قبل لا نتزوج ، تقوم تعايرنا و هي اللي تبعد العرسان .. أي أحد يمدح فينا تقوم تبعد نفسها عنه ..
تقول علشان لا يقولوا ترمي نفسها و بناتها ،، و أي مكان فيه حريم ممنوع نخرج .. علشان لا يقولوا الناس توري بناتها ..
كل شئ ممنوع ممنوع ممنوع ، و تشك فينا و في سلوكياتنا ؟؟؟؟؟؟؟؟؟؟؟؟

و يوم نتزوج تقوم تقول تطلقوا .. يعني الرجال خلصوا ؟؟؟؟؟؟؟؟؟؟؟؟؟؟؟
و مرة كذبت عليها ، قلت لها .. أنا و زوجي خلاص تطلقنا .. (أبغاها توقف خلاص)
قامت سكتتتتتتتت و زي اللي انصدمت .. و جلست تقول ما يصير و ما يجوز ووو إلخ

إذا اتصلت على زوجي قدامها ، تسبني و تشتمني .. ما صرت أدق عليه أبداااااااا
كنت أحسبها تفرح إذا شافتني مبسوطة مع زوجي

كنت أبين لها محبة زوجي لي ، أحسبها تفرح مثل كل ام و أحكي لها ..
بس كانت تنقهر و تشوف إنه انسان ماله شخصية ؟؟؟؟؟

ملاحظة :
أمي مع الآخرين مرررررررررررررررة مافي مثلها ، و معروفة عند الجيران ،، أمي يهمها كلام الناس مررررررة و هذا اللي ضيعنا
أنا كنت أشوف صورة امي أمام الناس و عليها تربيت ،، بس يوم تعمقت أكثر و مع الموواقف ،، فهمت أمي أكثر ..
و كل شوي انصدم ،.


ما أنكر فضلها علينا ، طول عمرها تطبخ لنا و طول عمرها تخدمنا وو كذا
بس تجرح فينا و تكسرنا و تبغى تشوفنا ذليليين ؟؟؟؟؟؟؟؟

ابوي ربانا إنه تكون عندنا عزة نفس و كرامة ،، و أمي دايم تشوف نفسها و تشوفنا نحن أقل من الناس ..
فيوم تطلب مننا مثلا نكون متواضعين بزيادة لدرجة الذل ، وقتها نحن نعترض و نرفض ..

أمي تشوفنا أقل من كل الناس ،، و نحن نشوف إنه مافي أحد أحسن من أحد ..
و إنه كرامتنا و عزة نفوسنا أفضل من مليون شخص .. لإنه عمرنا ما أحتجنا لأحد و لا ذلينا نفسنا

++++++++++++++++++++

أختي ماريا

كلامك يريح بجدددددددد .. أتوقع هو العلاج الأفضل
و أمي بالفعل كل ما تكبر ، كل ما تزييييييد أكثر .. و كانت على أيام أبوي الله يرحمه مرررررة ما تتكلم و هادية
عشان كذا كنا نشوفها مظلومة دايما ؟؟؟؟؟؟؟

بس فهمت الحياة يوم كبرت على قولة أبوي الله يرحمه ..
بكرة تكبروا و تفهموا الصح من الغلط و تحكموا بنفسكم ..

لإننا كنا نشوف أبوي هو الغلطان دايما ..
بس أمي كانت تستفزه دايما و بأفتكر كم موقف حصل ، زي كأنه حلم