ماشاء الله تبارك نسأل الله أن يوفقك في ولادتك ويسهلها عليك ربناسبحانه وتعالى أنا بالنسبه لي أشوف إسم حمزه حلو وروعه ولطالما تمنيت أسمي أحد هاذي الإسمين حمزه أو أسامه سبحان الله ربك ماكتب سميت أول واحد أنا وبرغبتي والثاني أم زوجي كانت لها رغبه أسمي بحمي أخو زوجي بس ماوضحت لي لمحت وأنا فهمت رغبتها وسميت على أخو زوجي طبعا زوجي ماعنده إلا أخ واحد فسمينا عليه وحملت بالثالث وإخواني قامت إشتغلت عندهم الغيره كل يوم واحد يتصل عليه منهم هاه وش قررتي تسمي المولود وأنا باقي أتوحم إخواني الرجال عددهم عشره على من أسمي ومن أخلي وأحترت آخر شئ حطيتها بوجه زوجي وقلت لهم أبوه يسميه وش مابغى يسميه طبعا أنا أتهرب من أرضي منهم وأبغى مخر ج طبعا زوجي فيه واحد من إخواني يحبه ويمون عليه أكثر من الباقين وزوجي ساكت إلين وضعت بالسلامه وأنا بصراحه شايله فكرة إني أسمي على إسم واحد من إخواني ولما جاني زوجي المستشفى زياره شفته يلف ويدور هاه فلان ما أتصل عليك وفلان البارح دق عليه ويسلم عليك طبعا يقصد أخوي وبنفس الوقت صديقه من بين إخواني وخطيب أخته آخر شئ قال أنا بطلب منك طلب ولاتفشيليني أخوك أنا وعدته إني بسمي المولود عليه أنا حينها تضايقت وزعلت وقلت له الحين إخواني الباقين وش أقول لهم لما يعرفون إني إخترت أوسط واحد فيهم أ كيد بيزعلون عليه قال ماعليك قولي أبوه سماه وحطيها بوجهي والله إني إنحرجت منهم وفيه بعضهم زعلوا مني حتى إتصالاتي ماعاد يردون عليها بس بعد فتره رجعت الأمور عاديه ومن يوم يومي وأنا حالفه إني ماعاد أسمي بأي أحد لامن أهله ولامن أهلي حتى لوقال زوجي هاذي المره بسمي بفلان من العائله أقو ل له بعيده هاذي السالفه إذا كنت صادق تبغى ترضي العائله كلها رو ح تزو ج زوجه ثانيه وخلها تفرخ لك عيال وسمي على كيفك حتى لوتسمي بالعامل حق مزرعة عمي مالي دخل فيك أما أنا فخلاص ستوب وبصراحه سالفة السمايه هاذي أحسها محرجه شوي ترضي من ولامن وياليت يفهمون إلايتغايرون آه معناته إنك تحبين فلان أحسن من فلان إحراج وأنا خلاص سميت واحد بعمامه وواحد بخواله وخلاص إنتهينا والله لو أقول لك يمكن ماتصدقين إن عندنا في العائله إسم فاطمه متكرر حول 5 مرات كل وحده مسميه على الثانيه لكل إسم عندنا في العائله له أقل شئ إسمين مرادفه له لدرجة لماتخربط علينا السوالف والأسماء نقول محمد ‎ XLأو محمد M‏ أو محمد S‏ يعني توجد عندنا جميع المقاسات ههههههه
أختي العزيزه أم عمر أسأل الله أن يرزقك بالطفل السليم المعافاالذي تقر به عينك وأسأل الله يسهل ولادتك ويجعلها سهله وميسره بإذنه تعالى ولا أوصيك ياغاليتي إذا كنتي في الشهر التاسع أ كثري من أ كل الرطب فإن له مفعول طيب بعد الله عزوجل في تسهيل الولاده نسأل الله لك التوفيق وتولدي وتقومي لزوجك وعيالك بالسلامه بإذن الله تعالى وقدرته .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله