اقول خذها قبل لاتطير تراها ماتجلس والي يذم الطبيبات احد امرين ..... اما ان تجده متزوج راحت عليه او الامر الاخر تجده لم يحصل عليها لانها هي الي ترفضه ...لذلك انا اقول اذا وجدتها انت اذهب واخطبها لان الحياة مع الطبيبه عيشه لن تنساها ابدا طيلة حياتك وشكرا لك والدليل لم نجد هنا اي طبيبه تشتكي من زوجها او شخص يشتكي من زوجته الطبيبه وشكرا لكم

الاخت عفراء لو اسقطت نقطه سوداء في بحر هل تضر البحر .... فأنتي اتيت بشخص واحد واتوقع انه تزوج من غير قناعه .... لكن تعالي الى العاطلات خوذي من المشاكل لو ينام زوجها قبلها جت كتبت من فضاوتها نام زوجي قبلي وش السبب .... مشاكل تافهه ...

بالنسبه للطبيبه هي الام الناجحه في حياتها ...وانظر الى ابناء الطبيبه وانظري الى ابناء غير الطبيبه .... . اذهبي الى كل الطبيبات اساليهن وستري الاجابه
تبقى للطبيبه مكانتها بنفسي مهما قلتم عنهم فأنا اعرف الطبيبات افضل من العاطلات الفاضيات ...

لا مو هذا كلامي انا اقول ان المرأءه الطبيبه هي المرأءه التي تربي اطفالها على الاصول اما البقيه فحظك نصيبك ......

إيش معني المرأة الطبيبة بس ؟!

يمكن يدرسوها مقرر في كلية الطب اسمه تربية الابناء على الأصول وحنا ماندري ؟!!

صلوا على النبي يا عفراء و دكتور المنتدى ..

ما حدا احسن من حدا هههههه

و اسمح لي اخي صاحب الموضوع ادلي بدلوي في هذا الشأن ..

كبداية الشغلة كلها قسمة و نصيب ..

لكن مهم كخطوة أولى .. انك تكون واثق من المعطيات اللي عندك .. يعني ما تكون راسم صورة براقة للزوجة الطبيبة و تحاول تقنع نفسك بها .. بعدين لما تنصدم بالواقع تقول ياليييييت اللي جرا ما كان ..

الطب اختلاط ..

الطب شفتات ..

الطب فيه عيال راح ينلطعون شوية عند جدتهم لأمهم أو جدتهم لأبوهم ..

الطب فيه غدا من برا ..

لكن كمان هالاشياء تكون سطحية اذا حطيتها في موازنة ان الطب فيه وعي ..

فيه طموح ..

فيه ثقافة ..

فيه وجاهة اجتماعية ..

و كمان اقتصادية ..

للتوضيح اكثر ..

أنا طبيبة .. و زوجي طبيب صيدلاني ..

قبل كذا كنت مخطوبة لولد عمي .. مو طبيب .. شغلة عادية بشركة خاصة ..

كان لانفصالنا اسباب عدة .. منها انه كان دايم يحس نفسه أقل مني و على هالاساس يحاسبني .. و انا ما كلمته اصلا .. بس كذا عنده عقدة في داخله ان الشباب اللي معي بالدوام احسن منه .. و كان يسألني انتي كنتي تتمنين تتزوجين طبيب صح .. نقص واضح و اهتزاز في شخصيته

على الرغم اني بذاك الوقت كنت طالبة بالكلية .. يعني ما بعد عشت حياة الطبيبات الحقيقية ..

و بالاخير قال لي اطلعي من الطب .. و الكثير من المشاكل انتهت بالانفصال قبل الزواج و لله الحمد و المنة ..

قررت بعدها اني ما اتزوج الا بشخص من نفس مجالي ..

بس بصراحة ما كنت ابغى طبيب ابداااااااااااااا .. طبيبة و طبيب ما يصلحوووون .. تصير الحياة معقدة .. طبعا هذا لا ينفي وجود بعض النماذج الناجحة ..

لكن انا من وجهة نظري اشوف انه صعبة .. و مالها داعي ..

زوجي اللحين طبيب صيدلاني .. مررررة مرتاحة من ناحية تكافؤنا الوظيفي و العلمي الحمد لله .. الله لا يغير علينا .. قولوا آميييييييين

طبعا هو كمستوى تعليمي اعلى مني .. لأنه وقت ما خطبني كنت طالبة بالكلية لسه .. و هو مخلص الماستر ..

احس الحياة افضل من ناحية انه فاهم طبيعة شغلي .. يتفهم احتياجي اني اكون لوحدي احيانا .. يتفهم قلقي من محاضرة راح اسويها بكرة .. او مقابلة او اي شي ..

يعطيني نصايح .. يساعدني .. كمان دوامه مو مثل دوامي .. مافيه شفتات .. يعني يقدر يغطي عني شوي ..

هالاشياء ممكن اي زوج ثاني بوظيفة ثانية يوفرهم لزوجته في حين كان متفهم و ماخذ طبيبة ن قناعة تامة .. انه راح يواجه ليالي صعبة شوي هههه

لكنه يحبها و يحب فيها طموحها .. و مستعد يدفع كل شي عنده في سبيل زوجته تثبت نفسها و تحقق ذاتها ..

اما اذا كان زوج متطلب بزيادة .. يحب التملك .. يغاااار .. مو واثق من نفسه .. فالافضل الابتعاد عشان لا يظلم نفسه و لا يظلم بنت الناس معه ..

اما انها تقارن زملائها بالعمل مع زوجها .. احس هالشي بعيييييييييد كل البعد ..

لان الف واحد من الاطباء اللي حولها .. ما يسوى مسحة من يد زوجها على شعرها و هي راجعة من الدوام تعبانة ..

انا هذا رايي المتواضع الحيادي ..

و من واقع تجربة شخصية ..

و الله يوفق الجميع ..