولج حل جربيه فتره طويله بس لازم تضغطين على نفسج شوي وتصبرين فعلشان تشبعين غروره تدرين شتسوين قابلي الاساءه بالاحسان اذا قال لك ريحتك مو حلوه قوليله فديتك حبيبي بس انت ريحتك حلوه لما اشمك ادوخ ابتسمي وامشي عنه اذا مايحب تسألينه عن طلعاته قوليله حبيبي ترا انتظرك عالعشئ ومو قادره اكل بدونك حتئ لو جرحك لاتردين عليه بنفس الرد لا ردي بالعكس قوليله ادري مو من قلبك بس ماقدر اعيش بدونك لحظه واذا قال لبسك مو حلو قطيه بالزباله قوليله افااا حبيبي اهون عليك وانا اللي كاشخه على شانك بس اذا مو عاجبك من الحين افصخه واقطه اهم شي عندي رضاك ابتسمي وامش عنه واذا انتقد ولا شي قوليله مو مشكله حبيبي اي شي تبيه بيصر انت آمر بس واذا زعل وماكلمك قوليله ترا امووت من دونك وهلك مرتاحه لاتتضايقين ولاتفكرين فيه اشغلي نفسك بأي شي واذا قال ماقدر اوديك او اطلعك روحي مع هلك قوليله بس انا مابي غيرك واذا عصب قوليله خلاص حبيبي اذا تعبان مو مشكله خلينا انجرب هالاسلوب اول شي فتره طويله واذا مانفع معاه تعالي بندور له حل ثاني بس مثل ماقلت لج لازم تمثلين شوي وتضغطين على نفسك ادري صعب بس سكتي وابتسمي ومن داخل قلبك سبيه زوجك يكابر وانتي كبري عقلك وخذيه على قد عقله اذا سب ولا شتم كأنك صمخه لاتسمعين ولاتفكرين قابلي السيئه بالحسنه وطول هالفتره اسفههيه يعني لاتفكرين بكلامه ولافيه جربي فتره واذا مانفع ارجعي علشان نكتشف زوجك من اي نوع * |
| مواقع النشر |
| أدوات الموضوع | |
| انواع عرض الموضوع | |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض الشجري