يبدو ان التسمية المجازية هذه عشان تلفه يمين ويسار مثل الخاتم في الاصبع
يعني تمشيه على كيفها من غير نقاش ولا جدال
لكن رجال من غير شخصية ولا رأي شيء مزعج
وغريب اللي تتمنى زوج كذا لا يهش ولا ينش
بس الحلو صراحة ان الزوج يعطي وجه لزوجته وما يقول لا لمجرد الرفض
أو انه يفرض الشيء بس لأن رايه كذا حتى لو كان في حقيقة الوضع أمر ما يستاهل يسوي مشكلة ويضايق زوجته عشانها
ولا يتعلق فيه بشكل مباشر ويمكن ما يهمه لكن يأمر لمجرد تمشية رايه
يعني يلغيها كإنسان له مشاعر وأحاسيس
حلو يحسسها بكيانها ولا يتكبر عليها بالعكس يحن ويعطف لأنه الأقوى
وما يحط راسه براسها ويأخذها على قد عقلها في الأمور المقبولة
طبعا مع وجود الاحترام من قبلها
ومع الابتعاد عن الاستغلال وفرض السيطرة وتقريب لغة الحوار
محد بيحتاج يحط أحد مثل الخاتم
يكونون لباس لبعض وهذا أبلغ وأجمل للطرفين
09-12-2010, 01:53 AM
ضوابط المشاركة
العرض الشجري