اقتباس:
المشاركة الأصلية كتبت بواسطة م زيتون
عال عال،
في موضوع ضايقني اليوم ارجو التوضيح يا نساء،
اتصلت بها و كانت تصلي!!!! الحمد لله
المهم، انا كنت عطيتها عقاب على ما فعلته بي في رحلتي فقلت لها ان عليها ان تحفظ نصف صورة التوبة
في مدة شهر بالضبط ابتداءً من ٣ يوم شهر آب. فمضى حوالي ثلاث اسابيع الآن. و حينها وافقت و قالت هذه
سهلة و سافعلها.
اليوم جاءت تقول لي لو استطيع تخفيف العقوبة.. فقلت طيب كم صفحة حفظتي الى الآن؟ فقالت و لا صفحة؟؟؟؟؟
زعلللللت لأنها اهملت امري و لم تبالي..
تقول الصوم كان صعب و ما استطعت ان احفظ شئ. و لا حتى صفحة واحدة؟؟؟؟؟؟
بعدين كان في اسبوع قبل رمضان. لماذا لم تستهلك وقتها؟ لماذا تاركة كل شئ لآخر اسبوع؟
زعلااااان منها.. ماذا افعل؟
|
لاحول ولاقوة الا بالله
ياخوي الله يخليك لعين ترجيك
ما هكذا تورد الابل
القران لايمكن يكون عقاب
هذا تنفير منه ..
وفي الاثر : يقول صلى الله عليه وسلم : " يسروا ولا تعسروا ، وبشروا ولا تنفروا "
انت شكلك حديث عهد بتدين .. وكل شيء تبيه يكون بسرعه ..
ياخوي ركز في الاساسيات في اركان الاسلام من صلاة الفروض والصوم وركز عالاخلاقيات من صدق وحشمه وادب وحرص على العلم . وغيرها
حفظ القران ماهو واجب وانت ماشاء الله مختار سوره طويله وفي وقت محدد وقايلها هذا عقابك !!
يكفيك تطلب منها طلب وليس امر انه تحفظ من السور القصار اللي تعينها على الصلاه . وادعيه الصباح والمساء ومابعد الصلاه مثلا .
والله ذكرتني بمعلمه الله يهديها ,, كنت اشرح لطالباتي في اخر حصه في اخر يوم دراسي قبل اجازة الحج ومتعمقين في الدرس الا تفتح الباب وتقول معليش ابي اكلم البنات : شوفوا حفظ سورة الكهف كامله واجب الزامي خلال العطله .. والتسميع مع بداية الدراسه والي ماتحفظ ماراح اعطيها درجة النشاط انتهى الكلام وقفلت الباب!!
انا والله ضيعت درسي وماكملته مع نظرات الحزن وصرخات الاعتراض 
من طالبات اول متوسط اعمارهم 13سنه اطفال ينتظرون اسبوع الاجازه لفرحة الحج والسفر وتجهيزملابس العيد ..قتلت فرحتهن هذي المعلمه الله يهديها وهي معلمة مادة . مالسورة الكهف علاقة بمادتها بس من منظورها انها مسويه خير وراح تثاب عليه !! واي خير من ورى تنفير الاطفال من القران الكريم ؟؟!!
قابلت والدة طالبه مجتهده جدا وخوافه جدا .. قالت لي بغضب ياختي والله طول الاجازه وبنتي ماسكه المصحف تحفظ بخوف وبتوتر ومحرومه من اجازتها الي من حق اي انسان فما بالك بطفل وباجازة عيد!! .. ايش عقلية هذي المعلمه؟ ... بالله ايش رايك ... هذا تنفير وتعسير من الدين .. الله ما امر به.
.................
اما من ناحية مشكلتك :
شوف اخوي ..
بكون صريحه معك وبعيده عن المثاليات .. راح اعرض لك مشورتي بنقاط :
اولا / انصحك ان لا تستعجل بالزواج .. لان من كلامك استشفيت انه ينقصك النضج والاستقرار النفسي وينقصك الثقه في اتخاذ القرار بشكل صحيح.
وانصحك ان تقرأ كثير عن الحياه الزوجيه وعن تجارب الناس الناجحه والفاشله وكيف حلوها . واحضر دروس تربويه وياكثرها في الفضائيات العربيه الهادفه وفي منتديات الانترنت . وهذا المنتدى من فضل الله فيه عقول واعيه وناضجه الله يجزيهم ويجزيهن خير بقراءة مواضيعهم وردودهم ومناقشتهم راح تتغير شخصيتك للافضل وبشكل ايجابي باذن الله ..
.. لانك ولاتزعل حسيتك خفيف وتحتاج تركد وتثقل وواضح هذا من كلامك عن دعوتك لخطيبتك هنا في المنتدى حتى تقرا كلامك وعرضك لمشكلتك وهذا غلط .. ما انصحك فيه .. لازم يكون لك خصوصيه .
ثانيا / اصبر على موضوع العفه وعليك بالصيام
وياكثر من استعجل وهدفه العفه وفي الاخير تورط باطفال وبحياه زوجيه صعبه
ثالثا وهو المهم / الرسول صلى الله عليه وسلم قال : ( تُنْكَحُ الْمَرْأَةُ لِأَرْبَعٍ : لِمَالِهَا ، وَلِحَسَبِهَا ، وَلِجَمَالِهَا ، وَلِدِينِهَا ، فَاظْفَرْ بِذَاتِ الدِّينِ تَرِبَتْ يَدَاكَ )
ويكفيك هذا الحديث عن السؤال
لاتتهااااااااااون بموضوع الصلاه الصلاه عماد الدين .. ان صلحت صلح العمل
واعمل على تمديد فترة الملكه بهدف اعطاء فرصه
واحسم امرك من البدايه
يا ابيض يا اسود عشان ماتتعب بعد الزواج ,,, وانتبه تضحك على نفسك وتقول زوجتي راح تتعدل بعد الزواج !
اذا انت متعلق فيها اعطيها فرصه حتى ماتظلمها لكن قبل وليس بعد الزواج . خصوصا اذا كانت اوضاعك الماديه غير ميسوره وعلى قد حالك وهذا اللي فهمته من ردك لاحد الاخوان .
رابعا/ اسال عن عائلة البنت ...وكرر السؤال ... للجيران وللاقارب ولامام مسجدكم ... وحسب كلام ابوك لك انهم ناس الكذب طبيعتهم اقول لك فكر زين !!.... وفكر من هم خوال عيالك !!
خامسا / ليش التشاؤم انه لو تركتها صعب تلقى احس منها ؟!! في اغلب البلاد الاجنبيه سواء امريكا او اوربا او استراليا او غيرهم فيه عوائل متدينين وبناتهم متمسكات بحجابهن رغم الاضطهاد والتضييق كيف ماراح تلقى في امريكا زوجه متدينه وخلوقه .. او صعبه تلقى ؟؟!!
او حتى في قريتك معقوله مافيه بيت سمعته طيبه ومشهود لاهل البيت بالصلاح تناسبهم؟
انت قاعد تتحجج باشياء غير صحيحه لشيء في نفسك ..الله اعلم
سادسا / اعطيك نموذج لكن لا اعمم الناس ليسوا سواء
قريب لي تزوج من امراءه ماتصلي واهلها ما يصلون وتهاوووون بهذا الموضوع في البدايه
نصيحه بدلع حتى تصلي ...طلب مع هديه حتى تصلي .. رجاء وبوسه فوق الراس حتى تصلي
وطفل ورى طفل ورى طفل ورى طفل .................. ورى طفل
ولما كون فريق كوره من الاطفال قام يتوعد ويهدد بالطلاق عشان الصلاه وفعلا طلق مره وقلنا تعدل الوضع وبدات صلاه الله اعلم بها ... وبعد شهر رجعت حليمه لعادتها القديمه والان بصدد وصول اول حفيد .. والوضع كما هو عليه .........
اسأل الله ان يعين قريبي على بلواه وأسأله ان يهدي زوجته ويصلحها .
سابعا / الزواج ليسسسس لعبه ياتصيب ياتخيب
الزواج ياخوي يا اما باقتناع تام والا لا ......... ماله داعي الخساير لك ولها .
اخيرا / ؛؛المستشار مؤتمن؛؛ وأسأل الله انه يجعلني قد امانة الاستشارة وما ظلمت احد .. وأسال الله لك التوفيق والسداد
ان اصبت فمن الله وان اخطئت فمن نفسي والشيطان
وارجو النصح والتوجيه
25-08-2010, 10:13 AM
ضوابط المشاركة
العرض الشجري