توفى زوجي الأول وعمري 18 وبعد 4 سنين تزوجت بعد ضغط من والدي رحمه الله
بعد ماحس بالموت ترجاني اتزوج عشان يتطمن علي

الرجل فيه وفاء وفيه رحمه وحب بس مايحب يعيش لحظات الحزن
لأن الحزن يضعف الإنسان
المراة في هذا الجانب تحتاج لوقت طويل لكي تتجرد من حزنها
بينما الرجل ربي فطره على استيعاب قدر كبير من المصاعب
ويتعايش مع الحزن بصورة أقوى من المرأة

وياحبيبتي لاتتفاولي على نفسك
لو انا مكانك افكر بعيالي اكثر من زوجي
لان الزوجة تتعوض بس الام ماتتعوض

الله يرحمه ويسكنه فسيح جناته

طيب وش كان نظرة المجتمع لك بما انهم مايأيدون زواج الارمله؟؟

ياحياتي انا مافاولت ع نفسي بس من يجي في بالي انه بيتزوج اذا ربي اخذ امانته النار تولع بقلبي

وفقك الله

يوفق الجميع يارب

المجتمع ممكن يعتب على الارملة لما تتزوج لما يكون عمرها تجاوز الـت 45 على الاقل او 50 وعندها بيت مليان اولاد ولها دخل مكفيها وعيالها كبار صعب يتاقلمون مع زوج جديد يفرق بينهم وبين امهم

اما ارمله شابه ما عندها اطفال او عندها طفل بالكثير وسنها بالعشرينات او الثلاثينات ولا عندها بيت و ساكنه بغرفه في بيت اهلها اكيد مثل هذي لازم اذا جاها نصيب نشجعها على الزواج وهذا الي مجتمنعنا ما يشوفه فيه عيب بالعكس يعاتبونها اذا رفضت
واذا فيه افراد من اللمجتمع يعتبون نقول لهم اجل قوموا فيها و وفروا لها بيت ومصرف ورجل يحن عليها ولا بلطوا البحر
خديجه بنت خويلد وام سلمه وحفصه بنت عمر رضي الله عنهن كن ارامل وتزوجهن الرسول عليه الصلاة و السلام و لا اعتقد ان مجتمعنا افضل من مجتمعهم الطاهر النقي