ياخوان الثقة اساس الحياة الزوجية اذا راحت او انهزت الحياة بتصير جحيم ولا تطاق
المراءه اذا شكت في زوجها تتعب تفسيتها وماتتحمل كيف الرجل وبعدين خليها تتطلق وتجلس فترة عند اهلها ومعاها ولدها خليها تتربى وتعرف النعمة اللي كانت فيها وبعد فترة لو حبيت انك تردها ممكن
لانها لازم تاخد درس قاسي وتحس انك رحت من يدها وبسببها
لانها تعودت على الطيبة والمسامحة قبل الزواج وقبل مايكون في طفل
فاكيد حتكون متاكدة انك راح ترجع على شان الطفل
كون صارم تصيحة اخت على شان تمشي حياتك صح

شكرا لكل من أبدى رأيه في الموضوع وجزا الله خير كل من تكلم ونصح باحترام أدب والله لا يسامح كل من سب أو شتم أو قذف مهما كان أنا طلبت رأي وطرحت سؤال محدد لكن أجد البعض قام يتكلم وكأنه هو الملاك المنزه والمعصوم عن الخطأ احنا هنا نتكلم بالعقل والمنطق ملخص الكلام "شخص قدرته وسويت الكثير عشان بس ترتبط فيه وتكون جنبه وفي النهاية خذلك"؟ انا ما احاسب الانسان على أفعاله قبل الزواج وحتى الدين فرق بين المحصن وغير المحصن الانسان مهما سوى قبل الزواج مادام انه قرر يتزوج بكامل ارادته وقواه العقليه لازم يحترم قراره لو كل واحد بيحاسب زوجته ولا وحده بتحاسب زوجها على قبل الزواج كان ماحد تزوج انا ذكرت الأشياء اللي صارت قبل الزواج مو عشان احاسبها فيها ذكرتها عشان اللي بيرد يصير عنده فكره انا كم مره سامحت او ضحيت او سترت عشان مايقولي الحين هي اول مره تغلط خلاص سامح لكن الظاهر اني غلطت لما كتبت كل شي بصراحه وغلطت اني ماكذبت وسويت نفسي الانسان الملاك اللي من يوم انولد ماعمره غلط في حياته مثل بعض الأعضاء هنا.

اعذرني اخي عبدالعزيز
ردك الاخير كان مضمونه انك " لم تخطأ بل ضحيت وسامحت ولكن هي خذلتك " !
انت وبختصار ذهبت الى " مستنقع " لتنتقي منه زوجه ؟ ومن الطبيعي ان يأتيك منه امراض وجراثيم خبيثه ,
وهذا بالضبط ماحصل لك .. فلا تستغرب لأنه شئ طبيعي ان يصيبك الذي اصابك ..
ارجوا ان لا اكون من الذين لن تسامحهم ! سامحني ان كنت منهم
اتمنى لك حياة سعيده وراحةً في البال ..

أخي الجانب الآخر انا أعترف انني أخطأت باختياري للزوجه واعترف اني وقتها ماكنت واعي لاختياري ولا كنت حاط المعايير الأساسية للإختيار وهي الدين والنسب والجمال والمال اللي ذكرها الرسول عليه الصلاة والسلام الله يعوضني خير إن شاء الله ):

من حق الاعضاء على طارح المشكله ان يعلمهم مافعل في مشكلته ^^
" هل يوجد مستجدات " ؟

اخي صاحب الموضوع ماعليك منهم اعترافك باللي صار بالعكس دليل صدقك وطال ماانك ذكرت الاخطاء هذا دليل وجود الضمير وكل منايخطي الله يكتب لك اللي فيه الخير ولايحرمك السعاده الزوجيه ابد قول آمين

هل هناك مستجدات؟؟؟؟؟؟؟؟؟؟

والله ماتستاهلك انت رجل طيب ومتسامح وحبيتها بصدق لكن هي ماحبتك وماتستحق تكون ام اولادك يااخي كيف تبي يكون اولادك وهدي امهم طلقها طلقها وبدون تردد وهي الخسرانه وانت الله يعوضك الزوجه الصالحه وانت نيتك طيبه والله بيرزقك اخير منها طلقها ماستاهل تشيل اسمك

اتق الله في ما تقول كل انسان محاسب على كل كلمه يقولها ياتقول خير ولا اسكت

أنا بكتب لك ردي يا أخوي بس لاتزعل من قساوتي عليك أنت حطيت مشكلتك وتحمل ردي
أولا أنت ماحترمت خصوصيتك ولا خصوصية حياتك الزوجية بسردك قصة زوجتك هنا
ثانيا بدايتكم غلط في غلط وأنت أخذت البنت وأنت على بينه بوضعها مثل ما قالو لك الاعضاء
وغير كذا مافي انسان على وجه الأرض كامل
يعني لو أجيبك وانفضك بيطلع منك بلاوي ولو تبيني أحلف أن عندك لو قليل من حركاتها حلفت
ومو شرط أنها خيانه يمكن أشياء العن منها
مهما بدر من الانسان أدب وإخلاق إلا تأكد مليون بالميه عنده أخطاء بقدر أدبه ومهما طلع من الانسان أخطاء إلا فيه شي من الصلاح
فيه بعض النقاط أنا ما الومك فيها لأنك رجل وبطبيعه الرجال عندنا وللأسف
يمسك الزله على زوجته ولا عاد يغفر
خطأئها مع انك معترف بتوبتها
الحين بعد هذا الكلام أنت مسؤل عن زوجتك وتصرفها ومسؤل أكثر بعد حملها
بما أنها تابت وربي هدأها وأنت عارف وكاتب هالشي بنفسك أصلح أمرك
لأن لو طلقتها بتظلمها وتظلم نفسك وما راح تستفيد شي
أولا لأنك تحبها فبتصير تفكير فيها مهما كابرت
وثانيا لأنها أم إلان لطفلك فغصب بتجي فبالك
وثالثا ماراح ترتاح وحتى لو تزوجت غيرها لأنها هي أساسك بالزواج ولو تزوجت عشره حريم بعدها
والأهم مجتمعنا صار للأسف أكثر بناتنا وشبابنا كذا يعني تخيل موقفك لو أخذت وحده وطلعت العن منها بالله ؤش بتسوي لاتقول لي فيه ماتدري عن السرائر والضمائر
دام هاذي ربي هدأها على يدك وأنت عرفت البنت الآن أنها تابت فخلاص تحمل نتيجة أخطائك واصلحها وانبهك لشيء أنت طلقتها وهي تائبه
يعني ظلمتها وتخيل كيف بتعيش حياتك وأنت ظالم انسان لاتقول سترت عليها الستر انك تكمل جميلك وتخليها عندك وتربيها هي وطفلك على نمط عيشك
وأنت انسان ومافيه ولا انسان على الكرة الأرضيه كلها ماغلط ولو ماغلطنا ماتعلمنا وأخذنا دروس بالحياة

اسمح لي يا أخوي على قسوتي ولكن لا ارضى
أن تكون ظالما ولن تهناء لك الحياة بعد ظلمك لها
مهما نسيت ومهما كبرت فلن تنساها
وهي الآن عند ربها تابه ولو دعت دعوة مظلوم تأكد
أنها ستقبل طال الزمان أو قصر

وأسف على الإطالة ..