طيب أخي صقر الشرقية أنا عندي سؤال
ماهي الوجة اللي ممكن تتوجه لها العائلة آخر الأسبوع غير المولات ؟؟؟؟
بالنسبة لي لما زوجي يسألني وين هنروح وأجاوب مجمع العرب
يالطيف كأني قلت كارثة
وتلاقيه طول الطريق سوق سوق سوق طفشت من السوق
أبغى حدايق أبغى قهاوي على البحر أو أو أو .......... إلخ من الأشياء اللي كنا متعودين عليها في ألمانيا
أقله طيب شو أعمل أفتحلك بارك بجدة عشان تنبسط هادا الموجود
وبالفعل أخي هادا الموجود المولات هي الوجه الوحيدة حتى تتنفس العائلة
إذا عندك أي اقتراح آخر نتوجه له آخر الأسبوع أنا أوعدك بالتغيير وأبطل أطلب السوق
وعلى فكرة رغم إني مدمنة تسوق بس بالفعل أراعي زوجي لأقصى حد
ومو ضروري إني أشتري كل ماأنزل على السوق
وأحيانا كثيرة ندخل المجمع على الألعاب فورا نلعب مع الأولاد <<<<< لازم نشارك باللعب
ونطلع إما على المطعم أو على البيت للعشا
يعني عيوني تطير على الواجهات وقلبي يحترق إني مااشتريت بس أقاوم
وكما قلت سابقا في دول الخليج عموما مافي وجه ترفيهية للعائلة آخر الأسبوع إلا المولات
طبعا في عندي مشكلة أخرى
إنو زوجي يقول أنا طول الأسبوع مسافر روحي عالسوق بغيابي مع أهلك
طيب والأولاد ( عمر وسحاب ) شو أعمل فيهم
والدتي مانها حمل ذهاب للسوق فتجلس بالبيت وأخرج أنا وأختي
طيب هل والدتي مجبرة تتحمل أولادي كل مارحت السوق طبعا لا
وإني آخذهم معي للسوق بالفعل ممكن أجلس أربع ساعات وماعملت شي
ماشاء الله تلاقيهم مركبين جناحات وعم يطيروا من مكان لمكان وأنا جالسة أجري وراهم
إذا فالحل إننا نروح انا وزوجي فهو قادر على إنو يتحكم فيهم أكثر مني
إذا بالنهاية مارح أقضي أغراضي إلا معه
طيب أزيدك من الشعر بيت
زوجي إنسان ذوقه صعب صعب صعب
وكتير أحيان اكون اشتريت شي لأتفاجأ آخر الأسبوع إنه ماعجبه
وهات يالله على التبديل والترجيع
فأختصر وجع الراس وأقول نكون مع بعض أحسن
وطبعا أكيد حتقول لي تعودي على ذوق زوجك واشتري اللي يناسبه
فأرجع وأقول لك تلاقيه أحيانا يعشق الألوان الغامقة شهر شهرين تلاقيه بدأ يحب الفواتح
تلاقيه مايحب غير البنطلونات فجأة يقلب على التنانير
يعني حتى بلبسي مزاجي
طيب بالله شو أعمل
مافي حل غير إني أنزل معاه على السوق وأتحمله ويتحملني
وكلمة أتحمله لأنه ممكن بسهولة تفلت اعصابه قدام الناس ويبدأ إعصاره
والآن بعد ماحكيت قصة حياتي مع السوق
إذا عندك رأي آخر انا في الإنتظار
دمت في حفظ الرحمن
تحياتي
__________________
ياسوريا سامحينا *** والله حقك علينا
24-07-2010, 04:08 PM
ضوابط المشاركة
العرض الشجري