((بـــســــم الله الرحـــمـــن الرحيــــــم))


الــســـلأمـ علــيــكمـ *** أطيــب التحأاأاأيــه الى كل القائمين على الموقع المتميز


رأاأح ادخـــل في صــلب الموضوع,, بـــس هــا حاب ارجع كم سنه للورى عشان احــط النقط ع الحروؤوؤوفـ


قبـــل 7 سنــوات ,

من المعروف ان كل انسان يطمح ان يتزوج انسانه كامله والكمال لله لكــــن..! ((نقدر نقول ارزاق))


وحاب اختصر الموضوع كثر ما اقدر مابي ادش بتفاصيل وتعبكم

بعد ان تخرجت من الثانويه اكملت مشواري الدراسي خارج الوطن لاتمام الشهاده الجامعيه ..

ووقعت المصيبه اني حبيت بنت مسيحيه وحاولت اقنع اهلي اني اتزوجها لكن لامحال رفضو وخيرونيي اكمل دراستي او ارجع الى الوطن .. وفشلت المحاوله وبتعدت عن الفتاه

بعد سنتين حبيت بنت من البحرين .. وحاولت مع والدتي وهم رفضو وذالك بسبب اختلاف العقيده
والمكان والزمان والخ... وبتعدت عن الفتاه

المحاوله الاخيـره عندما تخرجت من الجامعه وتوظفت,, حبيت بنت من بلدي ومن نفس القبيله ومن نفس الفخذ والمنطقه وبعد اهلي يعرفون اهلها ...

ولكن فشــلت المحاوله والسبب انهم صناع .. يعني مو اصيلين واحنه اصيلين انا واعوذ بالله من كلمت انا قررت ان اتزوجها واحسم الامر واضع اهلي امام وجه المدفع ...

وفعلا اخذت قرض لادفع المهر واجر شقه واضبط اموري...

وكلمت ام البنت وخلاص موعد الملجه ( كتب الكتاب) بعد يومان ؟

وللمعلومه ام البنت تقول عادي انت رجال مايحتاج ابوك يجي تبي الفكه من بنتها ماني عارف شنو السبب؟

المهم لكن فكرت شوي مع نفسي وقلت لازم استشير ااحد باله طويل من العائله وفعلا قبل كتب الكتاب بيوم..
جلست مع نفسي افكر وافكر وافكر ولا عرفت انام .. حاولت انام وماعرفت واتى وقت صلاه الفجر ورحت المسجد الي يصلي فيه خالي وصليت ونتضرته ...
وشرحت له كل شي بتفصيل
ولكن رد علي بجمله واحد فقط.. وصدمني
قال المشكله لاتخصك انت وبس بل تخص العائله كلها لو تزوجتها راح يقتلونك لانه تشوه اسم العائله
وقلت له والحل قال عطني خطوط تلفوناتك وغيرهم الصبح وانا اتصرف معاهم ولاتروح لهم ولا ترد عليهم ونصحني وفهمني كل شي والي سويته غلط واني تسرعت

وفهمته اني انا اعاني من الهيجان الجنسي ومابي اتجه الى الحرام هذي اساس المشكله

وفعلا انحلت المشكله وفتكينه..

وراح وكلم ابوي وامي ..وفهمهم كل شي وعلى الفور ابي خطب لي بنت عمي..

وهنا مـــــــربــــــــط الفرســــــ

تكفون انا ادري اني غلطت بعض الامور .. وخالي الملتزم قام يمشي معاي كل يوم وياخذني نداوت دينيه وحلقات طلب العلم

وفعلا التزمت معاه وصلاتي قمت اصليها بالمسجد ورحت بعد ماخطبو لي العمره واخذت امي وجدتي ...

وعطيت ابوي القرض يتصرف فيه بامور العرس؟

بس والله العظيم .. احس اني مبتلى

بعد ماكتبت الكتاب من خطيبتي الي هي بنت عمي
كلمتها تلفون وحصل مني اخطاء ...وكذالك هي

كلمتها بعد كتب الكتاب بسبوع بدت العلاقه مسجات تطورت مكالمات بعد فتره

1:- المشكله الاولى اني اعطيها مصروف وهي بيت اهلها ومبلغ شوي راهي(عودتها على هشي)

2:- دايمن اهاوشها على موضوع الاهتمام وفهمها الحياه مشاركه وابيها تنسى الثقل وتهتم فيني مثل ما اهتم

3:- تبجي على ابسط الامور

4:-فهمتها اني مستحيل امد ايدي عليج او اغلط عليج وفهمتها اني عصبي والي احبه واكره لكن في امور مو مستقره لها هي

5:- لما شفت البنت متغيره علي مثلا( تقول ادق عليك بعد خمس دقايق تدق بعد ساعه )
وتنطرني وهاوشها وفهمها انا ماني هندي عند عشيرتج تبجبج هذي المشكله بطت جبدي من كل ماتبجي لو اترع تبجي لو اكح تبجي

6:- مره صحت عليها وهاوشتها ودزت لي مسج لاتدق علي خلاص انا مليت من المشاكل وكثرها الي فيني مكفيني ومادري شنو وخل زواجنه تقليدي وشفطت علي ست ايام ماتدق ( انا ما ادق بمثل هل مواقف راح احس نزلت نفسي لو دقيت عليا وهي شاحتتني )

كلمت اختي الكبير وشرحت لها المشكله الي حصلت بس ( ماقلت لها خصوصياتنه ) بس قلت لها هاوشتها وتضايقت وقالت لاتدق

اوك ادري اني غلطان وراح تكتبون انت كلا منك انت الغلطان انت وانت وانت ياخي درينه انا غلطت لاني علمت اختي الكبيره بس انا بعدني بزر يعني عمري 500؟
لازم نستفيد من تجارب الغير وتوني وبعدني اتعلم من الحياه تبونها تلعب على شواربي مثلا؟

لا لازم اسال وعرف الصح من الغلط الانسان من كامل ولا معصوب عن الاخطاء(لازم ابرر لكم ههه)

المهم زفتها اختي ودقت علي ع طول مو لسواد عيوني عشان اختي

ورجعت المياه الى مجاريها

وبعد فتره كل ما اتصل تقرق ويا رفيجاتها بتلفون سواء البيت ولا الخاص وزفيتها ع موضوع الانتضار فـ مره من المرات دقيت وردت ع طول وقلت صبر؟ من غير لاتستاذن من وخلتني انتضار خمس دقايق..
عــــــــــاد انا اهني انبطت جبدي وقمت اعظظ اظافري واناقز بكرسي السياره ومنقهر


المهم وهاوشتها وصايحت عليها حرب البسوس صارت بينه ليـــ من

سديت بوجهها وقلت خلاص لاتتصلين علي لاعاد اشوف رقمك بجهازي ولا اجي اسطرك

وفعلا بس؟ مقيوله برا اسد وعندها مياو مياو

قمت احن وعيش بصراع نفسي وتحلطم مع نفسي

وفعلا دزيت لها مسجات ( كتبت قصايد وقصص وامثار واحاديث وامثال وححكم وفلسفه وكل شي بمسجات وسائط عشان اروضها) وفعلا روضتها

ورجعت المياه الى مجاريه


وبعدها بفتره .. قامت تقـط لي نغـزات على سيارتها كحيانه وكل شوي تخرب ومادري وشو ( الوكاد تبي سياره من جيبي يعني هز الجيب يا برنس)

وانا ارقع الموقع ياخي وديها الكراج ياخي مشي الحال فيها وارقع ووانحاش من الموقع بطريقه سلسه


الوكاد البنت قامت تتمادى علي

يعني تقولي مثل ماتسوي فيني اسوي فيك

لابوي دامني قلت الحياه مشاركه

الوكاد اخر مشكله حصلت بينه من فتره وخـــربتها وبعتها وقطيت السالفه بحظن مامه .. ورحت الامي يامامه يامامه يامامه

وتدخلت الولايات المتحده الامريكيه في الموقف المحرج


بس ها؟ قالت لها لاتكلمينه ولا يكلمك تلفون

وربي انبطت جبدي وندمت اني قلت لامي وزهقت والبنت تبيها من الله لان شفطت علي اكثر من 13 يوم

سألت اخــــــــــوي الكبيـــــر عن(( كيف تروض زوجتك وتكفخها ان بطت كبدك؟؟))

قال لي اشفط عليها شهر شهرين وتجيك تركع عند رجولك انت غلطت لانك عطينتها مصروف انت غلطت لما قلت الحياه مشاركه انت لهستها المفروض في حدود ؟

بس يا شباب البنت تبي انسان يحس فيها زوج يشاركها بكل شي اعتقد هي مو خدامه

انا انسان ديمقراطي مشكلتي والله اني واعدتها تسوق سياره الي تبيها لو رنج سبورت واعدتها اني اوديها شهر عسل لصومال هههههه ابط جبدها بهسالفه هههههههه ومرات اواعدها البسى بوشيه ونقاب وحجاب وست عبايات ودلاقات ودسوس حارس مرمى ههههه هم تلوع جبدها هههههه شسوي احب اطنز

الوكاد انا الحين منبطه جبدي .. واحاتيها وما اقدر ادق لان مراح ترد اتوقع وامي تقول ان دقيت راح تصير رخمه وتدوس على راسك بكرا ؟

وفعلا يمكن صح

بس انا احبها

والله احبها

ياخي احبها

ياهي احبها المشكله ان شريت لها خاتم الماس
ومقطوط بدرج السياره شلون اهديه لها وماتكلمني واقفه مع امي


الوكاد ؟ يويلكم ويلاه ان مارديتو لاتتفرجون لاني بقعد اطالع الي يدش ويطلع وكل شوي بسوي تحديث لصفجه اكتبو يرحم امكم

ابعدعو برائكم


لاتتفرج ياخي

لاتتفرجين ياخي


عبر عن شعورك
فرق الي بجواك


ايوووووه كده يوديـــــــــــــع



اخوكم المظلوووووم

كم عمرك؟

__________________

أخو الفاضل/ أول شيء بارك الله لك وبارك عليك وجمع بينكما على خير...
والله يتمم زواجك على خير
ومن أسلوبك يبين بأنك من الكويت الحبيبة ...
راح أنصحك نصيحة عامة طال عمرك بأنك تروح إلى احدى التسجيلات الإسلامية الموجودة عندكم وتشتري شريط باسم فهم النفسيات لجاسم المطوع
ونصيحة ثانية طويل العمر لو صار لك فرصه مناسبه بأنك تزور الأستاذ جاسم المطوع وتعرض له مشكلتك فبالتأكيد راح تلقى عنده الحل المناسب وراح تتغير حياتك بإذن الله إلى الأفضل.

الله يوفقك يا أخوي ،، مبين عليك راعي سوالف وقلبك طيب ونيتك صافيه وكريم ما شاء الله..

الله يسعدك يا رب والسموحه منك

أخوك من دبي/ بو سعود

يؤيؤ كل دي مشاكل وانتو لسه مخطوبين >>>> ماخليت شي لبعد الزواج ههههههه

بس شوف اول نقطه دي

5:- لما شفت البنت متغيره علي مثلا( تقول ادق عليك بعد خمس دقايق تدق بعد ساعه )

كل الرجال يزعلو منها اولهم خطيبي ياخي الوحده تقول خمس دقايق هي فعلا 5 لاكن ممكن يطلع شي ياخد ساعه ساعتين

يعني لاتتدق على دا الموضوع

ولمن تصير مشاكل مهما يكون لاتكلم امك او اختك لان بكدا هم بيزعلو عليك وحتى لو انت غلطان بيقولو هي الغلطانه

وبتصير حساسيه بينهم عشان كدا خل مشاكلكم بينك وبينها حتى لو المشكله تافهه ولاتتدخل احد

انت تحبها وهي تحبك لاكن لازم يكون فيه تفاهم مو كل شي بالصراخ والمشاكل >>> كم مره قلت هواش بالموضوع ^_^

والله يسعدكم وخلك صبور

عمري 23 ,, طال عمرك العبره مو بالعمر بالعقـل وانا رجال تغربت بديار يعلم الله بحالها

ونعم ببو سعود وبهل دبي ديار الحي ديار زايد الخيـــر

طال عمرك مايحتاج اروح لدكتور او غيره انا بالي طويل يعني ما اخذ الامور بعنفوان وبتعصب حيل اسايس المشكله وحلها بنفسي بس احب اسمع ارائكم الطيبه والشريط ان شالله بشتريه لبى خراطيش قلبك

ماتحلى الحياه من غير فلفل

لكن نقدر نقول الواحد بيشوف راء الناس

وسلمت يمناك اختي العزيزه والله يهني زوجك فيج

المسداني ادري انك راح تسألني وتقول كيف 23 سنه والسالفه صارلها 7 سنين ؟ لان الي يدخل الجامعه عمره 18 + 7 سنين =25 سنه ؟

راح افهمك حبيبي حصل دمج بدراسه بعد حرب الخليج الثانيه في الكويت ودمجو لنا السنه بسنتين

عشان ماتتلخبط الامور عندك :$ :$

مرحبا اخوووي ...

ما عرفت أطلع من موضوعك بدون ما أرد بس عاد إن شاء الله ردي يعجبك

شوف اخووي

أول شي آنا أحييك إنك شخص ديموقراطي , وإنك فاهم ومفهم خطيبتك إن الحياة مشاركة
وهذا شي صحيح وأوفقك عليه 100%
المشكلة عزيزي إن طريقة فهم خطيبتك لهذه السالفة خطأ
يعني هي مب فاهمة هالشي بالطريقة اللي إنت فاهمها فيها
وهذا سبب مشاكلكم ,,

ما عجبتني في شغلة إنك تسكر التلفون بويهها , مهما يكون الحركة هذي مب حلوة أبدا
عارفة إنك عصبي مثلما ما تفضلت , ويمكن تكون عصبي نار , بس بعد مهما يكون الحركة هذي تاخذ ردة فعل عند البنت وتتضايق منها وايد , فإنت لما كلش كلش تعصب معاها قول لها معليش آنا ألحين بسكر عشان ما تزيد المشكلة اللي بيننا وأوعدج حبيبتي لما أهدأ أكلمج , وسكر على طوول
لما ترتاح نفسيتك وتهدأ عقب تتصل فيها وتحطون النقاط على الحروف , الأمور أبدا ما تنحل بالعصبية وبالهواش بالعكس تزيد وتالي يصعب حلها ,,

موضوع لما كلمت أختك , هو صح الواحد دايما المفترض يحتقظ بهالأمور , لكني أعذرك لأن ساعات الواحد يطفش وما يقدر يتحمل وخصوصا احنا يالعصبيين << تراني مثل حالاتك
المراد , فأختك قريبة منك ومافيها شي لو قلت لها عن موضوع بسيط , ولكن مو كل مرة طبعا , وعجبتني لما ما قلت لها عن خصوصياتكم شي وايد ممتاز ..

ألحين موضوع الزعل الكبير اللي صاير بينكم , أساسا آنا ما فهمت شنو سببه ؟
لكن مع ذلك , أقولك بما إنك ديموقراطي حاول تحل الأمر بديموقراطية , بمعنى
البنت يمكن شايلة بخاطرها وايد , وإنت شاري لها هدية وتبي توديها لها بس منت عارف
بقولك شغلة اخووي
مسألة إن البنت لما تحقرها بالشهور هي غضبن عنها بتييك وتركع لك
ما تكون صحيحة دوما , يمكن تصير ووايد بنات هاللون
لكن في همن بنات لا
عندهم عزة نفس وخصوصا لما تكون مغلوط عليها
ووايد بنات تسمع كلام صديقاتها
اللي تقول لها خل يولي هو غلطان
واللي تقول لها ما عليج هو بيي لج هو غلط عليج
آنا مادري خطيبتك من أي نوع ولا أقدر أحدد
بس مهما يكون
حلو إنك تحلون الموضوع بدون أطراف ثانية
أمك / أختك / أخوك / أمها / أبوها
هذولا الأطراف كلما زاد عدد معرفتهم بالموضوع كلما صعب حل المشكلة
صح هذولا أهلكم بس مهما يكون
لو كلش كلش كلش
آنا أشوف
تييب شخص قريب منك ومنها
شخص وايد تحبون تسمعون منه ووايد تقتنعون بارائه
يعني شخص حكيم
تاخذه إنت وهي وياكم
وتروجون جي مكان حلو هاديء
يا كثر الأماكن الحلوة عندكم بالكوويت
حتى أحلى من أماكنا بالبحرين << البنت انقهرت هههههههههه
المراد , قعدوا وكل واحد منكم يقول حجيه
إنت تقول شنو عندك وعلى شنو متواخذ
وهي نفس الشي
نقدر تقول مثل الإجتماع
ولازم تطلعون بنتيجة في النهاية
كلش كلش ماعندكم شخص قريب منك ومنها
نجيب أبوك مثلا
أو أبوها مثلا
المهم وصدقني الجلسة هذي ممكن تحدد وايد أمور
لأن أحيانا الطرفين اثنينهم يكونون على صح
لكن كل واحد مب عارف يوصل هالشي للطرف الثاني
وتبدأ سلسلة الصراعات << ربي يبعدها عنك وعنا

المهم اخووي آنا وايد هذرت
إن شاء الله أكوون أفدت ولو بالشي القليل
وصدقني كل هذي أمور بسيطة إذا من ألحين واجهتوا هالصعوبة في حلها
لما تزوجون وتكونون مع بعض على طوول
راح تزيد حدتها أكثر

أتمنى لك التووووووفيق
وتبشرنا إن المياه ردت لمجاريهااااا عاد هالمرة تكون ثابتة إن شاء الله

ونصيحتي << خفف من العصبية شوي ترى مب زينة



ودي

__________________
"إخوان سنـة وشيعـة هذا الوطن ما نبيعـه ,, خذ هالشعار و ذيعه و تذووب الطائفيـة"
( منصووووووووووووورين والناصـر الله )

مرحبا..

من رأيي انك تشفطها على قولتك( واتوقع ان معنى كلمة تشفطها هي تطنشها)
وراح ترجعلك وبعد ما ترجعلك غير من اساوبك شوي. يعني سو ثقل.