أنا وزوجي وبطاقة الصراااف ...... الى متى !!!
السلام عليكم ورحمة الله وبركاته اعضاء وعضوات المنتدى الأعزاء
احيانآ الوظيفة تكون نقمة وليست نعمة
الحمدلله كما ينبغي لجلال وجهك وعظيم سلطانك
انا موظفة وبطاقة الصراف الخاصة بي مع زوجي
اعترف اني اخطأت اني عودته عليها وتركتها معاه
بس خلااااص الى متى
كم مره اكلمه يرجعها لي وكل مره يوعدني ويخلف او يعطيني البطاقة ويحتاج يقوم ياخذها مني ولايرجعها وهكذا
هو مو مقصر معاي بشي بس انا من حقي تكون لي خصوصيتي
كل ما افتح معاه هذا الموضوع يتحجج بأن كل شي غالي واننا نصرف فوق المعتاد وماعرف ايش
قلت له نفقتك علي واجبه حتى لو كنت موظفه ومالي كله لي الا ان عطيتك برضاي فهذا شيء راجع لي ... ولاتعلييييق منه
مره تمشكلت معاه وصرخت فيه هات البطاقة الى متى !! واخذتها منه وهو عطاني ما قال شي بس بعدها عاقبني نفسيا ومعنويا وضيق علي وصار مايكلمني والله كرهت بطاقتي وكرهت وظيفتي وتمنيته يطلبها عشان يرجع يكلمني بنفسيه حلوه زي اول ...
بس هذا مو حل من حقي اتمتع بخصوصيتي وتكون بطاقتي معي
مره كنا امام التي في وكان هناك اخد المشائخ يتكلم عن وجوب النفقة على الزوجة وان كانت موظفه مالها لها وعلى طول زوجي غير القناة طالعته وابتسمت قلت ليش غيرتها كلام الشيخ منطقي وهذا الصح ولا رد علي ...
اعترف اني غلطانه واعرف انكم بتلوموني زي ما لاموني صديقاتي لكن انا ابغى الحل الآن بنظركم ايش التصرف السليم اللي يخليني آخذ بطاقتي منه بدون ماتحدث مشاكل وتشين النفوس
حاجه مهمه لازم تعرفونها ...
اني كنت ما اهتم ابدآ بالبطاقة انها تكون معاه او معي بس صديقاتي واهلي واخواتي لاموني كثيررر وقالوا ان الرجال ما لهم امان 
الى متى انتي ساذجه
خذيها وخليها معك على طووول والرجال يدبر حاله ويتصرف وانا بصراحه ضد هالشي لان الحياة تعاون لكن اللي مخوفني كلامهم ان الرجال ما لهم امااان حتى لو وثقتي فيه
اعتذر للاطاله .. انتظرركم
__________________
لا اله الا انت سبحانك اني كنت من الظالمين
التعديل الأخير تم بواسطة &دلوعة مودي& ; 06-11-2010 الساعة 02:57 AM
06-11-2010, 02:29 AM
ضوابط المشاركة
العرض الشجري