السلام عليكم ورحمة الله وبركاته ,,,
حياكم الله اخواني واخواتي

زوجي يملك من التقاليد ما يضيقني ؛


_الدراسه حرمني منها على اساس ان المرأه الزم ماعليها بيتها وزوجها لو كان يحب يطلع كثير انا مايصير اضيق ارضي فيني واذا تناقشت يقلبها علي بدال مايواسيني يضيق مني,

_المشاوير يتعب منها ويقول هجوله تقولو شايب الله يصلحه ويخليه لعين ترجيه,,

_يريدني مطيعه لا اعصي له امرآ لو كان يضايقني سم ولبيه يموت فيها شويب هههه,,

_لو برايه لبست غطوه بدال النقاب اذا بغى يقول غطي عيونك يقول غطي وجهك يحس ان وجهي طالع مع عيوني يبشر في هذي بس لحد الحين ماطلبها

والله انا بس ابي دراستي بالله عليكم وشلون يقتنع والله قهر قسم مناسب وحلو بس وشلون اجيب راسه تكفووووووووون عطوني حلول والله اعاني من فرااااغ مع العلم انه كان موافق عليها بس مع البيبي رفض ربي يهديه ويوافق علي والله ما اقصر معاه بشيء ولا مع اهله بس مدري وشلون يقتنع واهله كمان مايأيدون الفكره خساره لوهم واقفين بصفي كان وافق بس الله يهديهم ويسخرهم كبروها في راسه حيييييل,,

لاتحرموني من ردودكم لو بدعوات ربي يوفقها ويوفقه اللي بيفيدني ويسخر له مايحب ويسكنه فسيح جناته ووالديه ياكريم ,,

يارب ارحمـــــنا برحمتك التي تسع كل شيء

طاعة الزوج واجبة

احترامك لزوجك يعني طاعتك له

طيعي زوجك

يعني قبل ماتتزوجي كان راضي تكملي وبعدين غير كلامه
كم صارلكم متزوجين وكم طفل عندك؟

__________________
يارب عوضني عاجلا غير اجل واجعل ابني شفيعا لنا واحفظ زوجي لي وارزقنا من حيث لانحتسب

اختي أم عزام أنا مافهمت مشكلتك أي دراسة تقصدين !!!


انتي مرة قلتي ان عمرك 40 اذا ماكنت ناسية .... يعني انتي تقصدين دراسات عليا ؟



بصراحة انا اشوف من حقك تدرسين وزوجك مايحق له ابداً انه يمنعك من الدراسة ...


اذا ماكان في تعارض بين المصالح .... ليش يمنعك ... وبأي حق ؟





اما موضوع لبس النقاب اتوقع مافي سعودية الا تعاني من هالمشكلة تحسين لبس النقاب


يجيب لهم التوتر ....


وبالنسبة للمشاوير خلي احد اخوانك يوديك اذا كان زوجك متضايق او ماله نفس


وخصوصاً السوق .... ما الومهم لو يرفضون ... مانرتاح الا نلف وندور ومانخلي محل ماندخله ... وفي النهاية مايعجبنا شي ...



تقبلي مروري ....

__________________
بنفس القدر من الجهد نجعل أنفسنا أقوياء أو ضعفاء

:1اي اختي بعد البيبي غير كلامه ورفض للبته
سنه و9 شهور لي متزوجه
طفل واحد ربي يحفظه..

شاكرة لك ربي يوفقنا ويسعدك,,

الأخت الفاضله أم عزام

حاولي أن تقنعي زوجك باستكمال دراستك على الأقل ,
وقولي له لن أتوظف بعد الحصول على البكالوريوس .
اطلبي فقط استكمال دراستك , واجعلي هذا الأمر هو أهم طلب لديك ,
وتقبلي منه باقي الأمور غير الضروريه وتعايشي معها .

وممكن أن تقنعيه بذلك بالطريقه التاليه :
قولي له : لو لا قدر الله حصل لك أي مكروه - ولا أحد يضمن أحوال الدنيا - سيكون معي شهاده أستطيع
أن أحصل على وظيفه , أعيش منها أنا واطفالي ولا نكون عالة على أحد .
هل ترضى أن يكون أطفالك عالة على الناس , وكل من يصرف عليهم ريال واحد , يحلل لنفسه أن يتحكم بمصيرهم وطريقة تربيتهم ؟
أم أنه من الأفضل أن يكونوا تحت إشراف والدتهم ؟
أرجو الله ألا يحصل مكروها لك ولا لزوجك ولا لأطفالك , وأعتذر إذا كنت أزعجتك بكلامي , ولكن أظن أن هذه الفكره منطقيه وستجعل زوجك يوافق على الأقل باستكمال دراستك .

هذه الوسيله استخدمتها مع طليقتي , وهي أيضا كان لديها الرغبة الى حد ما باستكمال دراستها ,
واقنعتها اكثر باستكمال دراستها بهذه الطريقه واستغربت مني هذه الفكره ,
وقلت لها لماذا الاستغراب ؟
هل أنا ضامن حياتي وظروفي ؟
وبالفعل استكملت دراستها وهي زوجتي , وبعدما طلقتها توظفت بشهادتها وانشغلت بعملها عن هموم الطلاق .
أكرر , أسأل الله ألا تحتاجي الى الوظيفه تحت أي ظرف , ولكن لا أحد يضمن ظروف الحياة .

وأعتذر مرة أخرى إذا أزعجك كلامي .

مثل حالتي بس اناماعندي عيال ورافض كان باقي لي سنتين وخلص باكالوريوس لكن وش اسوي لازم اطيعه

اشكر كل من اقترح علي وتفضل برأيه وقلت له ذلك يا ابو حكيم ورد علي بأن الراتب سيمشي لي ولأطفالي لو قدر الله وحصل مكروه ولكن دون جدوى,,,وفقكم الله سوف ادعي لكم من اعماق قلبي,,

يسر المولى اموركم ووفقكم لما يحبه ويرضاه...