الله يعينك يا اختي
بنتك كتير بتشبه ابني من نواحي النشاط و قلة النوم و قلة الأكل
مريت بوضع مشابه تماما لوضعك
انا بداية انصحك انك تفصلي بناتك بالنومة ، كتييير بتفرق حياتك لما يصيروا يناموا مفصولين عنك
طبعا انا كتير جربت افصل ابني و كان يبكي بشكل متواصل لمدة ساعتين و ما يفقد الأمل
حتى نصحتني صديقتي اني اقفل عليه باب الغرفة و أضعه بالسرير يبكي كل الليل بدون ما ادخل عنده
طبعا انا ما قدرت اعمل هيك إلا لما اشتريت مونيتر مع كاميرة حتى اقدر شوفه كل الليل
لكن لما طنشته و سكرت عليه الباب ليلة كاملة فقد الأمل و خضع للأمر الواقع
لكن طبعا لما سافر عند أهلي كتير بخرب النظام
نفس الشي اخته فصلتها لما فطمتها بليلة وحدة بكيت كتير و بقيت اسبوعين تبكي لما تشوف السرير
لكن انا كنت سكر عليها و على نفسي الابواب و طنششششششش
افصليهم بغرف خاصة و ريحي نفسك
لازم يكون لهم أسرة خاصة
سرير أطفال و له أطراف حتى يكونوا سالمين و ما ينزلوا من السرير و يرجعوا لغرفتك
بدايتها صعبة كتير بس النتيجة بتستاهل التعب هذا
طبعاً بالنسبة لشخصياتهم (المعترضة على كل شيء) و توسيخهم البيت أطفالك الآن بأصعب عمر
لما يقتربوا من الـ3 سنين بترتاحي ان شاء الله، بصيروا يفهموا لما توبخيهم ، بصيروا ياكلوا بدون توسيخ
الموضوع بحاجة لصبر شديد
سنة كمان و بترتاحي من الأولى و بتتفرغي للبنت الأصغر
و أمورك بتصير تمام ان شاء الله
لا تظني انك الأم الوحيدة التي تعاني
لولا الأمومة عذاب ما كان أجر الأم عظيم و ما كان رب العالمين ذكر تعبها بالقرآن
نصيحة أخيرة
قبل ما تنامي قولي أدعية النوم ، سبحان الله (33) مرة ، الحمد لله (33) مرة ، الله أكبر (34) مرة
موفقة
__________________
.
.
استودعتك أهلي في سوريا يا من لا تضيع ودائعه
التعديل الأخير تم بواسطة ماريا ; 12-12-2010 الساعة 11:59 AM
11-12-2010, 11:13 PM
ضوابط المشاركة
العرض الشجري