اقتباس:

التصنيف هذا بناء على دراسة أو من مصدر علمي وللا ملاحظات من خبراتك بالحياة؟؟ أسأل لان طريقة الكلام علمية فحبيت أتأكد

يعني تقدري تقولي من (نصف خبره) لان لازال عمري صغير على ان اطلق على كلامي (خبره) .. فيوجد بالمنتدى من هو أكبر مني
ولكن من حولي يشهدون لي بان لي إدراك بالنفسيات والمشاعر والتصرفات
لدرجة ان محارمي يطلبون مني اروح معاهم خطبتهم اونظرتهم الشرعيه لافهم البنت المتقدم لها
ولدرجة ان احدى ام القريبات طلبت مني ان اذهب لارى من يتقدم لبناتها لتعرف ماهو انطباعي عنه لان اغلب توقعاتي تكون صحيحه .. طبعا رفضت
عزيزتي .. هناك قاعده علميه : (كثرة الاثبات نفي وكثرة النفي اثبات)


عند الغضب احيان الزوجين يرمون كلام لا يعنونه وما يتواخذون عليه أصلا
لكن في حال الموقف الذي ذكرتيه (هو يعني كلامه في حال غضبه وحالة غضبه هذي هي المتنفس الوحيد للمشاعر التي يخفيها عنها )
وهو يحاول يبرر لانه لا يستطيع التخلص منها أوتركها فيه خساره في حساباته
فهو يريد ان تعذره في تصرفه الخاطئ لذلك يبرر يحاول ان يرسل لها (مسج) باني انا صابر ومتحمل لا تنصدمي لو تكتشفي دليل حقيقة الموضوع

هذا استنتاجي على ضوء معطياتك فالموضوع ..

__________________
استغفر الله الذي لا إلاه إلا هو الحي القيوم و أتوب إليه

وهو يحاول يبرر لانه لا يستطيع التخلص منهاأوتركها فيه خساره في حساباته
.. قصدك انه لا يستطيع ترك زوجته لخسارة بحساباته ؟؟؟؟؟ أظن معاكي حق وعلى فكرة ... هو مبرره لعودته للبنت انه يحتاجها بالشغل ويطلب من زوجته تفهم الموضوع ومساعدته بدل التنكيد عليه وتخريب عمله ولما يحتد يتهم زوجته انها ما تراعي مصلحته وتهمها مصلحتها بس ويذكرها بخلافاتهم السابقة وانها ناوية تخرب حياته كلها ...

فهو يريد ان تعذره في تصرفه الخاطئ لذلك يبرر يحاول ان يرسل لها (مسج) باني انا صابر ومتحمل لا تنصدمي لو تكتشفي دليل حقيقة الموضوع

ما فهمت هذي الجملة

اقتباس:

قصدك انه لا يستطيع ترك زوجته لخسارة بحساباته ؟؟؟؟؟

نعم ..(اقصد الزوجه)

والظاهر معجب بعقلها المادي (اقصد زميلة العمل)

__________________
استغفر الله الذي لا إلاه إلا هو الحي القيوم و أتوب إليه

نعم معجب بعقلها المادي مع انه الزوجة لو كملت تعليمها كانت راح تبدع اكثر من البنت لانها ذكية وكانت متفوقة بدراستها وانقطعت عن الدراسة بسبب زواجها المبكر ومسؤوليات الزواج باعتراف الزوج نفسه ..

وأظن انه معجب بسبب نقطة ثانية ... انه البنت عرفت كيف تلعب على الجانب العاطفي عنده من مدح واطراء واعجاب بينما الزوجة كانت غافلة عن هذا الجانب بسبب نقص بمعرفتها لانها تزوجت صغيرة فما غطت هذا الجانب بارادتها ومن جهة ثانية المشاكل بينهم ما خلت هذا الجانب يطلع منها بشكل عفوي بينما البنت ساعدها انه عندها ملكات بالكتابة ,,عربي وانجليزي ودايما تكتب خواطر ومتمكنة من كلماتها بينما الزوجة ينقصها هذا الجانب .. بالعكس ما عندها أسلوب واضح ودايما تخسر بنقاشها امامه حتى لو معاها الحق ....

المهم الحين شنو تقدر الزوجة تسوي ؟؟؟ تضغط على زوجها وتحاول جهدها تمنع اتصالهم وللا لأ

غريب اذا كان بنهم عمل وماديات .. مادخل الكتابات والجود بالخواطر !!
الموضوع متعدي اكثر من كونه مجرد اعجاب ..
الزوجه لازم بسرعه توقف مشاكلها وتعوض النقص بينها وبين زوجها من كلام عاطفي ومعسول وتحاول تقرا تثقف نفسها بطبيعة عمل زوجها عشان تتحاور معه فيه ويلتفت لها
وبالنسبه للبنت انا لو مكانك أدرس ماهو حاجة زوحي لها فالعمل وماهي حاجتها هي من زوجي
وبعدين اوقف البنت عند حدها ..
وإذا خبرت زوجي معناها تمون عليه بزياده فهذي فرصتي انكر واقلبها عليها واقول هي اللي تبي تخرب بيتي وتفرق بيني وبين زوجي بالفتنه وممكن اشتكي لاهلها
واخلي زوجي يصدقني (خاصه انيه يثق في صدقي ) وأجبره ياخذ حقي منها وبكذا تتدهور علاقتهم وتكون لي عين اطلب منه نقل عمله او من مديرها نقل عملها ( اشوه سمعتها في محيطها لانها فعلا غير مؤدبه وحتى زوجي يشيل فكرة الارتباط بوحده عليها سمعة تفرقه بين زوجين و يحاذرني مره ثانيه)
هذا تصرف يرضيني وأنا قده لاني مجنونة غيره وماعمري اتصرفت بقلة ادب حتى اسمح لوحده تدخل حياتي بقلة ادبها ..
هذا التصرف يناسبني ومو بالضروره يناسب هذي الزوجه
لو فيه تصرف افضل اتمنى من الاعضاء الاشاره اليه هنا

__________________
استغفر الله الذي لا إلاه إلا هو الحي القيوم و أتوب إليه

فكرت بهالطريقة ..واني مو أشوه سمعتها لكن أعلن عن قلة أدبها على الاقل ... اللي ربط ايديني شغلتين ... أولها انه زوجي كان واضح بكلامه ... اذا انا خربت بينه وبين هذي البنت فمعناها اني راح أخرب عليه شغله لاني راح أحرمه من مساعداتها له وبما انه علاقتي فيه ما كانت باحسن أحوالها يعني من وجهة نظره أنا كنت مخربة عليه حياته بالبيت والحين أبي اخرب شغله ..اذاً أنا عدوته الاولى بهالدنيا ... طبعا كلامه فيه تجني كبير علي لاني خدمت بيتي وكرست حياتي كلها لبيتي ونسيت نفسي ... وحاولت أناقشه بهالنقطة وما طلعت بأكثر من انه صار عنده رغبة باصلاح ما بينا مو أكثر ... وظل مصر على مصلحته معاها واني اذا ودي أصلح معاه فلازم أقدر ظرفه وأساعده ... هي كانت مستفيده منه بتطورها بالشغل لكن الحين نقلت مكان ثاني وما أظن انها ممكن تستفيد منه .

الشغلة الثانية والاساسية أكثر بعدم فضحي لها هو خوفي على بناتي ونفسي ... أخاف كثير من موضوع الشرف والعرض ... ما أحب اتكلم فيه لا بمزح ولا مضطرة ...

المهم ....... سويت مثل ما نصحتيني وحاولت أغطي الجانب العاطفي بجميع أشكاله واستفدت كثير من منتدانا وهذا كان سبب تعرفي على المنتدى ودخولي فيه ؟؟؟كنت ابحث بجوجل على " زوجي يحب غيري" وطلع المنتدى باول الخيارات .

تحسن وضعي معاه جدا لكن كنت أتوتر كل ما شفت مسج غرامية منها ...وكان هذا يضايق زوجي ..كان يتحملني بالاول ويحاول يكون واضح بتصرفاته من طلعات وتليفونات وكان يظل يكرر علي انه ما يحب غيري وما عاد يفكر بأحد غيري لكني كنت ألاحظ عليه تصرفات تدل على العكس ... يمكن وسوة من الشيطان ... ما تقدري تتخيلي كم كانت ولا زالت حيرتي ... يمكن لو تزوج كان تغلبت على الموضوع وانتهينا مثل ما واحد يموت .تسلمي امرك لله ومع الوقت تنسي ... لكن تظلي تعبانه معاه طول ماهو مريض ... وكل شوي مفاجاة أو تطور جديد ..

اذا عرفت عن أي اتصال بينهم يطلع لي تبرير ..وغالبا ما يكون تبرير غير مقنع لكن أتقبله حتى ما ازيد التوتر بينا اكثر ... وأكتفي انه بعد ما نتكلم بالموضوع يوقف اتصاله فيها لفترة ... ونتفق على انه يكلمها أمامي ما دام مو قاعد يسوي شي غلط مثل ما يقول لي ... والشي الصح ما تحتاج تسويه بالسر ... يوافق وبعدها أتفاجأ باتصال ثاني وهكذا ...

من يومين هي اتصلت ورديت أنا ... طلبت تكلم زوجي بطريقة رسمية .. قلت لها لحظة أشوفه ...كان نايم ... ادعيت اني قاعدة أحاول أصحيه حتى يرد عليها وكلمته بطريقة دلوعة جدا وتعمدت انها تسمع كلامي ...حاولت أوصل لها مسج ..انتي قاعدى تخربي بيت عامر ... لاني أظن انه كان يشتكي لها مني وهي اعتبرت نفسها المنقذ لهالرجل المسكين ....المهم بلغتها انه نايم وراح أبلغه يكلمها لما يصحى .

ثاني يوم بلغته باتصالها وطلبت منه يكلمها بوجودي ... تعذر بعذر سخيف وانتطر الى أن طلعت مشوار وكلمها ... رحعت البيت وكان هو متكدر ومتضايق ... ليش حبيبي متضايق ؟؟؟قال لي انه كلمها وانه في أخبار مزعجة بالشغل وقعد يكلمني عن الموضوع ... الخبر المزعج اللي قال عنه مو هالشي المزعج للدرجة اللي شفته فيها والخبر ينقال ب 5 دقائق على الاكثر وهو كلمها لمدة 17 دقيقة ... وليييييييييييش يخلف بوعده لي ويتحين الفرصة ويكلمها لما أغيب ... طبعا هذي أفكاري لكن كلامي كان متعاطف معاه ومقدره لشعوره

طبعا هو اتخذ موقف دفاعي ... معصب وأي شي يوتره عشان ما أفتح معاه اي موضوع ..ومريض وتعبان ... وفعلا ما كلمته ولا عاتبته ...أحس اني اذا شديت أكثر راح يصير يشتغل عالمكشوف ويقول لي اذا مو عاجبك بلطي البحر ..... لكن بحاول اظل أشتغل على البنت نفسها حتى أبعدها ... وطبعا الدعاء ...معتمدة 95% على الدعاء وعلى فضل رمضان .

اذا عندك أي أفكار أكون شاكرة لك

على فكرة ... زوجي متدين وملتزم بصلاته بالمسجد وقيام ليل وصيام ... مش عارفه كيف أوفق بين اللي قاعدة أشوفه وبين وضعه ... كثير مرات أفكر انه أكيد أنا ظالمته ..مو معقول انه واحد بتدينه ويغلط مثل هالغلطة ..