ليتك تروح انت بعد ترقي نفسك ...

وما راح أناقشك بموضوع العمرة ولا تواصلك معها .. انت قررت وربي يجيب اللي فيه الخير

عندي سؤال اذا تسمح لي .. من قسوتك ما عدت شعرت بحبك لها ... هل لا زلت تحبها ؟

__________________

الله لا يحرمكم من بعض ويجمعكم عن قريب .. واضح ان البنت تبغي تكون على ذمتك بس العين متعبتها شوي .. طول بالك معاها واتمنى انك تحرص وتتابع موضوع ذهابها للرقية .. الله يسخركم لبعض ويسدد خطاكم لكل خير وبالتوفيق يارب

العين من بنت عمك نفسها فيك مووووت والا لو انا مكانها مااقبل بشخص متزوج وبينفصل

والعين ذابحه حرمتك .. مع انها عاقله العين تودي القبر

عشان كذا بين انك عادي معهم ولاتخاف منهم وادع ربك يكفيك شرهم اذ بغيت حرمتك

ومفروض حرمتك تقرا لين تشافى ثم تغتسل انت وياها بالسدر وسوره البقره وتصدقوا الله يكفيكم شرهم هم او غيرهم

وصدقووني صدقه مفعولها قوي .. تصدقوا بان الله يكفيكم كل شر وشر العائن دون تحديد عشان مانظلم احد بس باين

كل شئ .. ولكن العلم عند الله

وكمان مانبي نظلم .. لان الظلم ظلمات يوم القيامه

وخل علاقتك رسميه مع عمك وبلاش احتكاك زايد يتيم فهمنا

حتى انا يتيمه بس ماحتكيت بناس احسهم بيضروني مع ان ماعندي احد..

وزوجتك لاتهتز بالردود كله له تجارب وهي انسانه تخاف الله وهذا يكفي لاكتمال العقل

وانت تعرف الحريم ناقصات عقل ودين وماشاء الله عمرك دينوصور عن عمرها .. يعني كون اعقل ورجل بهالمواقف

الحياه مشكلات وانتظروا مشكلات اكبر.. ان شاء الله تحلوها وتضحكوا عليها

يارب يعينا على الحياه

لا معليش ليش يخلي علاقته رسميه مع عمه ؟؟؟ وعلى اي اساس ؟؟؟على اساس افتراضات ماتاكدنا من صحتها !!..
عمه اللي رباه و عيشه ببيته وهو ملزوم برد جمايله ومعروفه عليه ..

اللي عليه انه ما يذكر الاشياء الحلوه اللي تحصل له ولزوجته لاي احد

والله اني انسحرت وجاني عين وكنت اشوف اشياء محد يشوفها وصلتني لاختباط عندي

كادت توصلني لجنون .. بس كنت التزم الصمت حتى لايقولوا عني مجنونه او تزداد حالتي سوء

كنت اقاوم المرض والدمع بعيوني والله اشياء تخوف اشوفها لايراها عاقل اكون بمكان ولست بمكان ويقولون اني اقول اشياء مااقولها ..

حمدلله على كل حال

تمسكت بالقران واقراء سوره البقره لوحدي وكان يزداد وادعي الله يعينني وابتديت بالشفاء وتصدقت بيوم لم اصدق مانا فيه
اليوم الثاني من صدقتي رجعت كما كنت وارى نفسي وحالتي وكان مابي شئ ابدا تعجبت وحمدت الله
وحزنت لحالتي لان كان هناك ثقل بجسدي يمسكني لم اكن انا وهذا قبل الزواج ان شاء الله محد يشوفه

وحسبي الله على من ضر المسلمين

ومن توكل على الله فهو حسبه

مرحبا ابغي افهم شو صار معاك يااحمد وزوجتك لا لا لا لا تستعجل على شى غير زوجتك عادي اذا هي قالت ما تحبك ا لا ما يجي يوم وتحبك اكثر من ما تحبها والله اعلم

((يا أيها الذين آمنوا اجتنبوا كثيراً من الظن إن بعض الظن إثم ولا تجسسوا ولا يغتب بعضكم بعضاً أيحب أحدكم أن يأكل لحم أخيه ميتاً فكرهتموه واتقوا الله إن الله تواب رحيم))
حاولت ما ارد ما قدرت خافو الله اتقو الله انتي محاسبه على كلمه كتبتيها هنا ؟؟؟؟؟؟ انتي وام حسن وغيركم احسنو الظن ؟؟؟؟؟؟ اي تلاعب وهي تبكي وما تاكل ويغمى عليها ؟؟
كل هذا الحب لهذا الرجل تلاعب ؟؟؟؟
لو تلاعب كان احبت نفسها وأكلت ؟؟ اش يجبرها ما تاكل عشان شخص ما تحبه برأيك ؟؟؟؟
هي انسانه رقيقة المشاعر لم تستطيع التعبير عن مشاعرها ؟؟ هي لم تكره كاشخص ربما صفه او سلوك لم يعجبها فيه فقط تحتاج لوقت ؟؟؟؟؟؟؟؟؟؟؟؟؟


والله والله انا ما اعرفها ولكني رأيت بأم عيني تأثير السحر والعين والحسد لأشخاص مرو بحياتي وهذا لا يعني اننا نربط كل شئ في الحياة بالعين لا لا لا ...............
واعتذر لكم اردت فقط التذكير ..................الله يرانا من حيث لا نراه

والحمد الله ويارب لك الحمد والشكر لاخونا احمد واختنا زوجة احمد والله اسعدتنا ولا ترد علينا ما نريده احفظ الله يحفظك والله عورتلي قلبي هالبنت الله يحفظها ويردها لك

بس كانك قسيت عليها هههه بس خلاص الحمد الله ويا ليت يا اداره تحذفو تم الطلاق خلاص انحلت المشكله ما نبغى نشوف هالكلمه ابدآ

اسال الله ان يصلح حال كل مسلم ومسلمه في هذا المنتدى وغيره

بالعادة ان الزوج يكون العاقل والزوجة تكون طائشة ومتسرعة
حالتك انت وزوجتك العكس هي تحاول تهدي وتصلح وتستخدم عقلها و أنت من الجهة الثانية أنسان ثائر لاتستطيع التحكم في أعصابك خطبت وطلقتها ..ألخ

لاحظت اخوي الكريم عجلتك وسرعة قراراتك وإنفعالتك وفوق كذا كأنك من النوع الي مايقتنع إلى بشوره
الأعضاء ردو عليك بفوق 200 رد ما أدري إذا أنت تشوف أن قراراتك بس الصحيحة.
يمكن تكون من النوع الي يحب يتعامل مع الموقف بإرتجال وبنفس اللحظة.
بإذن الله تنحل مشاكلك و أتمنى بعدين تركز عل الشغلات الي قلتها لك.

دمت بود

بس بنبه لنقطة

أنت أخي ما رجعت زوجتك لذمتك ... يعني هي الان بالعدة .. والعدة لها أحكام .. ما أدري اذا يصلح لها تطلع عمره أو لأ ... وأتوقع المفروض انها تعتد ببيت الزوجية

أتمنى تسأل شيخ ثقة عن الاحكام واللي يصلح لها واللي ما يصلح

ولا تنسى انه بعد 3 حيضات ( 3أشهر تقريبا ) تنتهي فترة العدة واذا قررت ترجعها وقتها ترجع بعقد جديد ومهر جديد .. ان شاء الله ترجعوا لبعض عن قريب وقبل ما تنتهي العدة وما تحتاجوا هذي المعلومة

__________________

أسأل الله لكما الخيرة والتوفيق والسعادة في الدنيا والآخرة يا رب ,,
قد لا أملك الكثير من النصح الآن ,, لكني أنصحك نصيحة واحدة وهي أن تتروى ,, وألا تتعجل ,, وبإذن الله سيأتي يومٌ تنقشع فيه هذه الغمة وتعود الأمور إلى أحسن مما كانت
وفقك الله لكل خير