رجعت لموضوعك ياهمس وأنا أفكر في

حلول فوجدت لك عدة حلول ويارب

تفيدك أول شئ أمتحنيه برسائل الجوال

صبحيه برساله ومسيه بالثانيه الصباحيه

أكتبي فيها صباح الخير يا أجمل أب في

الدنيا كلها ياحبيبي يابويه والله إنك

واحشني موت البارح نمت وأنا أفكر فيك

وماغبت عن بالي وزيدي العيار بالكلام

الحلوحبتين وآخر شئ أدعي له بطولة

العمروالحياة السعيده والرساله المسائيه

تصبح على خير يا أغلى أب أتمنى يانور

عيني إنك تنام وأنت راضي عني كل الرضا

فرضاك يهمني ياوالدي العزيزفأنا لن

أنسى أفضالك عليه وأنت أبوي وقرة عيني

وأنت عاد تعرفي تألفي كلام من عندك

بس في آخر الرساله أكتبي أحبك يا أبي

العزيز حبا جما وتصبح على خير أتمنى لك

ليلة سعيده ونوماهنيئا.إبنتك المحبه

شوفي يا أختي الغاليه ترى الرسائل

والكلام الطيب والحلو له مفعول السحر

على قلب الإنسان أنت جربي هاذي

الطريقه وأستمري عليها ولاتستعجلين

بالنتائج تراها ترجع تثمر فيه أنت

ماتقدري تناقشينه وتعبرين له وجها بوجه

فأستخدمي هاذا الأسلوب وإن شاء الله

يجيب نتيجه أول شئ أبوك بيحس إنك

مازلتي متعلقه فيه وتحبينه وإن هو

الشخص المهم في حياتك أما بالنسبه

لنيته إنه كان ناوي يزوجك لولد عمك وإنه

كارهك وكاره زوجك لهاذا السبب فأتوقع

إنه غير صحيح هاذا الكلام لأنه لوكان في

نيته شئ من هاذا الكلام كان رفض

زواجك من زوجك الحالي يوم تقدم لك

وكان تحجج بأي حجه أقلهاكان قال

البنت لولد عمها وكان صرف زوجك ذاك

الحين وكان بإمكانه إنه مايوافق حتى

بعد إصرار أمك عليه بالذا بشخصيته

وطباعه العصبيه وإنه مايبغى إلا رأيه

يمشي وبس فما أتوقع إن أبوك جالس

يعاقبك الحين أنت وزوجك ولاتخلين

الفكره هاذي تعشعش براسك أنت بري

فيه وراسليه وأشتري له هدايا وبقول لك

شئ بس ماتضحكي لأن طرت الفكره

في بالي يمكن زوجك يشجع النصر

وأبوك هلالي علشان كذا ماتقابلوا ترى

ذولي الفريقين بالذات جماهيرهم

مايتفقون أبدويشجعون بتعصب بقوه كل

مشجع يكره الثاني إلا ماندرإلحقي

زوجك لوكان نصراوي خليه يصير هلالي

حتى ولدك لبسيه طقم هلالي ولفاف

وقبوع أزرق وصوريه وأرسليه مسج على

جوال أبوك وأكتبي تحتها علشان خاطر

جدو أنا حفيده هلالي صدقيني راح ينبسط

بعد ماترسلي صورته أسألي أخوانك

وش كان شعور أبوك لماشاف الصوره

حقت حفيده .

طبعا أنتي خففي زيارتك أنت وزوجك

لأهلك وكلمي أمك وأخواتك بالجوال

وتطمني عليهم وأبوك راسليه ومره كلميه

وكمان سجلي إسمه بجوالك أغلى الناس

وحاولي إنك لما تكوني عندهم

وهوأبوك موجودأتفقي مع واحده من

أخواتك إنها تشيل جوالك قدامه وتجلس

تتصفح فيه الرسائل والأسماء وتجلس

شوي وتقول لك ياهمس من هاذا

مسجله على رقمه أغلى الناس تقول

بصوت عالي حتى يسمعها أبوك طبعا

أنت ردي عليها قول ومن غيره حبيبي

وتاج راسي ونور عيني طبعا أختك تقول

لك منهو فلان تقصد زوجك قولى لها

أفى ما بقى إلا هو أحطه أغلى النا س

وأبوي حبيبي وحياتي هو وين راح

وأرفعي صوتك حتى يسمعك وأختك

تقول ما أصدق بدق الرقم وخليها تدق

الرقم ويرن جوال أبوك وبعدها قولي

لها هاه تأكدي هاذا أبوي ما أبدل به كنوز

الدنيا كلها جعل عمري فدوة له يستاهل

الغالي وشوفي كيف يكون شعوره

حزتها إن شاء الله إن مجهوداتك تثمر

يارب بس أنت فكري وركزي عدل

وأحسبي لنفسك ألف حساب قبل لا

تقولي أي كلمه لأبوك في زوجك سوى

مدح أو ثناء أو دفاع أتمنى إني أكون

أفدتك ياهموسه وبعدين لوكان أجلتي

موضوعك بعد إختباراتك كان أفضل

الحين بتنشغلين عن دروسك والمذاكرات

أتمنى لك التوفيق والنجاح والتفوق في

حياتك الزوجيه والعلميه وأوصيك بهاذا

الدعاء قبل دخولك في إختبار الماده

المقرره وهو ] اللهم أشرح لي صدري

ويسرلي أمري وأحلل عقدة من لساني

وأنر بصيرتي سبحانك ربي بك آمنت


وعليك توكلت فإنك تجعل مع العسر

يسرا فيسر لي حاجتي يارب بك أستعين

يامعين [

غاليتي همس أسأل الله أن يجعل لك

من كل هم فرجا ومن كل ضيق مخرجا.

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله