تصرفات بنتك طبيعيه..لاتقلقي هذا ردت فعلها من الغيره من اخوها..تبغى تلفت نظرك انها موجوده ..وهي فقدت اهتمامك بها..
اكييد هي تشوفك..لما يبكي اخوها..تروحي له وتحميليه..وتضميه وتاكليه وتبوسيه..وهي تبكي تبغاك تعامليها بنفس الاسلوب..وانتي تضريبها..
الضرب اكبر غلط ف هذي الحاله راح تعاند اكثر..وتكره اخوها
الحل..
اانك..تهتمي بها اكثر من اخوها..وتشتري لها هدايا والعاب وماتشتري لاخوها..وتقولي لها لما يكبر اخويك راح اشتري له زيك..هو صغير دحين مايعرف يلعب
ولاتخليها تحس انك تخافي عليه منها..
ولما تضربه..لا تضربيها..قولي لها حرام..خليتيه يبكي..زعل منك..تعالي بوسيه..عشان يسامحك..ولا تبين لها انك انتي زعلانه عشان ضربت اخوها..خليها تعرف انه هو زعلان
وخليها تساعدك في اهتمامك باخوها عشان تحبه ..وماتكرهه
يعني مثلا لما تغير ملابسه حطي الملابس بعيد عنك وخليها تجيبها لك..
وفهميها انه يحبها..وقريبها منه وخليه يحضنها..
وربي يحفضهم لك..ويصلحهم
15-12-2010, 08:07 PM
ضوابط المشاركة
العرض الشجري