وش الجديد بس !!



انا انتظر منهم رد لين اللحين ما ردوا وانا ما راح ادق عليهم لأن الحاجه لهم عطيتهم كلام يجرح واذا يبون يطاوعون بنتهم يرجعون المهر


لأنهم باعوها بغالي هل يعقل ابيعها لهم برخيص اذا ما تعلموا الادب نعلمهم وعادي اذا ما رجعوا المهر طلبت زوجتي لبيت الطاعه بالغصب وخلها تنطق في البيت مثلها مثل الديكور ولا راح اكلمها حتى اذا تبي شي حياها ااذا ما تبي تنطق مثل المزهريه

ولا انام معها حتى انام في مجلسي لأن مكتوب علي الشقا بس الله لا يقوله .... لها مره في الاسبوع لهلها وبس ولا بعد وقت محدد وللي بيجي البيت حياه الله اما طلعات وغثا مافيه



لأني امر اللحين بمرحله قرف قسم بالله اخوياي عروسهم تمت ما شاءالله تبارك الله وانا جالس انتظر ذولا ............!


عيب والله عيب


اقل شي يتصلون يتعذرون مافيه عندهم اصول ابوها اسأل عنه كل يوم في استراحه ويتمشى ويروح ويجي

اخوها كل يوم اشوفه يتمشى بالسياره

بيتهم مظلم يعني الحريم مو في بيتهم اكيد في بيت اختها


حسبي الله ونعم الوكيل

طيب يااخوي هذا حقك؟؟

بتنتظرهم يماطلون وتسكت

قول لهم بالخط العريض وبااسلوب حلو

عجلو بالحقوق لاني بتزوج

عطيها في وجههم ولا تخاف في الله لومة لائم


واذا على اصحابك تزوجو يمكن يكون البلا فيك بعد مو بس في زوجتك

حتى انت الجأ للرقيه القران وكلام الله مفيد لكل شي

بتكون في راحه كنت تتمناها صدقني

الله يسهل امرك

__________________
لايقدر على رفع بلواك إلا الله متى تحرر في قلبك أنه لايرفع البلوى إلا الله
فاعتبر أن البلوى رفعت
(صالح المغامسي)

خلاص صبرت الكثير وما بقى الا القليل

ربي يوفقك ويعوضك خير

المشكلة الادهى والاعظم كلمت الوالد قالي خير ان شاءالله وقلهم عجلوا بالمهر وانتظر منهم رد واذا اتصلت عليه قال مادامك دخلتني في الموضوع فمالك اللحين الا الصبر اصبر عليهم



لين يتصلون عليك !!


انا بتصل على الوالد بكره بحاول اقنعه اني اكلمهم

والله يكتب اللي فيه الصالح

واذا تأخروا بالمهر الشرع بيقول غير كذا بتجي غصب عنها ولا جبناها بالمحكمه واذا جت صدقيني تبي تاخذ حقوقها وزياده

لين يتعدل الوضع ولا يرجعوون المهر

وبس




ليش احرمها من حقوقها اللي لها بتاخذه عشان ما اظلمها ولا ابي الا الاجر والثواب


االلهم الهمنا الصبر يا عزيز يا كريم


الله يعطيك العافيه

الله يكون بعونك

البنت شكل فيه احد لاعب عليها ومخوفها من الزواج انه مسؤوليه وكرف وربطه في البيت

من كلامك انها تحب تطلع مع خالاتها وتنام عندهم ويم قرب الزواج قالت خلاص بتنحبس في البيت

وتترك الفله والوناسه وي بيتحكم فيها رجال وخاصه بعد المشكله الي قلت عنها00

انت كمل مشوارك ودور على عروس وتزوج وهي مثل ماقالت الاخت00 مجروحه واكابر
00
طنشهم وخلها مثل البيت الواقف وقتها بتعرف هي واهلها كيف الانتظار والتطنيش

لانك لاخذتها هي الربحانه وتعرف كيد الحريم 00 وش الفايده من زوجه عنيده راسها يابس

الله يصبرك ويعينك ويكتب لك الخير 00

__________________
سبحان الله وبحمده ---- سبحان الله العظيم

لاحول ولاقوة الا بالله ..........ليش كذا !!!!!!!!!!

أنا رأيي من رأي اللي قالولك اتركهاااااااااااااااا وطنشهم لك شهر لاتدق ولاترسل وبكذا هم بيلاحقونك لان مو معقول

يبغون بنتهم تكون معلقه ,,,,,,,,,,,,,,,,,وعليك بالدعاء والاستغفار وباذن الله بتفرج.

وفعلا خل أبوك يدق يتفاهم معهم علشان يشوفون انك موهين ....

__________________
ربي لا أعلم بما تحمله لي الأيام لكن ثقتي بأنك معي تكفيني ~

المووضوع زي ما انتو شايفين طلع من يدي خلاص وودي اخلص بأسرع وقت


وفعلا وش ابي بوحده عنيده وراسها يابس الحمدالله انها جت من اول الطريق مو في وسطه




الحمدالله على كل حال

هع انا مو هين من الاساس


الله يعطيك العافيه اختي وفيه تطورات راح اتكلم عنها برد منفصل

هلا بالجميع اول شي احب اشكر كل من تابع مشكلتي وعلى رأسهم ادارة المنتدى لإتاحت الفرصه للشخص لتفريج همه على الاقل ....!

( مستجدات )

كلمت ابو تركي اليوم عشان اشوف وش صار على موضوعي بعد اذن الوالد والاصرار عليه لين وافق اني اكلمهم


المهم الرجال كالعاده الاستقبال الحلو (ياهلااااااااااااااااااااااااااااااااا ويا مرحباااااااااااااااااااااااااااااااااااااااااا)


بعد ما اخذنا الاخبار والعلوم :

قلت له : بشر وش صار على موضوعنا

قال : ابد جالس اجمع القروش

قلت : طيب ومتى ان شاءالله

قال : بتصل عليك ان شاءالله متى ما حصل معي ونبي نروح للشيخ ونعطيك حقك قدامه

قلت له : يعني متى ...!!

قال: ابد اسبوع اسبوعي

قلت له : يا خال تدري الفرق بين الاسبوع والاسبوعين واجد حدد لي موعد مضبوط

قال : ابد نهاية الاسبوع << يؤ كانت تو اسبوع واسبوعين

المهم قلت له : وش رايك بالليومين ذي نروح للشيخ عشان تعرف وش اللي لك واللي عليك

قال : لا ما يحتاج

طبعا اصريت عليه قال مو مشكله لأن فيها محكمه اخر شي ...!!

رحت للمحكمه سألت عن اقرب موعد قالوا لي اتصل بكره وان شاءالله نعطيك موعد

المهم لقيت واحد بالمحكمه استشرته قبل بالموضوع وقالي بجيب لك خبر البنت وش فيها بالضبط (هذا الكلام قبل ممكن اسبوعين ) قلت لشخص هذا وش صار على موضوعي جبت خبر قالي ايه البنت مريضه وفعلا فيها عين وهي تعبانه اللحين !! وقال ان الرجال جاء بعدك بيوم يستشيرني بنفس موضوعك (يقصد ابو تركي ومعه الشيخ راشد صديقه) يوم كلمني الشيخ راشد <<< في نفس اليوم ابو تركي موجود عنده

والرجال يبي يتأكد هل فعلا يدفع المهر كامل او لا !!! قلت على العموم انا جاي ادخل على الشيخ ابي موعد بس عشان اخذ حقي كامل ....!! الرجاال ما قصر وقالي مرني بعدين << مدري وش عنده

وان شاءالله بتصل عليهم بكره وبمر الرجال اشوف وش صار معه بالضبط عشان نخلص موضوعنا بأقرب فرصه