نفسيتي تعبانه والسبب زوجي
السلام عليكم
اخباركم ن شاء الله طيبين وربي ياهم انا فيه ابي تنصحوني
وتقولي انا الغلطانه او زوجي
لي ثلاث سنين متزوجه وبيننا طفله نحب بعض ولكن يامشاكل نحنا فيها عمري20
كان بدايه حياتنا مشغوله باأهله ويروح ويجي معاهم الين ماجبت طفلتي وبعدهاصار الوضع احسن حبتين
لكن من شهر1 الين الحين وانا مهمومه زوجي خانني ووحده عرضت له وشحن لها حاولت اتجاوز المشكله هذي لكن للأسف كل يوم تهتز ثقتي به . كان حاط مبلغ عشان افرش البيت ولمن سالته حلف برب البيت انه انصرف وقالي شووفي باايش انصرف وجلست اسبوعين الين ماقال قال سويت جمعيه مع واحد وراح يصير المبلغ 1400 والين الحين مكذبته احسه يكذب وقال اجيبها لك
و يوم الاربعاء شفت رقم طلعه جديد بااسم وحده ولمن سألته قال وربي الموظف غلط وحاولت اقفل علي الموضوع ويوم الخميس تهاوشناعشان بطاقه البنك اتلفت وسالته طلعت بطاقه جديده حلف بالله ماطلعها ولمن دخل الحمام(الله يكرمكم)لقيت البطاقه بجيبه لمن سألته قال ماابيك تصرفي فلووسك قلت المبلغ بسيط وشوي قال لاااجمع فيها احس فقدت الثقه فيه
اليوم تهاوشنا بعد وبالغلط (لعنت ابوه)قام عصب وضربني بيده وجاب العلاقه كأني خدامه اناغلطت بس هو لمن انااقشه بمووضوع يطنشني مايناقش يطلعني غلطانه وقال لي وربي لااخليك مثا ماكنتي عنداهلك (انااقوله امي كانت ماتعاملني صح)دايم مشاكل وانا اذا عصبت ماامسك نفسي هو يسوي فاهم مايناقش مايوضح مدري وش فيه لواقول لاامي تقول انتي وانتي اصلن احمدي ربك عليه امي عمرها في حياتي كلها ماوقفت معي دايم تطلعني الغلطانه زوجي اذا صار شيء تافه يدق علي اهلي وامي توقف معه تخيلوا تسبني قدامه احس مومتزوجه كل شوووي مشاكل امي ظلمتني بالزواج هذاا وربي احس موفاهمين بعض لوامي بتقدرني كان من زمان وانا عنداهلي. زوجي يحبني بس احس في شيء بحياتنا غلط خاصه من شهرين موب صااحي وش اسووي هومايصلي بالمسجد لمن اقله صلي يعصب يقوول انا اصلي وكمان دايم يحلف بالله كذب
احسه يلف ويدور .. احبه لكن حبه مومكملني احس ناقصني شي
اختباراتي السبت وانامهمومه ونفسيتي تعبانه جدا
امي لمن اكلمها كاااني اكلم وحده من صحباتي عايشه وماني عاايشه وش هي السواه لمن اشووف بنتي ابكي احس ظلمتها ابي حل المشكله من عصبيتي ولازوجي ولامن؟؟
الله يوفق من يرد علي
التعديل الأخير تم بواسطة شموخ نبضها نادر ; 23-05-2011 الساعة 02:17 AM
23-05-2011, 02:14 AM
ضوابط المشاركة
العرض الشجري