يعطيك العافية اخوي على ردك

المحكمة جدياً افكر فيها الان

الرجال في بيت اهل زوجتي يوجد والدها فقط وشخصيته ضعيفه كل ما تكلمنا معاه قال بروح اسألها القرار لها

وهذا هو موالنا معاهم

اخوها في الثانويه ولا ينفع الحديث معاه فمازال صغيراً

ولدي ماراح يضيع وبيفهم لما يكبر هنا المشكله انا ما اتحمل اعيش دونه فما بالك يكبر وهو بعيد عن عيني

ما اتحمل الفكره بالأساس

احبه حب ما اقدر اوصفه ابداً

وابن آدم مفطور على الرحمة فما بالك بطفلك

ياخي والله فيه يوم احسست بصداع في رأسي ما ادري كيف بدأ

لكن في اليوم التالي علمت انه سقط على رأسه

والله احس بإحساسه اسناني تؤلمني وعلمت ان اسنانه تشق وتزعجه

والله احس فيه وهو بعيد لكني احتاجه قريب مني ياخي الكريم

شكراً لردك وشكرا لمرورك

سو زياره مره اخيره لأبوها وقل البنت ماتهمني ابي الولد نتفق على يوم بالاسبوع يجي عندي ومن بكرا اجيبه لكم بنفس الوقت وضح عدم اهتمامك بالبنت وانك جاي عشان الولد ولا تخاف انك تكون صريح بالموضوع قل ياعم انا ولدي باخذه يوم او يومين بالاسبوع هذا الكلام بيصير ولكن الطريقه بيدك انت اذا منعتوني عن ولدي الحمد لله فيه محاكم تجيب لي حقي ولكن انا ماودي الامور توصل كذا


وصدقني جمل مثل كن قويا تحترم
وان لم تكن ذئبا اكلتك الذئاب
هالنوعيه من الامثال صحيحه جدا خصوصا بالزمن هذا