خطيبي لا يعاملني برومانسية - منتدى عالم الأسرة والمجتمع

03-06-2010, 11:11 PM

#33

تعويذة عشق

عضو دائم

تاريخ التسجيل: May 2010

المشاركات: 87

اقتباس:

المشاركة الأصلية كتبت بواسطة لامير نمر

بس باسالك .. ايش كان سبب برودة خطيبك الاول ؟ هل في سبب ورا دا الكلام و الا في رجال طبعهم كدا؟

بالنسبه ليا اللي قررت اعمله من وراء نصايح الاخوه الاعضاء (اللي تحبيهم ههههه ) هنا هو التالي:

1- ابطل غرور !
2- اكثف الجرعات الرومانسيه لخطيبي
3- اصارحه بطريقه محببه و ما تجرحه او تسبب له ضغط نفسي
4- الجأ إلي الله و استخير كل يوم
5- اهديه كتب عن طريقة معاملة المرأه و من دا الكلام و اشوف اهتمامه
6- اصارحو انو انا فكرت بالانفصال عنو .. عشان يفهم انو دا الشي مهم جدا بالنسبه لي .. ابغا اشوف مدى استيعابه للموضوع و هل راح يعتبر كلامي منطقي او غير منطقي .. عشان افهم طريقة تفكيره ..
7- بادخله في اختبارات لا نهائيه من ناحية التاريخ العائلي و دراسة شخصيته و كدا ..
8- راح اركز على الجوانب الايجابيه فيه ..

وش يدريني أنا سبب بروده

اهو كان بارد و جاف و دفش و بس مدري ليه هو مخلوق كذا ..

استغفر الله ما بذم فيه واااجد .. كان قريبي الله يرحمه و يوفقه .. تزوج هو اللحين

بس قلت لك يا قمر انتي .. سبب انفصالي عنه مو بروده و بس .. كانت بينا مشاكل كثيرة .. و بروده واحد منها .. أنا هنا مو في معرض اني اسرد مساوئه الله يستر عليه راح في حاله

ما تفاجأت كثير من كلامك و الله .. لأني مريت فيه لحظة بلحظة ..

شققت أوراق .. رميت هدايا .. كسرت ذهب .. كنت أجن منك ههههههه

حسيت فيك و انتي تقولي .. انقهر لما يقول ( هاه مبسوطة ) .. أنا سمعت نفس الكلمة و كسرت شي مدري وشو نسيت .. بس عشان اطلع القهر ذيك الفترة هههههه

و أنا اختلف مع الأخت اللي قالت .. ان اهتمامك جنسي بحت ..

امممم انا بصراحة اشوف .. ان العلاقة وقت الخطوبة هي قمة الحب و الشوق و المدري وشو .. اذا ما عاشتها و حبتها و تعلقت في خطيبها هالفترة .. بعدين بعد الزواج العلاقة راح يدخلها الروتين و الأولاد .. و راح ننزل عن القمة ..

فاذا كانت العلاقة من ايام الملكة في الحضيض .. هذي تنزل وين تروووح ههههههه

أنا كذا افكر

طبعا انا اختلف مع الاخت انوووشة .. و احط في بالي الاختلافات الاجتماعية .. ما علينا

انا اشوف هالاشياء ضرورية في حدووود .. يعني لو وردة وحدة .. تكفي !

اما سؤالك ان الرجال كلهم كذا .. طبعا لا .. بس الرومانسيين مررررة هذولا من رحم ربي ههههه

دامك اخذتي سعودي تحملي <<< تحس انها راح تتكفخ من الاعضاء على هالجملة

امزح معك

حبيبتي لامير ..

مبدئيا الخطوات اللي طرحتيها لحل مشكلتك موفقة من وجهة نظري ..

مع اني اشوف المصارحة بطريقة لينة و لطيفة .. المفروض تجي قبل تكثيف الجرعات الرومانسية ..

اني اعرفي وشلون يفكر .. و علميه انتي وشلون تفكري .. عشان ما تكوني كثفتي جهودك على أساس مو صالح من البداية ..

شوفي حبيبتي .. لا تتكلمي معاه بأسلوب توجيهي مباشر ..

انتي أنثى .. يعني ذكية ..

لا تقولي له أفكر بالانفصال .. بيقول لك .. تهدديني يعني ؟

لا جيبي له أمثلة من الحياة الواقعية .. عادي اخترعي لو مافي قصص من الناس اللي حواليك .. عادي ألفي هذا زوجك .. ألفي و اكذبي كذب ابيض عشان يصلح حالكم ..

بس عاااد مو تتحمسين بالتأليف .. يروح يسأل عن فلانة و علانة من وراك و يكتشف انك تشلخين عليه هههه

كمان لا تعطينه كتب .. انا عن نفسي اتكلم لك .. أحس الكتب في هالمجال مملة .. و أشوف خطيبي عن نفسي .. ما يحب يقرا هالكتب .. يقول لي اقريها انتي و عطيني الزبدة

طبعا كذا أحلى .. لأنك بتعطينه الزبدة اللي تخدم مصالحك انتي <<< خطييييرة خخخخ

أنا افضل و انصحك بالأفلام بدل الكتب .. افتحي اليوتيوب و دوري كذا على محاضرات حلوووة عن العلاقات الزوجية و المقبلين على الزواج و طريقة حل المشاكل و هذول كثيييييير ...

أنا احب هالطريقة .. أولا لأنكم راح تستمتعووووون و انتو تشاهدوا شي مع بعض .. أحسن من تجلسوا ساكتين و انتي تحسبي كم الوقت اللي جلسه بدون ما يقول لك كلام حلووو بعدين يجيك اكتئاب .. اوكي

اجلسوا و تشاركوا الاهتمامات .. اعملي فشار و جيبي عصير و اجلسوا طالعوا .. كل ما طرح المحاضر نقطة حسيتيها تمس حياتكم و المشكلة اللي تعانوا منها .. وقفي الفيديو و تناقشوا فيها و شجعيه يقول رايه ..

لامير .. ما يكون الرجال خاااايف منك و يشوف انك أعلى منه .. و يخاف يكون على طبيعته و تنتقديه ؟

اممممم شوفي لما يتكلم و يقول رايه .. امدحي رايه حتى لو ما عنده سالفة .. بس مبدئيا امدحيه عشان يقدر ينطلق و يعبر عن نفسه ..

حتى لو ما قال رايه .. انتي قولي رايك .. بعدين قولي ما أدري حبيبي انت توافقني ؟

المهم انك تحثينه على الكلام بطريقة أو بأخرى .. لأنه اذا بدا يتكلم راح يطلع لك كل اللي بداخله .. و من هالنقطة انتي ابدأي ..

أجلي الزواج .. عطي نفسك فرصة .. عشان ما تظلمين نفسك و لا تظلمينه ...

و على قولتك (( ايش تفرق مطلقة عن فاسخة خطوبتها ؟؟ ))

تفرق كثييييييييييييييييييييير .. لامير لا تقولي هذا الكلام

اتذكر في خطوبتي السابقة .. أمي قالت لي .. حبيتي عشق لا تفكرين انك تنهين مشاكلك في الخطوبة بالزواج .. يكون هذا أكبر غلط تسوينه في حياتك ..

ادخلي الزواج بخطوات واثقة .. و روح محبة و معنويات عالية .. أو .. لا تدخلين .. !

أنا اخترت اني ما ادخل .. ! و أعتقد اني أخذت القرار الصائب بعد توفيق الله و حفظه لي و ببركة دعاء أهلي لي ..

لكن مثل ما قلت لك .. تذكري ان أنا مشكلتي كانت مركبة .. مو بس البرود هو اللي خلاني اخلعه ..

استنزفي كل اسلحتك لانجاح هذا الزواج .. و هذا زوجك .. و هذا حقك و خذي وقتك ..

و كلنا هنا نحبك و نتمنى لك السعادة ..

على فكرة .. أنا سعيييدة اليوم لأن مبين من ردك ان نفسيتك مرتاحة شوي و أحسن من أمس ..

يارب دوووووووم

و طمنينا عنك ..

اتمنى اني افدتك .. و اعذريني على الاطالة ..

سي يو يا قمر

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي الانتقال إلى العرض المتطور العرض الشجري

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه