بسم الله الرحمن الرحيم
السلام عليكم ورحمه الله وبركاته :

اتمنى اكون مختاره المكان المناسب لأطرح فيه مشكلتي ..
واتمنى مااكون خالفت شروط وقوانين المنتدى ...
واتمنى ان الموضوع ماينحذف ...
لأني بجد ابي حل لمشكلتي ....


انا بصرآحـــه لي سنتين من تزوجت والى الأن
وانا باقي .... بنت .....

مشكله يمكن تكون شوي جريئه بس اخذت اراء خواتي في منتدى ثاني
والغالب نصحني بالطلاق واني صبرت سنتين كفايه ..
خاصه ان زوجي مو راضي يعرض نفسه لا على طبيب لانفسي ولاغيره ولا شيخ يقرأ عليه ....

وبعد ماقريت ردود اخواتي جزاهم الله الف خير
اصابني احباط شديد لدرجه اني احس اني صرت ... عجوز ....
يئست من الحياه مااتخيل اتطلق مااتخيل ارجع عند اهلي مااتخيل اتزوج مره ثانيه نهائيا
قلت يابنت الحلال مالك الا الصبر والأستخاره ...
رحت له من بكره بعد مانزلت الموضوع وقريت الردود في الغالب اطلب الطلاق قلت شف معاك بس شهر واحد والله لو ماتتعالج وتعرض نفسك لطبيب اني لروح لبيت اهلي مو زعلانه ولا اغير جو ولا اتاخذ راحتك وتتعالج لا اروح بدون رجعه ورقمي ينلغي عشان مايصير بينا اي اتصال
كنت اقوله وانا فيني خوف وصيحه ,,, عطاني نظره حزن صدمه واتوقع انها الم
تدرون وش قال .... آفــآ .... هذا وانا اقول هذي اللي تحبني وتموت فيني
بتروح وتخليني عموما ابشري من عيوني من بكره اروح اتعالج ودق على طول على المستشفى وحجز موعد ومن بكره راح كشف وحلل ...
المشكله انه طلع سليـــــــــم ....

فيه احد صارله كذا
فيه احد سمع ان احد كان فيه كذا
هل هو مرض او شي طبيعي
وش اسوي ابي حل
تعبني حلم الأمومه
تعبني اشيل همي لحالي
تعبني كل شي بحياتي

اسفه اذا طولت
واسفه اذا دخلتكم في موضوع خاص جدا
واسفه اني ماعرفت اوصل رسالتي بااسلوب ارقى من كذا .... << بالعربي مااعرف اكتب باللغه العربيه


والسلام عليكم ورحمه الله وبركاته