أنت ماشاء الله عليك تداركتي اخطائك وحاولتي تصلحين نفسك , بااقي تحااولين تصلحين زوجك لاتيأسين إلجأي إلى الله هو القادر يغير حااله .
الله يثبتك على ماأنت عليه , أنا أعرف وحدة تقول لمايأست من زوجها تقول خلاص يلعب بيديه ورجليه , ربه اللي يحاسبه لكن يعاملنا معااملة زينة يعاملنا كبشر, هي وصلت لنفس ماوصلتي له الآن من البرود لكن زوجك أفضل من زوجها من حيث المعااملة والحناان هو قااسي وشكاك وظالم, والفرق بينك وبينها أنها كاانت تهتم به يعني مااقصرت أبدا , لكن ضعف الإيماان والخياانة في دم بعض المخلوقين .
الله يصلح حاله وأكثري من الدعاء وذكريه بالله , الرجاال مايحبون أسلوب النصح المباشر , شوفي الأسلوب الي يأثر فيه وأتبعيه , الله يعينك على ماأنت فيه ويستر عليك وعلى بنااتك .

__________________

جزاك الله خير
انا بعد ياغاليه احبه واهتم فيه .. انا لم اصل للبرود والله انني اتألم من خيانته .. احساس مؤلم ان تحبي اي شخص وتهبيه قلبك وخاصة زوجك ثم تفاجأي انه وهب قلبه ومشاعره لشخص اخر .. اصعب شي في الحياه ان تصطنعي الضحك وداخلك يتألم .. ان تبكين في فراشك ولا احد يشعر بك وفي الصباح تبدأي يومك بالابتسامه المصطنعه .. انا هنا قررت ان اعيش واضحك واسعد نفسي واولادي فالحياه مازالت حلوه وخاصة بالقرب من الله ..

حياك الله أختي العزيزه والعذر والسموحه على كلامي الخاطئ في حق زوجك وأنا فهمت معنى خيانة زوجك بشكل خاطئ لأنه ما وضح لي لأي مدى وصل في هاذي الطريق فتوقعت إن زوجك أرتكب شئ كبير في خيانته بالذات لما قلتي حصل لك مثل ماحصل مع دلوعة مودي وأ كثر
فتوقعت إن خيانة زوجك كبيره وأنتي ماوضحتي طريقة خيانته لك وأنا أعتبر الخيانة معناها إرتكاب الزنا والعياذ بالله أما المكالمات فتعتبر معاكسات فأنا لا أسميها خيانة طبعا هاذا في مفهومي أنا شخصيا ما أدري عن آراء الآخرين في معنى الخيانة لديهم ولاكن الحمدالله إن زوجك إنسان يصلي ويخاف ربه ويتقيه ولم يصل الأمر إلى الأسوأ وهاذا من فضل الله عز وجل عليك وبسبب صبرك وحنكتك ومحاولتك لإصلاح الأمور بينكم وأنت الآن على الطريق الصحيح فإستمري على هاذا النهج والأسلوب وعليك بالصبر والمجاهده والدعاء لزوجك بالصلاح والهداية وبالنسبه لمكالماته لنساء يا أختي هاذا إبتلاء ومحنة وعليك بالصبر على زوجك ومدام إن رفاقه سيئين وأصحاب مكالمات فلا تتوقعين إن زوجك بيترك المكالمات هاذي إلا أن يريد الله هدايته هناك بعض الرفقاء السيئين عندهم مفاخره بهاذي العلاقات فيما بينهم فكل واحد منهم يتفاخر بعدد الصديقات إللي يكلمونه وعدد الحبيبات الاتي أوقعهن في غرامه و من هاذي الناحية ما عندك غير إنك تدعين الله عز وجل أن يصرفه عن هاؤلائي الرفقة السيئة وأن يبعد شرهم ومكرهم عن زوجك وأن يهدي زوجك لطريق الحق والصواب وعليك مناصحة زوجك من الناحية الدينية بطرق غير مباشره إذا كان من محبي القراءة أحضري له مطويات وكتيبات مختصره عن المعاكسات وآثارها وعقابها وضعيها في متناول يده في أي مكان يحب الجلوس فيه وإذا كان يحب الإستماع للأشرطه المحاضرات جيبي له أشرطه وهناك أشرطه حلوه تتكلم عن المعاكسات لمشائخ ودعاة خيرين نحسبهم كذلك والله حسيبهم لعلا وعسى أن تقع كلمة من أفواه هاؤلاي المشائخ والدعاة في مسامعه وتكون سببا في هدايته و صلاحه وتوبته و عليك الإستمرار
في إلشئ إللي تسوينه وبإذن الله تعالى ستتحسن حياتك مع زوجك وسيعود إلى رشده يوما ما مدام إن عنده زوجه مثلك تسوى ثقلها ذهب إنسانه صبوره ومحتسبه ومكافحه وعندك أمل وعزم وإصرار على إصلاح زوجك أنتي الآن مسكتي طرف الخيط فلا تدعيه يفلت منك خليك معاه صريحه بكل شئ وأي مشكله تحدث تناقشي فيها معاه بهدوء وروية وإتزان بعيدا عن العواطف وبعيدا عن تدخلات الغيروحلوها في وقتها وإنسوها بعد حلها للأبد بالنسبه لتدخلات أخوه أتوقع إن أخوه هاذا أ كبر منة بالعمر وشكل زوجك إذا ماخاب ظني كان عن حدوث أي مشكله بينكم يروح يشكي له ويدور عنده الحل وأخوه يملي عليه الحلول بدون مراعاة لحياتكم أوالإنصاف في تقديم الحلول وزوجك ياخذ بكلام أخوه ويعتبره الصح عنده بحكم إنه أ كبر منه ويحب مصلحته وحلوله ناجحه فزوجك غلطان إذا كان هو ينقل المشكلة الحاصلة بينكم لأخوه والمشاكل الزوجية يجب أن لاتغادر بيت الزوجيه وأن لاتطلع منه إلا لضرورة القصوى
لاسمح الله أنتم دمر حياتكم في السابق عدم تقبلك لزوجك وتدخلات أخيه بينكم وهاذا الشئ سبب لكم ترسبات في علاقتكم الزوجية وكل ما أحد فيكم ذكر الماضي أحس بمرارته تجاه الآخر والحين الشئ إللي لازمكم تسونه هو إنك تفتحي صفحه جديده في حياتك وتنسين الماضي أنت وزوجك وصدقيني يا أختي إنه إذا كان عندك نية وعزيمه وإصرار في تغير مجرى حياتكم
للأفضل والأحسن فبإذن الله ستنجحين في حياتك وتحضين بالفوز بالمعركة هاذي أهم شئ إن زوجك يفهمك ويستمع لك زين كل ماعليك أستمري على ما أنتي عليه وربنا يعينك ويسهل عليك إن شاءالله ربنا يهدي زوجك وأن يبعده عن الفتن ماظهر منها وما بطن وأن يرية الحق حقا ويرزقة إتباعه
وأن يريه الباطل باطلا ويرزقه إجتنابه .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله