أخوي

علشان نتكلم من منظار الواقع و بعيد عن العاطفة ..

قريبتنا من الدرجة الأولى .. أنجبت أطفال و ماتوا كلهم من غير سبب و من قبل لا أتولد أنا و أخواني ،،
عاشت مع زوجها و الحمد لله ،، زوجها كبر في العمر و مات الله يرحمه من 15 سنة و ترك لها بيت و أرض
أخوها أخد الأرض و البيت و باعه لها ، لإنه مافي أحد يتابع لها أمورها و مصالحها

أخوها أعطاها الفلوس و هي مسكينة ما عندها أحد غير أخوانها بعد ما كبرت في العمر و شاب شعر راسها
كل واحد من أخوانها ، يرميها للثاني .. و ااااااااااااخر شئ جلست في بيت أختها
أختها خجلت من كلام الناس فاستقبلتها ، و صارت تصرف على علاج أختها من فلوسها اللي أخدته من الأرض و البيت

أمي كانت تزورها ( لإنها كانت تحب أمي و تفضفض لأمي ) ، وصلت لمرحلة إنها ما تقدر تمشي لإنها كبرت في العمر
و كانت دايما تقول لأمي ، أبغى أمووووت قبل لا تخلص الفلوس اللي معايا عشان لا أثقل على أحد

الله يرحمها ماتت السنة اللي فاتت


و في المقابل ، شوف أمي الله يطول في عمرها
عاشت مع أبوي و تحملت إزعاجات أهل أبوي و أنجبتنا

أبوي الله يرحمه مات ، و الحمد لله أخواني يخدموها و أنا و أخواتي
و أمي مريضة و كبرت في العمر ،، لكن عايشة معززة و مكرمة و الحمد لله لإننا حوالينها


و اخر قصة مو من الخيال ، لناس نعرفهم شخصيا

وحدة من أرحامنا ، كانت تعرف أمي و ما تنجب أطفال .. كبرت في العمر و زوجها كبر
مافي أحد يخدمهم ،، و تستنى أولاد أخوانها يخدموها و ماحد يسأل عنهم
صارت تتصل على أمي عشان أخواني يخدموها

ماتت الله يرحمها ، و زوجها دحين ما ندري عنه ؟
أأهل الحرمة طردوه من البيت عشان يبيعوا أملاكها
و أظن أخدوه للرباط يعيش فيه


أخوي هذه قصص واقعية

إذا كل السبل جربتها و ما نفعت ؟؟؟ ماتدري فين الخير

خالتي عاشت مع زوجها 10 سنوات و ما جابت أطفال و قالوا إنها عقيم
تطلقت من زوجها لإنه أصلا كان عصبي و تزوجت واحد ثاني و جابت منه أطفال
و بنت خالتي ماشاء الله تزوجت دحين


فالقرار بيد زوجتك أخوي الكريم

فكر فيها يوم يصير عمرها 60 سنة ؟؟؟؟ مين راح يخدمها ؟؟؟

إنت ممكن تتزوج وحدة أرملة و عندها أطفال يتامى و تكسب أجر فيهم ..
و يكونوا أحسن من أولادك

ممكن تتزوج مطلقة و عندها أطفال و تربيهم إنت

لكن زوجتك ؟؟؟؟؟؟؟؟؟؟؟