شف يا خوي
أولا بيض الله وجهك إلي ما تسكت على الغلط
و كثر الله من أمثالك
بس ترى الزعل شين و ربي
ما يصلح تزعل بهالشكل
تعوذ من إبليس و حاول تذكر الله
و توض أو نم أو اطلع من المكان لين تهدى
يا خي ترى ثلاث أرباع المحكومين بالسجن سبة زعل
فانتبه لنفسك الله يخليك
ثانيا هم غلطانات مهنا كلام
و لازم يوقفن عند حدهن
كيذا ما يصلح
شف خالك لو ما تصرف
كلم رجل خالك
خل يشوف لحرمته حل
و كلم الوالدة
قله تراي خايفن عليك من هالشيء
و الإنسان سيرة و سمعة
و هذا الي تسوينه ما يصلح
لو أنا ألي مسويه كان زعلت علي
جبها بالطيب و اللين و النصح
يا خوي " و إن جاهاداك على أن تشرك بي ما ليس لك به علم فلا تطعهما و صاحبهما في الدنيا معروفا "
هذا و هو جهادن على الشرك !
فطول بالك الله يصلح قلبك و يفتح عليك
و صاحب أمك بالدنيا بالمعروف
و الله يوفقك
أما مسألة الزواج فما لها أي علاقة
الناس بتنشد عنك أنت مهوب عن أمك
و إن شاء الله ينصلح الحال قبل تعرس
طمناعليك
و الله يرزقك إلي تستاهلك
قل آمين

__________________
## مهم ##
هل تتعرضين للابتزاز في الانترنت؟


هنا من ينقذك