..ممكن تكون علاقته ببنت وحدة أو علاقات متعددة عابرة ... والصراحة احترت من الأسهل التغلب عليها لكن في طريقة أخيره وحدة تقدري تجربيها مع الدعاء اللي نصحوكي فيه الاخوان
طريقتي انك تحاولي تكسبي قلبه ... خل أشرحلك فكرتي

بصراحه كلهم صعبات با النهايه هي خيانه بس الاصعب لما تكون علاقته في بنت وحده ولا تدرين من هي البنت أخذه كل وقته وتفكيره ومشاعره لان الي عنده علاقات متعدده يكون غالبا يلعب اما الي عنده علاقه وحده يكون الموضوع مو لعب هذا يحبها ومن قلبه راتبه كله لها وانا أتسلف لاأني اذا طلبت راح ألقى رد جارح يخليني أتمنى أني ما طلبت

الظاهر انه كانت علاقته أو علاقاته قبل الزواج وطريقة معالجتك لخيانته استفزته أو أعطته الفرصه حتى يلعب على المكشوف خاصة انكم كنتم عرسان وما أخذتو فرصتكم بتكوين رابط قوي يربطكم وما تهمه مشاعرك .

علاقته كانت قبل زواجنا شفت الرسايل كانو يعرفون بعض من زمان يعني فتره مو بسيطه وكانت رسايل جريئه فقدت أعصابي وقمت أجرح فيه وقلت كلام المفروض أني عروس وما أقوله ودفعت ضريبه الكلام أربع سنوات وانا أصلح عشان الموقف الي صار وهو كان مايبغى صورته تهتز قدامي فقال اني ظالمته واني غلطانه وفاهمه الموضوع غلط وقال أذا تبغين ننفصل الحين ماعندي مانع لا ني ظلمته جرحت مشاعره ورفضت لا أني ما أبغى الطلاق
هجرني وبعده رجعت واحده ثانيه مسويه نفسي واثقه فيه بس كل شي واضح مثل الشمس خواته عندهم شكوك تبغين زوجته ماتشك
أنا جالسه الحين أحاول أقوي الجانب الإيماني لدى زوجي وأخليه يخاف من الله لعله يستيقظ الضمير عنده اذا ما خاف من الله مو خايف مني
ما أبحث في أغراضه لا ن مشكلتي بدت يوم فتحت جواله عشان كذا أخذت درس (((أن ثلثي العقل التغافل))
جالسه أدور الخلل فيني تدرون مافي أحد كامل وأسوي تنويع في كل شي عشان أكسر الروتين
في البدايه كان عندي محور واحد وهو زوجي أما الان أصبح عندي محاووور
قضيـــت على وقت الفراغ
أبين له اني مبسوطه واني أسعد وحده في الدنيا وفوق هذا كاشخه على الاخر
وواثقه بنفسي وهاديه وغامضه ومطيعه ما أرفض له طلب

هجره لك سهل لانه عنده من يشبعه مثل ما قلتي لكن من جهة ثانية في شوية أمل ما دام انه يطلبك أحيانا .
معناها انه ما يكرهك مثل ما تتصوري ..
مايطلبني أنا الي أطلبه
وقبل فتره سالته تحبني قال أنا واثق فيك بس ما أحبك

اذا نويتي تحاولي نتباع معك أنا والاخوان والاخوات ونشوف كيف ممكن تنفذي

أكيـــــــد راح أحاول لا حياه مع اليأس
الله يوفقك ويهنيك ويسعدك دنيا واخره

عندي بس 3 نقاط ممكن أضيفها لكل اللي أبدعتيه لانه كل اللي عملتيه هو بالتجاه الصحيح لكسب زوجك

أول شي ...
قلتي انك تكشخي وشغلتي وقتك وهذي من الامور اللي ممكن تجذب زوجك وتخليه يحترمك لكن شعوره بأنك أنت تحبيه ممكن يميل قلبه لك فهل أشعرتيه بأنك تحبينه وتغاري عليه <<<< غيرة دلع مو غيره عصبية ونكده .

ثاني شي
بتفكري تصارحيه ؟؟؟ أتوقع انه جلسه هادية تكلميه فيها وكأنك صديقته مو زوجته ممكن توضح لك أمور كثير وتساعدك
لا تلمحي لعلاقته وانها لا زالت مستمرة لكن تكلميه بموضوع حبه لك .. ابدئيها بأنك تحبيه وانه هذا هو سبب رجوعك له لكنك حاسه انه قلبه مو معاك بدليل انه قال لك انه واثق فيك لكنه ما يحبك ... واسأليه ليه ما يحبك ؟؟ ناقصني شي ؟؟ .. أدري انه مافي علاقة بينكم وانا واثقة فيك لكن يمكن قلبك لا زال متعلق فيها شوي أو الذكريات مانعتك يكون في أحد بدالها بقلبك الحين .. قوللي ليه ما تزوجتها ؟؟ وايش اكثر شي عجبك فيها ؟؟ يمكن اذا عرفتي هذي المعلومات تستفيدي منها بكسب قلب زوجك .

أتوقع انه زوجك عاطفي واذا شعر انه ممكن يعيش معك قصة حب يتجاوب معك أكثر ويترك قصة الحب اللي بالحرام اللي عايشها الحين خاصة انه لها وقت والزمن كفيل ببرود العاطفة .

عندك فكره ليه تزوجك ما دام انه يحبها ؟؟؟

ثالث شي
لا يأس مع الحياة صحيح لكن لا تضيعي شبابك وحياتك معاه اذا مافي أمل منه ... من حقك تنجبي ومن حقك تعيشي مع رجل يحبك ...

__________________

تقدري تظهري غيرتك لزوجك وقت ما يمزح مزحه الثقيل ويقولك انه يبي يتزوج الثانية .. بدل ما تحزني طلعيها بمزح وامسكي بملابسه مثلا أو برقبته مسكه خفيفة وقوليله ترى أذبحها ( قوليها وانتي تضحكي )) وأموتك ... واسكتي عن الضحك ... أموتك من كثر البوس وطالعي بعيونه برغبه .
بيتفاجأ .. بوسيه بوسه خفيفة على خده واتركيه .. انشغلي بأي شي ..ابعدي عنه ..

بما انك مو مستفيده منه ماديا وبما انها يصرف عليها رابته ... خلينا نستفيد من هذي المعلومة ولو بشكل مؤقت مثل ما يقولون نتمسك الى أن نتمكن . قوليله جملة صغيره بمعرض حديثكم .. قوليله أنا أحبك عشانك انت ..أحبك كيف ما تكون أحبك بدون فلوسك ..أحبك لأنك حلالي ..
هو راح يفكر بكلامك وراح يقارن بينها وبينك .. موضوع انك مو ماديه وموضوع أنه حلالك

انتبهتي انك لما سألتيه اذا يحبك شنو قال؟؟ يقول أثق فيك لكن ما أحبك .. مين سأله عن الثقة ؟؟؟ أتوقع انه شغلة الثقة تشغل باله ... ما يقدر يثق بخاينة مثلها بينما يثق فيك ...

كمان شغلة
حاولي تبدعي بعلاقتكم الخاصة .. حرارة مع خجل ..

وبعد فترة حاولي ما تطلبيه ... اصبري وانتظري انه هو يطلبك بدون زعل وبدون نكد مع استمرارك بتحرشات خفيفة وتبعدي ... وتكشخ بالبيت وخارج البيت .

حتى لو كان ياكل خراج البيت أو على التليفون لكن انت لك طعم خاص (( هذا استفدته من موضوع نزلته من فترة بسيطة أختنا الماضي الدفين )) وأكيد بيشتاق لك ... ولو بعد فترة ... حاولي على قد ما تقدري وحتى لو بالاخر انت طلبتيه ارجعي بعد فترة وحاولي مرة ثانية تنسيه وتنتظريه يطلبك ..

__________________