خليني اصور لك الوضع ، لو إني مكانها

رحت و سافر و لا اعطيت خبر لزوجي و طنشته و قلت بداخلي ، خليه ينقهر و ينحرق و يعرف إنه ماله كلمة و لا قيمة عندي
زوجي عرف باالموضوع ، و ما عمل شئ .. سكتتتتت

راح أقول دام إنه ما عمل شئ ، المرة الجاية راح أخرج من بيته من غير اذنه .. و هكذا


زوجتك ما شافت ردة فعل منك أو حزم بالأصح على طردها لك ، و لا على رسايلها ، و لا على سفرها

تجي ترسل لها مصروف ، و تجي ترسل لها رسالة ..؟؟؟
إنت اللي بتخرب بيتك بنفسك ، لإنك بتخربها بهدوءك

الطيبة لها ( وقت و مكان ) و الحزم له ( وقت و مكان )

تبغى اخوانها و لا امها يخاصموها و هم شايفينك ( هم كذا شايفين و فاهمين )
إنه عاجبك الوضع .. ؟؟؟؟؟

رسالتك لها ، هي اللي تبغاه

تبغاك ترد عليها ، علشان تستمر في تطنيشها لك و عدم احترامها لك

بأسألك سؤال و جاوب نفسك بصرااااااااااااااااااااااااااحة ، لا تجاوبنا نحن

لو بيوم لا سمح الله ، إنت مرضت و جاتك اعاقة لا سمح الله ،، أو خسرت وظيفتك لا سمح الله
أو كبرت في العمر و اصبحت عاجز ، برضو لا سمح الله

هل تتخيل زوجتك هذه راح تكون اول وحدة توقف معاك ؟؟؟؟؟؟؟؟؟
و لا تتخلى عنك و ترميك لأهلك مثل ما بتعمل مع بنتها ؟

قريب لنا يوم كبر و جاه السكر و قطعوا رجوله ، أول وحدة وقفت ضده هي زوجته
رمته و حطته في البدروم و صارت تجيب له واحد عامل هو اللي ينظف له الله يعزك
و كل يوم تبغى تتطلق منه علشان نفس الشئ ، اهلها مدلعينها
و أولادهم ما يطالعوا في الأب ، لإنهم مع الأم

أنا باقول الحكاية ، علشان من دحين تتفادى أي قلة أدب و احترام منها مستقبلا
الطيبة لها وقت و مكان ،، و الحزم له مكان برضو

لا تزعل من كلامي .. لكن الواقع يقول :
إن زادت الطيبة عن حدها ، اسمح لي .. الناس يعتبروها ( هبالة )
يا تطنننننننننننننننننننننننننننننش مرررررة ،، و لا ترسل شئ مثل ما قالوا الكل
يا ارسل لها ، و تحمل اللي يجيك منها .. لكن إنت اللي بتخرب بيتك بيدك وقتها


أخلاقك تأبى ذلك ، إذا كنت تتعامل مع ناس تقدر قيمة الأخلاق و تحترمك ..
مو يستهينوا بها .. و المثل يقول ، إذا اكرمت اللئيم ... إلخ ..

زوجتك اسمح لي .. ما تستاهل كل اللي انت تعمله و نحن متزوجات و عندنا اخوات متزوجات
و ازواجنا وو أخواننا يكرموا زوجاتهم مثل ما إنت تعمل .. لكن شايفين كيف زوجاتهم يستاهلوا التقدير
و السبب ، إذا بيوم غلطت على زوجها الوحدة .. بياخذ ردة فعل قوية