السلام عليكم ورحمة الله وبركاته

أكتب لكم اليوم عكس ذاك اليوم الذي كتبت فيه هذا الموضوع

الحمد لله فرحانه ومرتاحه بعد ما تكلمت مع غاليتي بنتي بنت أخوي
ناديتها ورحنا أنا وهي في مكان مريح نكون فيه براحتنا كانت ساكته ومتردده بس انا أعرف شلون أبدء معها الكلام تراها تربيت إيدي الله يحفظها
قلت لها تعرفي هذا الاسبوع كان صعب علي قالت حتى أنا قلت لها ليش قالت كان صعب لاني متفاجأة منك شلون تشكي فيني وأنتي المفروض تكوني أكثر وحده تعرفيني أنا تربيتك ومع ذلك شكيتي وبهدها بكت من خاطرها

المهم ظليت معها فوق الساعتين وضحت لها وجهة نظري وقلت لها مو شك بس خوف وهذا الزمن ما احد يضمن التاثيرات الاخرى اللي يتعرض لها الاخرين

المهم الحمد لله تأكدت وحمدت ربي أن الموضوع فعلا كان سوء تفاهم

البنت أكبر من هذي الامور وقلت لها مع ذلك راح أضل ادعي ربي دائما لك أن الله يستر عليك وعلى خواتك وبنات عمك

أحيانا نرى ثمرت عملنا بعد فترة والحمد لله بنتي ما خيبت ظني وقلت لها والله لو كان عندي بنت ما كنت حبيتها زي حبي لك
الله يحفظ بنات المسلمين جميعا